ကရင်အမျိုးသားအစည်းအရုံး(KNU) ညောင်လေးပင်ခရိုင် တပ်မဟာ(၃)နယ်မြေအတွင်း စစ်ကောင်စီတပ်က ကျေးရွာများကို ပစ်မှတ်ထားပြီး လက်နက်ကြီး ပစ်ခတ်တိုက်ခိုက်မှုများ ဆက်တိုက်လုပ်ဆောင်နေ၍ ဒေသခံများ ထွက်ပြေးတိမ်းရှောင်နေကြရကြောင်း KNUက ယနေ့ သတင်းထုတ်ပြန်သည်။
ဇန်နဝါရီ ၃ရက်မှ ဇန်နဝါရီ ၁၇ရက်အတွင်း ကျောက်ကြီးမြို့နယ်ရှိ ကျေးရွာများသို့ လက်နက်ကြီး ၃၁လုံး ပစ်ခတ်ခဲ့သည်ဟု ဆိုသည်။
ခလယ်တူရယ်၊ ဃဲဒဲကျေးရွာ ၊ ပကော်ခီး၊ ကျို့ကုန်း၊ သရေးစီလော်၊ မတောကူး၊ သေဂေါ်ဒဲ ကျေးရွာနှင့် ရွှေပေါက်ကံ စသည့် ကျေးရွာများသို့ လက်နက်ကြီးများ ကျရောက်ပေါက်ကွဲခဲ့သည်ဟုဆို ထုတ်ပြန်သည်။
![(စစ်ကောင်စီတပ် လက်နက်ကြီးပစ်ခတ်မှုကြောင့် နေအိမ်များ ထိခိုက်ပျက်စီးနေစဉ်၊ ဓာတ်ပုံ - KNU)](https://i0.wp.com/www.ludunwayoo.com/wp-content/uploads/2023/01/326443497_864829021394198_2735784552085281094_n.jpg?resize=880%2C659&ssl=1)
ထိုသို့ ပစ်ခတ်မှုကြောင့် အမျိုးသမီးတစ်ဦး ဒဏ်ရာရခဲ့ပြီး ဒေသခံပြည်သူလူထု၏ နေအိမ်အချို့ ပျက်စီးခဲ့သည်ဟု ဖော်ပြထားသည်။
![(စစ်ကောင်စီတပ် လက်နက်ကြီးပစ်ခတ်မှုကြောင့် နေအိမ်များ ထိခိုက်ပျက်စီးနေစဉ်၊ ဓာတ်ပုံ - KNU)](https://i0.wp.com/www.ludunwayoo.com/wp-content/uploads/2023/01/326399364_3350712175171230_6701295359607573308_n.jpg?resize=880%2C659&ssl=1)
ထို့ပြင် ဒေသတွင်းရှိ ကျေးရွာများမှ ပြည်သူလူထု ၂,၅၆၆ ဦး ထွက်ပြေးတိမ်းရှောင်နေကြရကြောင်း ထုတ်ပြန်သည်။
လက်နက်ကြီးပစ်ခတ်ခဲ့သည့် အာဏာသိမ်းအကြမ်းဖက်စစ်ကောင်စီတပ်များမှာ KNU ညောင်လေး ပင်ခရိုင်၌ တပ်စွဲထားသည့် ခလရ-၁၂၄၊ ခလရ-၆၀၊ ခမရ-၃၅၁နှင့် ခမရ-၄၃၉ တို့ဖြစ်သည်ဟု ဆိုသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)