နေ့သစ်/People’s Spring
အာရက္ခတပ်တော်(AA) က စစ်ကောင်စီ၏ အနောက်ပိုင်းတိုင်းစစ်ဌာနချုပ် (နပခ)ကို သိမ်းပိုက်ရန် စက်တင်ဘာ လကုန်ပိုင်းတွင် စတင်ထိုးစစ်ဆင်ခဲ့ပြီးနောက် စစ်ကောင်စီက AA နှင့် ပတ်သက်၍ သတင်းအမှားထုတ်လွှင့်၍ ဝါဒဖြန့်ချီမှုကို တိုးမြှင့်လိုက်သည်။
AA က ရခိုင်ပြည်နယ်တွင် မြို့နယ်ပေါင်း ၁၀ မြို့နယ်ကို သိမ်းယူပြီးနောက် စစ်တပ်၏ နပခ အခြေစိုက်ရာ အမ်းမြို့နယ်ကို စက်တင်ဘာ ၂၆ ရက်တွင် စတင်ထိုးစစ်ဆင်ခဲ့သည်။
ပြီးခဲ့သည့်သြဂုတ်လ ၃ ရက်တွင် စစ်တပ်သမိုင်း၌ ပထမဆုံးအကြိမ် တိုင်းစစ်ဌာနချုပ် တစ်ခုဖြစ်သော လားရှိူးမြို့အခြေစိုက် အရှေ့မြောက်တိုင်းစစ်ဌာနချုပ်(ရမခ)ကို MNDAA နှင့် မဟာမိတ်တပ်များထံ လက်လွှတ်ဆုံးရှုံးရပြီးနောက် စစ်တပ်သည် နပခ ကိုအတိုက်ခံရ၍ ဝါဒဖြန့်ချီမှုကို အကြီးအကျယ် ပြုလုပ်ခဲ့သည်။စစ်တပ်၏ အဓိကဝါဒဖြန့်ချီရေး ကွန်ယက်ဖြစ်လာသောတယ်လီဂရန်များမှ အဓိက ဝါဒဖြန့်လာခြင်းဖြစ်သည်။
Public Service Announcement
အမ်း နပခ တိုက်ခိုက်ခံရပြီးနောက် ၂ လကျော်အတွင်း စစ်တပ် ဝါဒဖြန့်ချီမှုများကို လေ့လာသောအခါ AA က ပြည်သူများကိုဖမ်းဆီး၍ လူသားတံတိုင်းပြုလုပ်နေသည် ၊ ရခိုင်ပြည်နယ် တိုက်ပွဲတွင် AA တပ်ဖွဲ့ဝင်များသေဆုံးမှုများနေသည် ၊ ရိုဟင်ဂျာများကို လူကုန်ကူးပြီး စစ်သားသစ်စုဆောင်းနေသည် ၊ အမ်းတိုက်ပွဲတွင် AA ထိခိုက်ကျဆုံးမှုများကာအထိနာနေသည် စသောအကြောင်းအရာများကို အဓိက သတင်းအမှားထုတ်လွှင့် ဝါဒဖြန့်ချီခဲ့သည်ကို တွေရသည်။ မောင်တောမြို့ဗုံးကြဲတိုက်ခိုက်မှုအတွင်း AA ပြောခွင့်ရပုဂ္ဂိုလ်သေဆုံးသွားပြီ ဆိုသောသတင်းအမှားမျိုးကိုပင် စစ်တပ်ဝါဒ ဖြန့်တယ်လီဂရန်များကဖြန့်ဝေခဲ့သည်။
ထိုအပြင် ဘဂ်လားနိုင်ငံ နှင့် AA အထင်အမြင်လွဲစေရန် ပြုလုပ်သော ၊ ချင်းတိုင်းရင်းသားများနှင့် AA အမုန်းပွားစေနိုင်သော ရေးသားဖော်ပြမှုများကို ဖြန့်ဝေခဲ့သည်။ စစ်ကောင်စီ၏ အဓိကအားသာချက်ဖြစ်သော လေကြောင်းမှ ဗုံးကြဲတိုက်ခိုက်မှုပြုလုပ်ရန် လှုံ့ဆော်ခြင်းများကိုလည်းမကြာခဏ ပြုလုပ်ခဲ့သည်ကိုတွေ့ရသည်။
