ကရင်ပြည်နယ် ဝေါ်လေဒေသမှာရှိတဲ့ ဥကရစ်ထစခန်းအနီးမှာ စစ်ကောင်စီတပ်နဲ့ VENOM စစ်ကြောင်းတို့အကြား နှစ်ဖက်တိုက်ပွဲပြင်းထန်ခဲ့ပြီး စစ်ကောင်စီဘက်က အနည်းဆုံး(၁၀)ဦးခန့် သေဆုံးသွားခဲ့တယ်လို့ VENOM စစ်ကြောင်းက သတင်းထုတ်ပြန်ပါတယ်။
ဒီနေ့ ဇူလိုင်(၂၉)ရက် ညနေ(၄)နာရီမှာ ဥကရစ်ထစခန်းအနီး ရွှေအေးမြိုင်ကျေးရွာဘက်ကို စစ်ကြောင်းထိုးလာတဲ့ စစ်ကောင်စီရဲ့ တပ်မ(၄၄)စစ်ကြောင်းနဲ့ VENOM စစ်ကြောင်းတို့ကြား နှစ်ဖက်တိုက်ပွဲ ပြင်းထန်စွာဖြစ်ပွါးခဲ့တယ်လို့ ထုတ်ပြန်ချက်မှာပါရှိပါတယ်။
![Public Service Announcement](https://i0.wp.com/www.ludunwayoo.com/wp-content/uploads/2022/01/PSA_inside_Story_Jan22-03.jpg?resize=880%2C229&ssl=1)
အဆိုပါတိုက်ပွဲမှာ VENOM စစ်ကြောင်းကို လာရောက်အားဖြည့်ပေးတဲ့ စစ်ကြောင်းတစ်ခုက ရဲဘော်တစ်ဦးကျဆုံးခဲ့ပြီး VENOM စစ်ကြောင်းဘက်က ရဲဘော်သုံးဦး ထိခိုက်ဒဏ်ရာရရှိခဲ့တယ်လို့ ထုတ်ပြန်ချက်မှာဖော်ပြထားပါတယ်။
![ဥကရစ်ထစခန်းအနီးတိုက်ပွဲအခြေအနေ VENOM စစ်ကြောင်းထုတ်ပြန်](https://i0.wp.com/www.ludunwayoo.com/wp-content/uploads/2022/07/295294983_433424858846972_1621375640268251999_n.jpg?resize=538%2C1024&ssl=1)
စစ်ကောင်စီဘက်က သေဆုံးမှုကတော့ (၁၀)ဦးနဲ့အထက်ရှိခဲ့ပြီး ထိခိုက်ဒဏ်ရာရရှိသူတွေလည်း အများအပြားရှိခဲ့တယ်လို့ VENOM စစ်ကြောင်းရဲ့ ထုတ်ပြန်ချက်အရ သိရပါတယ်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)