ပြည်သူလူထုတစ်ရပ်လုံးအနေဖြင့်ယုံကြည်ရာတရားအလိုက်တိုင်တည်သစ္စာအဓိဋ္ဌာန်ပြုကြမည့် “လူထုသစ္စာအဓိဋ္ဌာန်ပြုပွဲ” များကို နိုင်ငံအနှံ့ ပြုလုပ်သွားကြမည်ဟု NUG အစိုးရ၊ ပြည်ထဲရေးနှင့် လူဝင်မှုကြီးကြပ်ရေးဝန်ကြီးဌာနက ယနေ့(ဇူလိုင် ၂၉)တွင် အသိပေးထုတ်ပြန် သည်။
အဆိုပါ လူထုသစ္စာ အဓိဌာန်ပြုပွဲကို ဇူလိုင် ၃၁ရက်တနင်္ဂနွေနေ့ နံနက် ၁၀ နာရီ ၃၇ မိနစ်အချိန်တွင်နိုင်ငံအနှံ့အပြားရှိ ပြည်သူလူထုများမှမိမိတို့စုဝေးရန်အဆင်ပြေသည့် နေရာဒေသတစ်ခုခုတွင် စုဝေးကြပြီး သစ္စာအဓိဋ္ဌာန်တို့ကို ရွတ်ဆို၍သစ္စာအဓိဋ္ဌာန်ပြုကြမည့် အစီအစဥ်ဖြစ်ကြောင်းအသိပေးသည်။
ရွတ်ဆိုရမည့် သစ္စာဋ္ဌာန်များမှာ တော်လှန်ရေးတွင် မြင့် မြတ်စွာရင်းနှီးပေးဆပ်ခဲ့ကြသူအပေါင်းတို့၏ ကျေး ဇူးဂုဏ်ကို ဦးညွှတ်အလေးပြုပါသည်၊ တော်လှန်ရေးပန်း တိုင်ရောက်သည်အထိ ဆက်လက်ချီတက်ပါမည်ဟု သစ္စာအဓိဋ္ဌာန်ပြုပါသည်၊ တရားမျှတ လွတ်လပ်ခြင်းနှင့် တန်းတူညီမျှခြင်းတို့သည် ဤမြေ၌ တည်ပါစေသ တည်း၊ တရားတဲ့သူသာ နိုင်ကြေးဟေ့ စသည့်ကြွေးကြော်မှုများပါဝင်ကြောင်း ဖော်ပြသည်။
ထို့အပြင် ပြည်သူများစုဝေးရာတစ်နေရာရာသို့ ရောက်ရှိရန် အခက်အခဲရှိပါက ကားဟွန်းတီးခြင်း၊ သံပုံးတီးခြင်း တို့ဖြင့် “လူထု့သစ္စာအဓိဋ္ဌာန်ပြုပွဲ” ကို ပါဝင်အားဖြည့်နိုင်ကြောင်းလည်း အငိပေးထားသည်။