ရက္ခိုင်ပြည်နယ်တစ်ခုလုံးရှိ စစ်ကောင်စီတပ်စခန်းအားလုံးကို တစ်ခုမကျန် တိုက်ခိုက်သိမ်းပိုက်မည်ဟူသော ရည်ရွယ်ချက်ဖြင့် AA သည် ၁၀၂၇ စစ်ဆင်ရေးနှင့် မရှေးမနှောင်းပင် ‘အာရက္ခနှင့် ပလက်ဝဒေသ စစ်ဆင်ရေး’ ကို ၂၀၂၃ နိုဝင်ဘာ ၁၃ရက်တွင် စတင်ခဲ့သည်။ စစ်ဆင်ရေးတစ်နှစ်အတွင်း ပလက်ဝဒေသတစ်ခုလုံးနှင့် ရက္ခိုင်ပြည်နယ်ရှိ မြို့နယ်ပေါင်း ၁၀ မြို့ကို သိမ်းပိုက်ထိန်းချုပ်နိုင်ခဲ့သည်။
▪︎AA က ပြည်သူများကို လူသားတံတိုင်းပြုလုပ်ဟုသတင်းအမှားဖြန့်
လူသိများသော စစ်ကောင်စီ၏ ဝါဒဖြန့်ချန်နယ် ဟန်ငြိမ်းဦးက ရက္ခိုင်တွင် AA က အရပ်သားများကို ဖမ်းဆီးပြီး လူသားတံတိုင်းအဖြစ် အသုံးပြုလာကြောင်း သတင်းအမှားတစ်ပုဒ်ကို နိုဝင်ဘာ ၁၂ရက်တွင် ဖြန့်ချိခဲ့သည်။ ဟန်ငြိမ်းဦး၏ တယ်လီဂရမ်နှင့်အတူ Ka Ka Han ၊ ဆင်ဖြူရှင်၊ Min Chit Oo၊ May Yu Htar Nay၊ Ko Thet စသည့် စစ်ကောင်စီ၏ ဝါဒဖြန့်ချန်နယ်များကလည်း အလားတူ သတင်းအမှားဖြန့်ချိမှုများ ပြုလုပ်ခဲ့သည်။
သတင်းအမှားဖြန့်ချိမှုများကို အောက်ပါ တယ်လီဂရန်ချန်နယ်များ၌ တွေ့ရသည်။
ဟန်ငြိမ်းဦး – https://t.me/Hno969888/7295
Ka Ka Han – https://t.me/KaKaHan777999/31225
ဆင်ဖြူရှင် – https://t.me/sinphyushin13/56231
Min Chit Oo – https://t.me/minchitoo989989/41730
May Yu Htar Nay – https://t.me/newsmayyu/14212
Ko Thet – https://t.me/kothetjournalist9000/74515
စစ်ကောင်စီ ဝါဒဖြန့်ချန်နယ်များက AA သည် အထိအခိုက်၊ အကျအဆုံးများပြီး အင်အားနည်းပါးလာသော သဖြင့် အပြစ်မဲ့ကလေးငယ်များ၊ အမျိုးသမီးများနှင့် ဘုန်းတော်ကြီးများပါမချန် အတင်းအဓမ္မလိုက်ဖမ်းဆီးပြီး လူသားတံတိုင်းအဖြစ် အသုံးပြုလာကြောင်း သတင်းအမှားများ ဖြန့်ချိခဲ့ခြင်းဖြစ်သည်။ ယင်းဖြန့်ချိမှုများနှင့်ပတ်သက်၍ People’s Spring က လက်လှမ်းမီသော ရက္ခိုင်ပြည်နယ်သတင်းရင်းမြစ်အချို့အား မေးမြန်းစုံစမ်းရာတွင် သတင်းအမှားသာဖြစ်ကြောင်းနှင့် AA က ထိုသို့ လူသားတံတိုင်းလုပ်ဆောင်ခြင်းမရှိ ကြောင်း ပြောသည်။
