လာမယ့် ၂၀၂၃ ခုနှစ်မှာစစ်ကောင်စီက ပြုလုပ်မယ့် ရွေးကောက်ပွဲကို KNU တပ်မဟာ ၂ နယ်မြေ တောင်ငူခရိုင်အတွင်းက လူထုအနေနဲ့ ပြတ်ပြတ်သားသားဆန့်ကျင်ကြဖို့ တပ်မဟာ (၂)ကထုတ်ပြန်ပါတယ်။
KNU တပ်မဟာ ၂ ရဲ့ (၇) ကြိမ်မြောက် ကွန်ဂရက်ကို ပြီးခဲ့တဲ့ နိုဝင်ဘာလ၁၆ ရက် မှ ဒီဇင်ဘာလ ၁၉ ရက်အထိ ကျင်းပခဲ့ပြီး အဲဒီကွန်ဂရက်အပြီးထုတ်ပြန်တဲ့ကြေညာချက်မှာ စစ်ကောင်စီရဲ့ရွေးကောက်ပွဲကိုဆန့်ကျင် ထည့်သွင်းထားပါတယ်။
အချက် ၇ ချက်ပါတဲ့ အဲဒီကြေညာချက်မှာ စစ်ကောင်စီရွေးကောက်ပွဲကို ဆန့်ကျင်ဖို့အပြင် တပ်မဟာ ၂ နယ်မြေအတွင်း စစ်ကောင်စီဖြစ်စေ ၊ CRPH ကဖြစ်စေ ချမှတ်လာတဲ့ အုပ်ချုပ်ရေး ကိုလည်းလက်ခံမှာမဟုတ်ဘဲ KNU ရဲ့ အုပ်ချုပ်ရေးယန္တယားသာ ပိုအားကောင်လုပ်ဆောင်မယ်လို့ပါရှိပါတယ်။
တပ်မဟာ ၂ နယ်မြေထဲမှာ စစ်အုပ်စု ကိုအကျိုးဖြစ်ထွန်းစေမယ့် လုပ်ရပ်နဲ့အကျိုးစီးပွားမှန်သမျှကို ဆန့်ကျင် ကြဖို့လိုတယ်လို့လည်း ကြေညာချက်မှာ ထည့်သွင်းထားပါတယ်။
စစ်ဘေးရှောင်တွေကို အကူအညီပေးရာမှာလည်းစစ်ကောင်စီကတဆင့် ကူညီတာမျိုးမလုပ်ကြဘဲ KNU ကိုသာ တိုက်ရိုက်ကူညီပေးကြဖို့ နိုင်ငံတကာလူသားချင်းစာနာထောက်ထားမှုဆိုင်ရာအဖွဲ့တွေကို တပ်မဟာ (၂) ကတိုက်တွန်းပါတယ်။
