ချင်းတွင်းမြစ်ကြောင်း အထက်ပိုင်းသို့ ဆန်တက်လာသောစစ်ကောင်စီရေယာဉ်အုပ်စုကို ဒေသတွင်း PDF များကစောင့်ကြို တိုက်ခိုက်နေရာ ကမ်းပြိုတိုက်ပွဲအတွင်းထိ့ခိုက်ပျက်စီးသွားသော စစ်ကောင်စီရေယာဥ်တစ်စီးပေါ်မှမျောပါလာသောခဲယမ်းများနှင့်စစ်အသုံးအဆောင်ပစ္စည်းများစွာကိုသိမ်းဆည်းနိုင်ခဲ့ကြောင်းဗိုလ်နုတ်ခမ်းမွှေးနှင့်ရဲဘော်များKPDFက သတင်းထုတ်ပြန်သည်။
၆၀ မမ (၂)လုံး၊ 5.56 ကျည် 280 တောင့်၊ ၆၀ မမ နောက်ရိုက်ဒန်ကတ်သီး(၁၀)လုံး၊ ( 76th Anniversary Fire-Services Department) စာတန်းပါသော မိုးကာအင်္ကျီ အထည် ၁၅၀ ခန့်၊ တပ်မ(၅၅)တံဆိပ်ပါ စစ်အင်္ကျီများ၊ စစ်ဖိနပ်များ၊ စားသုံးဆီ (၃)ပုံး၊ အမျိုးအမည်မသိရသေးသော ပေပါ (၅)လုံး၊စစ်တပ်သုံး ကျောပိုးခြင်းကျားများ၊စစ်တပ်ထုတ် ရွှေဖီဦးလ္ဘက်ရည်ထုတ်များ၊စစ်ကောင်စီတပ်သားများအတွက်သာ စာတန်းပါဝင်သောဆေးဝါးပစ္စည်းများ၊ စားနပ်ရိက္ခာများနှင့်အခြားစစ်တပ်အသုံးဆောင်ပစ္စည်း အများအပြားအား ယနေ့ (ဇူလိုင် ၁၉)ဆယ်ယူသိမ်းဆည်းရရှိခဲ့ကြောင်းဖော်ပြထားသည်။
ဇူလိုင် ၁၈ ရက် မွန်းလွဲ ၁ နာရီခန့်တွင် ဗိုလ်နုတ်ခမ်းမွှေးနှင့်ရဲဘော်များအဖွဲ့ကကမ်းပြိုတွင်နာရီဝက်ကြာ တိုက်ခိုက်ခဲ့ခြင်းဖြစ်သည်။ တိုက်ပွဲတွင်စစ်ကောင်စီရေယာဥ်အုပ်စုအတွင်းထိခိုက်ပျက်စီးမှုများသော ရေယာဉ်တစ်စီးပေါ်မှ ပစ္စည်းများမျောပါလာခဲ့ခြင်းဖြစ်ပြီး ဗိုလ်နှုတ်ခမ်းမွှေးနှင့်ရဲဘော်များကင်းထောက်အဖွဲ့မှ သတင်းပေးပို့မှုအရ ရဲဘော်များဝိုင်းဝန်းဆယ်ယူရရှိခဲ့ကြောင်းသတင်းထုတ်ပြန်ထားသည်။
ဇူလိုင် ၁၈ ရက်မှစ၍ မုံရွာမြို့ မင်းဒေါင့်ဆိပ်ကမ်းမှစတင်ထွက်ခွာလာသည့် စစ်ကောင်စီ၏ရေယာဥ်အုပ်စုတွင်အမြန်ယဥ်စစ်သဘော်ကင်းထောက်ဘုတ်နှစ်စီးအပါအဝင်ရေယာဥ် ၁၃ စီး နှင့် စစ်သားအင်အား ၁၀၀ ကျော်ပါဝင်ပြီးချင်းတွင်းမြစ်အထက်ပိုင်းသို့ ဆက်တက်လာနေကြောင်း ဒေသတွင်းPDFများကသတိပေးထားသည်။ထို ရေယာဥ်အုပ်စုသည် စစ်ကိုင်းအထက်ပိုင်းရှိခန္တီးနှင့် ဟုမ္မလင်း မြို့ သို့ စစ်ကောင်စီက လက်နက်ခဲယမ်း ရိက္ခာ များကိုပို့ဆောင်ရန်လုံခြုံရေးယူပေးမည့် စစ်သ င်္ဘောတစ်စီးနှင့်ပြောက်ကျားစစ်အမြန်ယာဥ်နှစ်စီးမှာ မင်းဒေါင့်ဆိပ်ကမ်း ၌ဇူလိုင် ပထမ ပတ်တည်းက တပ်စွဲ ခဲ့ခြင်းဖြစ်သည်။
အဆိုပါရေယာဥ်အုပ်စုကို ယမန်နေ့(ဇူလိုင်၁၈) နံနက် ၅နာရီ ခန့်က မိနစ် ၃၀ ကြာ တိုက်ခိုက်မှု၌ ချိုင်ရွာအနီးရောက်မော်တော်တစ်စီးမှာ PDF များကလက်လုပ်၉၀မမဖြင့်ပစ်ခန်တိုက်ခိုက်ရာထိမှန်ရာနစ်မြုပ်သွားပြီး ခဲယမ်းကျည်အချို့ ရရှိကြောင်းလည်းသိရသည်။
အလားတူယနေ့(ဇူလိုင် ၁၉ ရက်)နေ့လည် ၂နာရီခန့်ကစ၍ကနီမြို့နယ်အပိုင် နတ်ကြီး နှင့် ငါးဖျက် ရွာ တို့ အကြားPDF များကသုံးကြိမ်တိုင်ကြားဖြတ်တိုက်ခိုက်ခဲ့ရာသေဆုံးထိခိုက်မှုများရှိခဲ့ကြောင်းကျောက်လုံးကြီး PDF တာဝန်ရှိသူက People’s Springသို့ ပြောသည်။
“တိုက်ပွဲက အခုမှ (ည ၆ နာရီ ၄၀ မိနစ်ခန့်)ပြီးတာ။စနိုက်ဘာမိတဲ့ စခ တစ်ယောက်သေတာတော့အတည်ပြုနိုင်တယ်။ထိခိုက်တဲ့သူတွေလည်းရှိနိုင် သေးတယ်။အတွင်းသတင်းကို ကျွန်တော် တို့ စောင့်နေတယ်”ဟု အထက်ပါတာဝန်ရှိသူက ရှင်းပြသည်။
ချင်းတွင်းမြစ်အထက်ဆန်တက်လာသောစစ်ကောင်စီတပ်ရေယာဥ်အုပ်စုကို ဒေသခံPDFများကစောင့်ကြိုတိုက်ခိုက်နေခြင်းဖြစ်သည်။