အများယုံကြည်မှုရှိသည့် ရက္ခိုင်ဒေသတွင်း သတင်းမီဒီယာများအား စောင့်ကြည့်ရာတွင်လည်း AA က အရပ်သားပြည်သူများကို လူသားတံတိုင်းပြုလုပ်သည်ဟူသော သတင်းဖော်ပြခဲ့ခြင်းမျိုး မတွေ့ရှိရပေ။
သို့သော် အာရက္ခတပ်တော်(AA)သည် စစ်ကောင်စီဝါဒဖြန့်ချန်နယ်များက သတင်းအမှားဝါဒဖြန့်ချိသကဲ့သို့ စစ်မြေပြင်၌ ကလေးသူငယ်များ၊ အမျိုးသမီးများ၊ ဘုန်းတော်ကြီးများအပါအဝင် အရပ်သားများအား လူသားတံတားပြုလုပ်ခြင်း၊ ရွာသားများအား အဓမ္မဖမ်းဆီးပြီး လက်နက်၊ ခဲယမ်း၊ ရိက္ခာများ သယ်ခိုင်းခြင်းစသည့် ကျူးလွန်မှုရှိသည်ဟူသော ဖော်ပြချက်များ မတွေ့ရပေ။
သြဂုတ် ၈ ရက်တွင် မောင်တောမြို့၊ အမှတ် (၈) ရပ်ကွက်၊ ကညင်တန်း ရွာ၌ စစ်ကောင်စီတပ် နှင့် လက်နက်ကိုင်မူဆလင်များက လူသားဒိုင်းကာအဖြစ် ပိတ်လှောင်ထားသော ရိုဟင်ဂျာ (၅၀၀) ဦးခန့်အား AA က ကယ်တင်၍ လုံခြုံရာနေရာသို့ ကယ်ထုတ်ပေးခဲ့ကြောင်း ရုပ်သံမှတ်တမ်းနှင့်တကွ ထုတ်ပြန်သည်။
၁၀၂၇ စစ်ဆင်ရေးဖြင့် AA ကရခိုင်ပြည်နယ်တွင် ပထမဆုံး ထိုးစစ်ဆင်ခဲ့သော ပေါက်တောမြို့ သိမ်းတိုက်ပွဲ များတွင်လည်း AA က ပိတ်မိခဲ့သော ပြည်သူများကို ကယ်ထုတ်ခဲ့သည်ကို ရုပ်သံမှတ်တမ်းများနှင့် တကွ မကြာခဏ ထုတ်ပြန်ခဲ့သည်။
https://myanmar-now.org/mm/news/56097/
https://www.rfa.org/burmese/news/maungdaw-rohingya-evacuates-aaa-08092024022517.html
ထိုကြောင့် စစ်ကောင်စီ၏ ဝါဒဖြန့်ချီမှုများမှာ အလုပ်မဖြစ်ခဲ့ပေ ။
သို့သော် ကုလသမဂ္ဂလူ့အခွင့်အရေးကောင်စီမှ ခန့်အပ်ထားသော မြန်မာနိုင်ငံဆိုင်ရာ လူ့အခွင့်အရေးအထူးအစီရင်ခံစာတင်သွင်းသူ မစ္စတာသောမက်စ်အန်ဒရူးက ကုလသမဂ္ဂအထွေထွေညီလာခံသို့ တင်သွင်းသောအစီရင်ခံစာ၌ အာရက္ခတပ်တော်(AA)သည် ရိုဟင်ဂျာများအပေါ် အဆင်ခြင်မဲ့တိုက်ခိုက်မှုများ၊ သတ်ဖြတ်မှုများ၊ တရားလက်လွှတ်ဖမ်းဆီးမှုများအပါအဝင် ဆိုးရွားသည့်လူ့အခွင့်အရေးချိုးဖောက်မှုများ၌ ပါဝင်ပတ်သက်ခဲ့ကြောင်း ဖော်ပြခဲ့သည်။ အထူးသဖြင့် လူအခွင့်အရေးသမားများနှင့် နိုင်ငံတကာမီဒီယာအချို့တွင် AA ကမောင်တောမြို့သိမ်းတိုက်ပွဲ ဆင်နွှဲစဥ် ထိုကဲ့သို့ သတင်းများပိုမိုထွက်ပေါ်လာခဲ့သည်ကိုတွေ့ရသည်။
