ဖိလစ်ပိုင်နိုင်ငံခြားရေးဝန်ကြီးဌာနသည် မြန်မာနိုင်ငံသို့ခရီးသွားလာခွင့် အဆင့် ၄ (Level 4) သတ်မှတ်ထားပြီး မဖြစ်မနေရွှေ့ပြောင်းခြင်းလုပ်ငန်းစဉ်များကို လုပ်ဆောင်မည်ဟု ကြေညာလိုက်သည်။
ခရီးသွားလာခြင်း အန္တရာယ်ရှိမှု အဆင့် ၄ ကို ၂၀၂၁ မေလဆန်းကတည်းက ကြေ ခြင်းဖြစ်သော်လည်း ကျယ်ပြန့်လာသော အကြမ်းဖက်မှုနှင့် ဆိုးရွားလာသော လက်နက်ကိုင်ပဋိ ပက္ခများကြောင့် ဖိလစ်ပိုင်အစိုးရက မြန်မာနိုင်ငံရှိ ၎င်းတို့၏နိုင်ငံသားများ ပြောင်းရွှေ့ရန်အတွက် ပြင်ဆင်ရန် ယနေ့ထုတ်ပြန်လာခြင်းဖြစ်သည်။
၂၀၂၁ ဖေဖော်ဝါရီ စစ်တပ်အာဏာသိမ်းချိန်ကစ၍ ဖိလစ်ပိုင်အစိုးရသည် မြန်မာနိုင်ငံမှ ဖိလစ်ပိုင်နိုင်ငံသား ၇၀၁ဦးကို ပြောင်းရွှေ့စေခဲ့ပြီး ယင်းသည် မြန်မာနိုင်ငံအတွင်းရှိ ၎င်းတို့ နိုင်ငံသား ၆၀ ရာခိုင်နှုန်းဖြစ်ကြောင်း သိရသည်။
လက်ရှိ မြန်မာနိုင်ငံ၌ကျန်ရှိနေသော ဖိလစ်ပိုင်နိုင်ငံသားများအနေဖြင့် အရေးမကြီးဘဲသွားလာ ခြင်းမပြုရန်၊ အများပြည်သူနေရာများကို ရှောင်ကြဉ်ရန်နှင့် ရွှေ့ပြောင်းနိုင်ရေး ပြင်ဆင်ရန်အကြံပြုကြေညာထားသည်။
ပြီးခဲ့သည့် သီတင်းပတ်က အမေရိကန်နှင့် ဩစတြေးလျတို့ကလည်း ကမ္ဘာပေါ်တွင် ခရီးသွားလာခြင်းမပြုရန် တားမြစ်သည့် နိုင်ငံများစာရင်းတွင် မြန်မာနိုင်ငံကို ထည့်သွင်းထားသည်။
