စစ်ကိုင်းတိုင်း မုံရွာမြို့ပေါ် သာစည်လမ်းမပေါ်တနေရာတွင် အကြမ်းဖက် စစ်ကောင်စီတပ်က ထုတ်ပြန်သည့် အမျိုးသားနှစ်ဦး ဆိုင်ကယ်မစီးရ ကြေညာချက်စာရွက်ကို တော်လှန်လူငယ်များက ယနေ့ (ဇူလိုင် ၂၈) ညနေပိုင်း၌ မီးရှို့၍ ဆန္ဒထုတ်ဖော်ခဲ့ကြသည်။
![ဓာတ်ပုံ - CJ](https://i0.wp.com/www.ludunwayoo.com/wp-content/uploads/2022/07/295245126_432751588914299_1767281027557684596_n.png?resize=641%2C854&ssl=1)
![ဓာတ်ပုံ - CJ](https://i0.wp.com/www.ludunwayoo.com/wp-content/uploads/2022/07/295107903_432751525580972_5423596573363183892_n.jpg?resize=837%2C1600&ssl=1)
ပြီးခဲ့သည့် ၂၀၂၁ နိုဝင်ဘာအတွင်းကစတင်ကာ အကြမ်းဖက် စစ်ကောင်စီက မုံရွာမြို့ပေါ်တွင် ဆိုင်ကယ်တစ်စီး၌ အမျိုးသား နှစ်ဦးမစီးရဟုဆိုကာ ကြေညာချက်အား ထုတ်ပြန်ခဲ့ခြင်း ဖြစ်သည်။
လူငယ်များက အကြမ်းဖက် စစ်အာဏာရှင်စနစ်ကို ဆန့်ကျင်သည်အနေဖြင့် စစ်ကောင်စီ၏ အမိန့်ကြေညာစာရွက် ဗီနိုင်းအား မီးရှို့ရှင်းလင်း၍ ဖျက်ဆီးခဲ့ခြင်း ဖြစ်ကြောင်း သိရသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)