ထိုကြောင့် AA ကလည်း သြဂုတ် ၁၈ ရက်တွင်သတင်းထုတ်ပြန်ရာ မောင်တောမြို့သိမ်းတိုက်ပွဲ ဆက်လက်ပြင်းထန်နေသည်နှင့်တစ်ပြိုင်နက်တွင် နိုင်ငံတကာရောက် လူ့အခွင့်အရေးအရေခြုံ လူပုဂ္ဂိုလ်တစ်ချို့တို့သည် မောင်တောမြို့သိမ်းတိုက်ပွဲနှင့်ပတ်သက်၍ သတင်းတု၊ သတင်းမှားများဖြင့် စွပ်စွဲပြောဆို ရေးသားနေကြသည်များကိုလည်း ဆက်တိုက်တွေ့ရှိနေရပါသည်။ ဤကဲ့သို့ သတင်းတု၊ သတင်းမှားများ ရေးသားပြောဆိုနေခြင်းသည် အာရက္ခဒေသအတွင်း လူမျိုးနှစ်ခုအကြား သဟဇာတဖြစ်မှုကို ထိခိုက်စေနိုင်ကြောင်း အလေးအနက် သတိပေးလိုပါသည် ဟု ထုတ်ပြန်ခဲ့သည်။
ဆက်လက်၍လည်း AA က “လက်ရှိအချိန်အထိ မောင်တောမြို့တွင်းတိုက်ပွဲများမှာ မြို့တွင်းနေရာအနှံ့တွင် တိုက်ပွဲဖြစ်ပွားလျက်ရှိပြီး မြို့တွင်း၌ ဖက်ဆစ်စစ်ကောင်စီ နှင့် ARSA ၊ RSO ၊ ARA အစရှိသော ဘာသာရေးအစွန်းရောက် အကြမ်းဖက် အဖွဲ့အစည်းများ၏ လူသားဒိုင်းကာအဖြစ် အသုံးပြုရန်ခေါ်ယူထားသော မောင်တောဒေသခံ ပြည်သူအချို့တို့မှာလည်း ရှိနေဆဲဖြစ်သည်”ဟု အသိပေးခဲ့သည်။
ထို့ကြောင့် AA က ပိတ်မိနေသာပြည်သူများကို နေ့စဉ်နှင့်အမျှ ကယ်ထုတ်နေရဆဲပင် ဖြစ်ပြီး မောင်တောမြို့တွင်ပင် ကယ်ထုတ်ရသောသူ ၂၆၀၀၀ ကျော်ရှိသည်ဟုဆိုခဲ့သည်။
▪︎ AA ကို အရေးယူရန် ဘင်္ဂလားဒေရှ်ကို စစ်တပ်ဝါဒဖြန့် တယ်လီဂရန်များတိုက်တွန်း
အာရက္ခတပ်တော်(AA) က ဘင်္ဂလားဒေ့ရှ်နိုင်ငံသား ငါးဖမ်းသမားသုံးဦးကိုအောက်တိုဘာ ၇ ရက်တွင် ဖမ်းဆီးရိုက်နှက်ငွေညှစ်နေသောကြောင့် ဘင်္ဂလားဒေ့ရှ်နိုင်ငံအနေနှင့် လက်ပိုက်ကြည့်မနေဘဲ AA ကိုအရေးယူရန် စစ်တပ်ဝါဒဖြန့်တယ်လီဂရမ် ချန်နယ်အချို့က လှုံ့ဆော်ခဲ့သည်။
Min Din – https://t.me/hantharwaddy/109199
အဆိုပါရေးသားမှုကို Voice of Arakan News အမည်ဖြင့် ဖွင့်လှစ်ထားသောဖေ့ဘွတ်ခ်စာမျက်နှာတွင်ဖော်ပြခဲ့သောသတင်းကို screen shot ယူ၍ စစ်တပ်ဝါဒဖြန့် ချန်နယ်ကဖြန့်ချီခဲ့ခြင်းဖြစ်သည်။AA သည် ဘင်္ဂလားဒေ့ရှ် ပိုင်နက်ထဲသို့ မကြာခဏ ဝင်ပြီး ပြန်ပေးဆွဲ ငွေညှစ်မှုများပြုလုပ်နေသည်ဟုလည်းစွပ်စွဲထားသည်။
