ဒေသတွင်း ပြည်ခိုင်ဖြိုးပါတီခေါင်းဆောင်များနှင့် တစ်ဖွဲ့တည်းဖြစ်ပြီး တော်လှန်ရေးသတင်းများကို စစ်ကောင်စီထံတိုင်ကြားနေသည့် ပျူစောထီး အဖွဲ့ဝင်နှစ်ဦးကို သုတ်သင်ရှင်းလင်းလိုက်ကြောင်း ထီးချိုင့်ပြည်သူ့ကာကွယ်ရေးအဖွဲ့က သတင်းထုတ်ပြန်သည်။
ထီးချိုင့်မြို့နယ် လယ်မှီးကျေးရွာမှ ပျူစောထီးအဖွဲ့ဝင် သန်းစိန်နှင့်ကျော်စိန်ကို ဇူလိုင် ၁၁ရက် ညတွင် ဒေသခံပြည်သူ့ကာကွယ်ရေးရဲဘော်များက ရှင်းလင်း လိုက်ခြင်းဖြစ်သည်။
ဖမ်းဆီးခေါ်ဆောင်လာစဥ် ခုခံထွက်ပြေးသဖြင့် ရှင်းလင်းလိုက်ရကြောင်း ထီးချိုင့်ပြည်သူ့ကာကွယ် ရေးအဖွဲ့၏ သတင်းထုတ်ပြန်ရေးစာမျက်နှာ Tigyaing Revolution က ယမန်နေ့(ဇူလိုင် ၁၄ရက်) ညတွင် ထုတ်ပြန် ထားသည်။
သန်းစိန်နှင့်ကျော်စိန်သည် ထီးချိုင့် ရွာသစ်ကုန်းရပ်ကွက်မှ ပျူစောထီး ဇော်ဝင်းကို ၊အမှတ်(၃) ရပ်ကွက်မှ ပြည်ခိုင်ဖြိုးပါတီခေါင်းဆောင် ရှေ့နေမာဒင်နှင့် ထီးချိုင့်မြို့ ပြည်ခိုင်ဖြိုးပါတီမှ စိုးစိုး တို့နှင့်တစ်ဖွဲ့တည်းဖြစ်ပြီး ပျူစောထီးများ ဖြစ်သည်ဟု Tigyaing Revolution က ရှင်းပြထားသည်။
၎င်းတို့နှစ်ဦး၏ဖုန်းထဲတွင် စစ်ကောင်စီတပ်ထံ တိုင်တန်းထားသော အချက်အလက်များ တွေ့ရှိခဲ့ ရသည်ဟု ထီးချိုင့်ပြည်သူ့ကာကွယ်ရေးအဖွဲ့မှ ရဲဘော်တစ်ဦးက ပြောသည်။
ဇော်ဝင်းကို၊မာဒင်နှင့်စိုးစိုးတို့ကလည်း စစ်ကောင်စီအား လူထုက ခုခံတော် လှန်ရေးတွင် အလွန်အန္တရာယ်ကြီးသည့် စစ်ကောင်စီထောက်တိုင်များ ဖြစ်သည်ဟု မြို့ခံများက ပြောသည်။
” သူတို့ သုံးယောက်စလုံးက စစ်တပ်လုံခြုံရေးနဲ့ နေနေတာ။ မြို့အတွက်တော့ အမှိုက်တွေပဲ”ဟု ထီးချိုင့်မြို့တွင်နေထိုင်သူတစ်ဦးက ပြောသည်။
