မကွေးတိုင်း၊ မြိုင် – ပခုက္ကူလမ်းပိုင်းအား ဖြတ်သန်းသွားလာခြင်း လုံးဝမပြုရန် ပြည်သူ့ကာကွယ်ရေးတပ်မတော်-မြိုင်က ထပ်မံသတိပေးသည်။
အကြမ်းဖက်စစ်ကောင်စီတပ်များသည် မြိုင်-ပခုက္ကူလမ်းပေါ်တွင် ကင်းပုန်းများဝပ်နေ၍ ပြည်သူများအား မြိုင်-ပခုက္ကူကားလမ်းကို အသုံးမပြုရန် ဩဂုတ် ၆ ရက်တွင် ထုတ်ပြန်ခဲ့ပြီးဖြစ်ကြောင်း၊ သို့သော် အချို့ကားများမှာ ဖြတ်သန်းသွားလာလျက်ရှိနေ၍ မြိုင်-ပခုက္ကူကားလမ်းအား လုံးဝ(လုံးဝ) အသုံးပြုခြင်းမပြုရန် ထပ်မံသတိပေးလိုက်ကြောင်း မြိုင်(ပကဖ)က ယနေ့(သြဂုတ် ၉ရက်) ထုတ်ပြန်သည်။
ကြေညာချက် မလိုက်နာ၍ ဖြစ်ပေါ်လာသော နောက်ဆက်တွဲများကို တာဝန်ယူမည် မဟုတ်ကြောင်း မြိုင်(ပ.က.ဖ)က ဆိုသည်။ မြိုင်နယ်တွင် စစ်ကောင်စီတပ်၊ ပျူနှင့်ဒေသတွင်း PDFများ တိုက်ပွဲများဖြစ်ပွားနေသည်။
သြဂုတ် ၆ရက်ကလည်း မြိုင်မြို့နယ်၊ ပျူစောထီးအားကောင်းရာ တွင်းမကျေးရွာကို ဒေသတွင်းအဖွဲ့များ ပူးပေါင်းတိုက်ခိုက်ရာ အကြမ်းဖက်စစ်သားနှင့်ပျူ ၃၈ဦးသေဆုံးပြီး ပြည်သူ့ရဲဘော် သုံးဦး ကျဆုံးခဲ့သည်။
