ရှမ်းပြည်နယ် မြောက်ပိုင်း နမ္မတူမြို့နယ်တွင် မူးယစ်ဆေးဝါး သုံးစွဲသူနှင့် စစ်ကောင်စီထုတ်ကုန် များကို စစ်ဆေးဖမ်းဆီးခဲ့ကြောင်း တအာင်းတပ်မတော်(TNLA)သတင်းနှင့် ပြန်ကြားရေးဌာနက ဖော်ပြသည်။
TNLA တပ်မဟာ (၄) စစ်ဒေသ နမ္မတူမြို့နယ်၊ ပန်ချင်အုပ်စု၊ လုပ်လေကျေးရွာတွင် လားရှိုး နှင့် နမ္မတူအကြား ဖြတ်သန်းသွားလာသည့် ကား နှင့် ဆိုင်ကယ်များကို PSLF/TNLA အုပ်ချုပ်ရေးဌာနက သြဂုတ် ၈ ရက်တွင် စစ်ဆေးခဲ့သည်။
![မူးယစ်ဆေးဝါးများနှင့် စစ်ကောင်စီထုတ်ကုန်များ TNLA တပ်သားများက စစ်ဆေးနေစဉ်၊ ဓာတ်ပုံ - TNLA](https://i0.wp.com/www.ludunwayoo.com/wp-content/uploads/2022/08/298568445_440630478126410_8473210687934403382_n.jpg?resize=880%2C586&ssl=1)
![မူးယစ်ဆေးဝါးများနှင့် စစ်ကောင်စီထုတ်ကုန်များ TNLA တပ်သားများက စစ်ဆေးနေစဉ်၊ ဓာတ်ပုံ - TNLA](https://i0.wp.com/www.ludunwayoo.com/wp-content/uploads/2022/08/298527344_440630488126409_5919138829231036571_n.jpg?resize=880%2C586&ssl=1)
ထိုသို့ စစ်ဆေးရာ အချိန် ၉နာရီ ကြာမြင့်ခဲ့ပြီး မူးယစ်ဆေးဝါးသုံးစွဲသူ ငါးဦး နှင့် စကစထုတ်ကုန် ABC Bier (၂) ဖာ၊ Tiger Bier (၂) ဖာ၊ Speed ချိုရည် (၆)ကဒ် တို့ကို ဖမ်းဆီးရမိခဲ့ကြောင်း ဖော်ပြထားသည်။
![မူးယစ်ဆေးဝါးများနှင့် စစ်ကောင်စီထုတ်ကုန်များ TNLA တပ်သားများက စစ်ဆေးနေစဉ်၊ ဓာတ်ပုံ - TNLA](https://i0.wp.com/www.ludunwayoo.com/wp-content/uploads/2022/08/298674221_440630448126413_2686590448125415597_n.jpg?resize=880%2C586&ssl=1)
![မူးယစ်ဆေးဝါးများနှင့် စစ်ကောင်စီထုတ်ကုန်များ TNLA တပ်သားများက စစ်ဆေးနေစဉ်၊ ဓာတ်ပုံ - TNLA](https://i0.wp.com/www.ludunwayoo.com/wp-content/uploads/2022/08/298593855_440630501459741_8029702262784636085_n.jpg?resize=880%2C586&ssl=1)
တအာင်းပြည်နယ်အတွင်း မူးယစ်ဆေးဝါးပပျောက်ရေး နှင့် စစ်ကောင်စီ ထုတ်ကုန်များ ရောင်းချစားသုံးခြင်း တားဆီးနိုင်ရေးအတွက် ဆောင်ရွက်နေခြင်းဖြစ်ကြောင်း TNLA သတင်းနှင့် ပြန်ကြားရေးဌာနက ဖော်ပြသည်။
TNLA အနေဖြင့် စစ်ကောင်စီထုတ်ကုန်များရောင်းချစားသုံးခြင်း မပြုရန် အမိန့်စာကို ၂၀၂၁ ဇွန်လတွင် ဖြန့်ဝေခဲ့ပြီး အခြားဒေသများ၌လည်း ဖမ်းဆီး စစ်ဆေးအရေးယူမှုများ ပြုလုပ်ခဲ့သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)