ပြည်သူလူထုများမှ ကိုယ်ပိုင်ချွေးနည်းစာဖြင့် အခက် အခဲများကြားမှ လှူဒါန်းပေးသော အလှူငွေများဖြင့် စနိုက်ပါ တစ်လက်၊ M4 တစ်လက်နှင့်ကျည်များ ရရှိလာပြီဖြစ်ကြောင်း ကရင်အမျိုးသားကာကွယ်ရေးတပ် (KNDO) အထူးကွန်မန်ဒိုတပ်ရင်း၏ VENOM စစ်ကြောင်းက ယနေ့ အသိပေးသည်။
“ဆက်လက်လှူဒါန်းပေးနေသော မိဘပြည်သူများ ၏အလှူငွေများကို ထပ်မံစုစည်းကာ ၊ နောက်ထပ်ရောက်ဖို့လဲ ရှိပါသေးသည်။ ကျွန်တော်VENOM အနေဖြင့် ဖော်မပြတတ်လောက်အောင် ဝမ်းသာမိပါတယ်”ဟု ဖော်ပြကာ VENOM စစ်ကြောင်းမှူး စောဝင်းမြင့်က ရောက်ရှိလာသည့် လက်နက်နှင့် ကျည်များကို ပြသခဲ့သည်။
အချိန်ယူအားဖြည့်ဆဲကာလမှသည် ၊ ပြည်သူများထံသတင်းကောင်းများ ရောက်ရှိနိုင်ရေး ဆက်လက်ကြိုးစားမည်ဖြစ်ကြောင်း အသိပေးထားသည်။
အဆိုပါစစ်ကြောင်းသည် စစ်ကောင်စီတပ်၏ မြ၀တီမြို့နယ် ဝေါ်လေဒေသ ဥကရစ်ထတပ်စခန်း တိုက်ခိုက်မှုတွင် ဦးဆောင်ပါဝင်ခဲ့သည့် စစ်ကြောင်းဖြစ်သည်။
