တောင်ကိုရီးယားနိုင်ငံ အင်ချွန်းမြို့ ဘူဖြောင်းဘူတာရှေ့အဝိုင်း ပြည်သူ့ရင်ပြင် တွင် စစ်အာဏာသိမ်းမှု ဆန့်ကျင်ရေးကော်မတီ(ကိုရီးယား)ဦးဆောင်ပြီး ယနေ့ (ဇူလိုင် ၃၁)၌ ကျဆုံးအာဇာနည်များအား ဦးညွတ်ဂုဏ်ပြုပွဲနှင့် လူထုသစ္စာ အဓိဋ္ဌာန်ပြုပွဲ ကျင်းပပြုလုပ်ခဲ့သည်။
ယင်းအခမ်းအနားကို တောင်ကိုရီးယားနိုင်ငံရောက်မြန်မာနိုင်ငံသားများ ၊ မြန်မာ့ဒီမိုကရေစီ အရေးကိုထောက်ခံအားပေးသည့် တောင်ကိုရီးယားနိုင်ငံမှ အစိုးရမဟုတ်သော NGOs အဖွဲ့အစည်း များတက်ရောက်ခဲ့ကြသည်။
![ဓာတ်ပုံ - U Yan Naing Htun /Facebook](https://i0.wp.com/www.ludunwayoo.com/wp-content/uploads/2022/07/296956690_434523775403747_1478380985144642233_n.png?resize=880%2C587&ssl=1)
![ဓာတ်ပုံ - U Yan Naing Htun /Facebook](https://i0.wp.com/www.ludunwayoo.com/wp-content/uploads/2022/07/295633212_434523862070405_3476695975236192577_n.png?resize=880%2C660&ssl=1)
![ဓာတ်ပုံ - U Yan Naing Htun /Facebook](https://i0.wp.com/www.ludunwayoo.com/wp-content/uploads/2022/07/296765724_434523948737063_6464377514977864552_n.png?resize=880%2C587&ssl=1)
ပြည်ထောင်စုသမ္မတမြန်မာနိုင်ငံတော် အမျိုးသားညီညွတ်ရေးအစိုးရ၏ ကိုရီးယားသမ္မတ နိုင်ငံဆိုင်ရာ ကိုယ်စားလှယ် ဦးရန်နိုင်ထွန်း တက်ရောက်ခဲ့ပြီး ကျဆုံးအာဇာနည်များအား ဦးညွတ်ဂုဏ်ပြုစကား ပြောခဲ့သည်။
ယင်းနောက်လူထုသစ္စာအဓိဋ္ဌာန်ပြုပွဲသို့ တက်ရောက်လာသူများမှ ကျဆုံးသူ အာဇာနည်များအား နှင်းဆီ ပန်းပွင့်များဖြင့် စီတန်း ဦးညွတ်ဂုဏ်ပြုခြင်း နှင့်အတူ နွေဦးတော်လှန်ရေးရန်ပုံငွေ ထောက်ပံ့ရှာဖွေခြင်း အနေဖြင့် ငွေတိုက်စာချုပ်ရောင်းချခြင်းနှင့်ထောက်ပို့တပ်သား One Day Challenge မန်ဘာဝင်များ စုဆောင်းခြင်း ပြုလုပ်ခဲ့ကြောင်း သိရသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)