https://www.facebook.com/photo/?fbid=122167894100128742&set=a.122105797454128742
သို့သော် ဖြစ်စဥ် အမှန်မှာ ဘင်္ဂလားဒေ့ရှ်နိုင်ငံနှင့် နတ်မြစ်သာခြားသော ရခိုင်ပြည်နယ်မြောက်ပိုင်း မောင်တောမြို့နယ်အတွင်းတရားမဝင် ဝင်ရောက်၍ ငါးခိုးဖမ်းသော ဘင်္ဂလားဒေ့ရှ်နိုင်ငံသား ၅ ဦးကို AA က အောက်တိုဘာ ၇ ရက်တွင် ဖမ်းဆီး၍ ဘင်္ဂလားဒေ့ရှ်နယ်ခြားစောင့်တပ်ဆီ ပြန်လည်လွှဲပြောင်းပေးခဲ့ခြင်းဖြစ်ကြောင်း Western News ကအောက်တိုဘာလ ၁၀ ရက်တွင် ရေးသားခဲ့သည်။
https://www.facebook.com/photo/?fbid=999164705556289&set=a.682731967199566
AA ကိုယ်တိုင်ကလည်း ငါးဖမ်းသမား ၅ ဦးကို အောက်တိုဘာ ၉ရက်တွင်ဘင်္ဂလားဒေ့ရှ်နယ်ခြားစောင့်တပ်ထံ လွှဲပြောင်းပေးခဲ့ကြောင်း အောက်
တိုဘာ ၁၀ ရင်တွင် ရုပ်ပုံနှင့်တကွ ထုတ်ပြန်သည်။အလားတူ ဘင်္ဂလားဒေ့ရှ်မှ ငါးခိုးဖမ်းသူများကို AA ကခေတ္တဖမ်းဆီးထိန်းသိမ်းစစ်ဆေးပြီး နောင်ငါးခိုးမဖမ်းရန် ခံဝန်ထိုးစေ၍ ပြန်လွှဲပေးသောဖြစ်ရပ်များမကြာခဏပြုလုပ်နေသည်။
စစ်တပ်ဝါဒဖြန့် သူများသည် ဘင်္ဂလားဒေ့ရှ်ကို AAအားအရေးယူရန် လှုံ့ဆော်သလို ဘင်္ဂလားဒေ့ရှ်က AA ကိုကူညီနေပါသည်ဆိုသော ကောလဟလများကိုလည်း ထုတ်လွှင့်တက်သူများဖြစ်၏ ။အောက်က ဝါဒဖြန့်ချီမှုကို ကြည့်ပါ ။
AA မှတာဝန်ရှိသူများ နှင့် တွေ့ဆုံဆွေးနွေးရန် ဘင်္ဂလားဒေ့ရှ် နိုင်ငံတွင် သြဇာကြီးသော Awami League ပါတီ၏ အမတ် ဘိရ်မဟာဒူရ်(ခ) ဦးရွှေစိန်တစ်ယောက် မောင်တောမြို့နယ်၊ဖားဝပ်ချောင်းရွာသို့ ရောက်ရှိနေသည်ဟု စစ်တပ် ဝါဒ ဖြန့်ချန်နယ်အချို့က အောက်တိုဘာ ၂၂ ရက်က သတင်းဖြန့်ခဲ့သည်။
ဘင်္ဂလားဒေ့ရှ် အစိုးရ အဖွဲ့ ၏ဝန်ကြီးဟောင်း လည်းဖြစ်သော၎င်းသည် AA အားအဓိက ချုပ်ကိုင်ထောက်ပံ့နေသူ အမာခံ ဖြစ်ပြီး AA အတွက်လက်နက်ခဲယမ်း နှင့် စစ်သုံးပစ္စည်းများ အဓိက ပို့ဆောင်ပေးသူဖြစ်သည်ဟု စွပ်စွဲရေးထားသည်။ထို့အပြင်AA ဘက်က တင်သွင်းသော မူးယစ်ဆေးဝါးများကို ဘင်္ဂလားဒေ့ရှ်ဘက်တွင် ဖြန့်ဖြူးပေးသူဖြစ်ကြောင်း စစ်တပ်ဝါဒဖြန့် ချန်နယ်များက ရေးသားဝါဒဖြန့်ခဲ့ကြသည်။အဆိုပါရေးသားမှုကို ခင်ညိုချော ၊ ကိုနှင်းမောင် တယ်လီဂရမ်ချန်နယ်တွေက ဖြန့်ဝေခဲ့ကြသည်ကိုတွေ့ရသည်။
https://t.me/khinnyochaw8888/2170
https://t.me/kohninmg777/13999
အဆိုပါ အစည်းအဝေးပြုလုပ်သည်ဟူ၍ ရခိုင်ဒေသတွင်းသတင်းဌာနများအပါအဝင် ပင်မသတင်းဌာနများက ရေးသားဖော်ပြသည်ကိုမတွေ့ရပေ ။ အဆိုပါသတင်းအပြင် AA နှင့် ဘင်္ဂလားဒေ့ရှ် ဆက်စပ်သည်ဟု ပြည်သူများအမြင်မှားစေသောသတင်းများကိုလည်း စစ်တပ်ဝါဒဖြန့်ချန်နယ်များကဖော်ပြလေ့ရှိသည်။
▪︎ AA ပြောခွင့်ရပုဂ္ဂိုလ်သေဆုံးသွားပြီဟုသတင်းအမှားဖြန့်
စစ်ကောင်စီက မောင်တောမြို့ကို လေကြောင်းတိုက်ခိုက်စဥ် AA ၏ ပြောရေးဆိုခွင့်ရှိသူ နှင့် ခေါင်းဆောင်ပိုင်းတစ်ဦး သေဆုံးသွားကြောင်း
စစ်တပ်ဝါဒဖြန့်ချန်နယ် Khit Thit Myanmar က အောက်တိုဘာ ၁၀ ရက်ကစတင် ဝါဒဖြန့် သည်။
AA ပြောရေးဆိုခွင့်ရှိသူ ခိုင်သုခနဲ့ AA ရဲ့ နံပါတ် ၄ ခေါင်းဆောင်တို့ မောင်တောမြို့ဆီအစည်းအဝေးတက်ရောက်ရန် ရောက်ရှိနေချိန်တွင် သတင်းအရ လေကြောင်းနှင့်ရှင်းလင်းခဲ့ကြောင်း ဝါဒဖြန့်ခဲ့သည်။ ၎င်းတို့ နှစ်ဦးအပြင် AA တပ်ဖွဲ့ဝင် ၃၀ ခန့် သေဆုံးခဲ့သည်ဟုလည်း ဆိုသေးသည်။ ထိုသတင်းကိုဖြန့်ဝေရာတွင် AA ပြောရေးဆိုခွင့်ရှိသူခိုင်သုခ ဓာတ် ပုံ ၊ AA ခေါင်းဆောင်ဗိုလ်ချုပ် ထွန်းမြတ်နိုင် နှင့် ဗိုလ်မှုးကြီးကျော်ဟန်တို့နှစ်ဦးပါဝင်သော ဓာတ်ပုံ ကိုအသုံးပြုထားသည်။
https://t.me/khitthitmyanmar11/5492
အမှန်တွင် AA ပြောရေးဆိုခွင့်ရှိသူခိုင်သုခ မှာကျန်းမာစွာဖြင့် သတင်းဌာနများ၏ မေးမြန်းမှုများကို မကြာခဏ ဖြေပေးနေသည်။ ပြီးခဲ့သည့် နိုဝင်ဘာလ ၁၁ ရက်ကပင် People’s Spring ၏ မေးမြန်းမှုကိုဖြေကြားခဲ့သည်။အမ်းမြို့သိမ်းတိုက်ပွဲတွင် စစ်ကောင်စီ ရဟတ်ယာဉ်လေးစီးကိုနိုဝင်ဘာ ၁၀ ရက်တွင်ပစ်ခတ်ရာ တစ်စီးကို ထိမှန်ခဲ့ကြောင်း ခိုင်သုခက လူထုနွေဦးကို အတည်ပြု ခဲ့ခြင်းဖြစ်သည်။
▪︎ရခိုင်ပြည်နယ်တွင် ဘယ်သူစစ်ရှုံးနေမှန်းမသိသော လော်ဘီများ
“မောင်တောမြို့တိုက်ပွဲတွင် AA တပ်ဖွဲ့ဝင် အကျအဆုံးတစ်သောင်းကျော်ရှိနေ ၊ မြေပုံမြို့ လေကြောင်းတိုက်ခိုက်မှုတွင် AA တပ်ဖွဲ့ဝင် ၁၀၀ ကျော်သေဆုံး ၊ နပခ ကို ထိုးစစ်ဆင်နေသော AA စစ်ရေးအရေးနိမ့်နေပြီ” စသောအကြောင်းအရာများမှာ စစ်တပ်ဝါဒဖြန့် သူများက ရခိုင်ပြည်နယ် စစ်ရေးနှင့် ပတ်သက်၍ အောက်တိုဘာ ၊နိုဝင်ဘာလများတွင် ဖြန့်ချီခဲ့သော သတင်း အမှားများထဲမှ နမူနာအချို့ဖြစ်သည်။
မြေပြင်တွင်မူ AA သည် ရခိုင်ပြည်နယ်တွင် မြို့နယ်ပေါင်း ၁၀ မြို့နယ် သိမ်းပိုက်ထိန်းချုပ်ထားရာမှ နိုဝင်ဘာလကုန်ပိုင်းတွင် တောင်ကုတ်မြို့ကို အလုံးစုံထိန်းချုပ်နိုင်ခဲ့ပြီဟု AA ကထုတ်ပြန်လိုက်သည်။ မြို့ပြင်တွင်ကျန်နေသေးသော စကခ (၅)တပ်မဌာနချုပ် နှင့် လက်အောက်ခံ တပ်ရင်း ၂ ခုဖြစ်သော ခမရ (၃၄၆) နှင့် ခမရ ( ၅၄၄) တပ်ရင်းတို့ကို အပြီးသတ်သိမ်းပိုက်ရန် ထိုးစစ်ဆင်နေကြောင်းလည်းအသိပေးသည်။
အာရက္ခတပ်တော်သည် တောင်ကုတ်မြို့ရှိစစ်တပ်စခန်းများကို နိုဝင်ဘာ ၄ ရက်မှ စတင်ထိုးစစ်ဆင်ပြီး ၁၇ ရက်အကြာတွင် စစ်တပ်တပ်စွဲရာစခန်း ၁၀ ခုကို သိမ်းပိုက်၍ တောင်ကုတ်မြို့ကို ထိန်းချုပ်ခဲ့ခြင်းဖြစ်သည်။
https://t.me/aainfodesk/1150
အဆိုပါသတင်းကို ဒေသတွင်းသတင်းဌာနများအပါအဝင် ပင်မ သတင်းဌာနများက အပြည့်အစုံဖော်ပြကြသည်။
https://www.facebook.com/share/v/18Muj1bdg2/
ထိုအပြင် စစ်ကောင်စီ အတုံ့လှုပ်ဆုံးအကြောင်းအရာဖြစ်သော AA ၏ နပခ အခြေစိုက်ရာ အမ်းမြို့ထိုးစစ်မှာလည်း နပခ ဌာနချုပ် အပါအဝင် တပ်ရင်း နှင့် စခန်းပေါင်း ၁၈ ခုရှိရာတွင် AA က
နိုဝင်ဘာ ၁၃ ရက်အထိ့တပ်ရင်းပေါင်း ၁၀ ရင်းသိမ်းပိုက်ပြီးဖြစ်သည်။
https://t.me/aainfodesk/1139
ကျန်ရှိနေသော တပ်ရင်းနှင့်စခန်းပေါင်း ၁၀ ခုကိုလည်း နိုဝင်ဘာ ၁၃ ရက်နောက်ပိုင်းအပြင်းအထန်ထိုးစစ်ဆင်နေသည်။ AA က တရားဝင် မထုတ်ပြန်သေးသော်လည်း နိုဝင်ဘာ ၃၀ ရက်အထိ့ AA သည် အမ်းမြို့မှ တပ်ရင်းနှင့် စခန်းများထပ်မံသိမ်းပိုက်ရရှိပြီး နပခ ဌာနချုပ် နှင့် တပ်ရင်း ၃ ခုသာကျန်ရှိတော့ကြောင်း လူထုနွေဦးကစုံစမ်းသိရသည်။
https://www.facebook.com/share/p/15LZwKEjNs
အမ်းတိုက်ပွဲတွင် စစ်ကောင်စီတပ် အခြေမလှ၍ ထွက်ပြေးကြသောစစ်သားများစွာလည်းရှိသည်။သေဆုံး ဒဏ်ရာရသူများ၍ စစ်ကူပို့ရာ စစ်ကူများကိုတော်လှန်ရေးအဖွဲ့များကကြားဖြတ်တိုက်ခိုက်၍ ထပ်မံသေဆုံးဒဏ်ရာရသူများလည်းရှိနေသည်။ နိုဝင်ဘာ ၂၃ ရက်ကပင် နပခ လက်အောက်ရှိ တစ်မိုင်ကုန်းစန်းမှ ထွက်ပြေးလာသောစစ်တပ်မှ ဗိုလ်မှူးဇော်ထက်နောင် ဦးဆောင်သောစစ်ကြောင်းကိုတော်လှန်ရေးတပ်ဖွဲ့များက ပိတ်ဆို့တိုက်ခိုက်ရာ ၂ ဦးသေဆုံးပြီး ၁၄ ဦး ကိုစစ်သုံ့ပန်းအဖြစ်ဖမ်းဆီးခဲ့သည်။
https://www.facebook.com/share/p/1AkV4fXPBL/
ထို့ကြောင့် ရခိုင်ပြည်နယ်တွင် AA အပြင်းအထန်ထိုးစစ်ဆင်နေသော အမ်း ၊ တောင်ကုတ် ၊မောင်တော ၊ဂွ မြို့နယ် တို့တွင် စစ်ကောင်စီသည် သိသိသာသာအရေးနိမ့်နေသည်။
မြေပုံမြို့နယ်ပြည်သူ့လွှတ်တော်ကိုယ်စားလှယ်ဟောင်းဦးဖေသန်းက”တစ်နှစ်အတွင်းမှာအာရက္ခတပ်တော်ရဲ့ အောင်မြင်မှုက တော်တော့်ကို အရှိန်အဟုန်ပြင်းပြင်းနဲ့ ကျနော်တို့ ဩချရလောက်အောင် အထိမြန်ဆန်တယ်”ဟုပြောသည်။
“လက်ရှိ တိုက်နေတဲ့ မောင်တော့ နခခ(၅)ရယ် အမ်းရယ် တောင်ကုတ်ရယ် ဂွရယ်ပေါ့ ဒါက အနှေးနဲ့အမြန် လပိုင်းလောက်အတွင်း အဖြေပေါ်သွားနိုင်တယ်”ဟု ၎င်းကသုံးသပ်သည်။
သို့သော် စစ်တပ်ဝါဒဖြန့်တယ်လီဂရန်များတွင်မူ စစ်တပ်က အသားစီးရနေပြီး AA ကအရေးနိမ့်နေသည်ဆိုသော ဝါဒဖြန့်ချီမှုများကိုသာတွေ့ရမည်ဖြစ်သည်။စစ်တပ်က လေကြောင်းအာသာချက် ရှိသည့်ကြားမှပင် စစ်စခန်းများ၊ တပ်ရင်းများ၊ဌာနချုပ်များကိုဆက်တိုက်ဆုံးရှုံးနေသည်။
AA ကမူ သတင်းထုတ်ပြန်မှုများကို ထိန်းထိန်းသိမ်းသိမ်းဖြင့်လုပ်၍မြေပြင်စစ်ဆင်ရေးတွင် ချင်းပြည်နယ် ပလက်ဝမြို့နယ်အပါအဝင် မြို့နယ်ပေါင်း ၁၁ မြို့နယ်ကို ဆက်တိုက်သိမ်းခဲ့သည်ကိုတွေ့ရသည်။အပြောထက်လက်တွေ့အလုပ်ကိုပိုဦးစားပေးသည်ကိုတွေ့ရလေသည်။ထိုအချက်သည် ပင် စစ်ကောင်စီ နှင့် အရက္ခတပ်တော်၏ ခြားနားချက်ပင်ဖြစ်သည်။
