နိုင်ငံခြားကုမ္ပဏီများမှဒါရိုက်တာများ ပြည်တွင်း၌သာ​နေရမည်ဟု စစ်ကောင်စီဆို

▪︎နိုင်ငံခြားကုမ္ပဏီများပို၍အခက်အခဲဖြစ်လာမည်ဟုလုပ်ငန်းရှင်သုံးသပ်

နိုင်ငံခြားကုမ္ပဏီများတွင် အမည်ခံဒါရိုက်တာများနေရာ၌ နိုင်ငံအတွင်းနေထိုင်​သော ဒါရိုက်တာများသာ ခန့်ထားရမည်ဟုစစ်​ကောင်စီက ဇန်နဝါရီ ၁၇ ရက်တွင်ထုတ်ပြန်သည်။

စစ်ကောင်စီ၏ရင်းနှီးမြှပ်နှံမှုနှင့်ကုမ္ပဏီများညွန့်ကြားမှုဦးစီးဌာနကမြန်မာ့နိုင်ငံတွင် ကုမ္ပဏီများတွင် အမည်ခံဒါရိုက်တာများခွင်မပြုကြောင်းနှင့် ကုမ္ပဏီတွင်ပါဝင်သူများကို အမည်ခံအစုရှယ်ယာရှင်များအဖြစ်ခွင့်မပြုဟုထိုညွှန်ကြားချက်တွင်ဆိုသည်။

အခြားနိုင်ငံများတွင်အမည်ခံ အစုရှယ်ယာများများဖြင့် မှတ်ပုံတင်စာရင်းရေးသွင်းခြင်းခွင့်ပြုထားပြီး အကျိူးခံစားခွင့်ရှိသူ ပိုင်ရှင်ကို သီခြားဖော်ပြရသည့် စနစ်မျိုးကျင့်သုံး​နေသည်ဟုစစ်​ကောင်စီကဆိုသည်။ သို့သော်မြန်မာနိုင်ငံတွင်အမည်ခံအစုရှယ်ယာများကို ခွင့်မပြုကြောင်း၊ ကုမ္ပဏီမှတ်ပုံတင်စာရင်းတွင် ရေးသွင်းထားသူများကိုသာ အမှန်ကတယ်အကျိုးခံစားခွင့်ရှိသူ ပိုင်ရှင်အဖြစ်သတ်မှတ်ကြောင်း စစ်ကောင်စီကဆိုသည်။

မြန်မာနိုင်ငံတွင် ပြည်တွင်းကုမ္ပဏီများကအမည်ခံ ဒါရိုက်တာ အဖြစ်သီးခြားခန့်အပ်လေ့မရှိသော်လည်း နိုင်ငံခြားကုမ္ပဏီများသည် နိုင်ငံခြားသားတစ်ဦးဦးကို အမည်ခံ ဒါရိုက်တာဖြစ်ခန့်အပ်လေ့ရှိသည်။ ထိုသူများသည် မြန်မာပြည်တွင်း၌ ရက်ပေါင်း ၁၈၃ ထက်မနည်းနေထိုင်သူများဖြစ်သည်။

ယခု စစ်ကောင်စီ၏ ညွန့်ကြားချက်အရ နိုင်ငံခြားကုမ္ပဏီများ၏ အမည်ခံဒါရိုက်တာများသည် ပြည်တွင်းကိုလာရောက်နေထိုင်ရတော့မည်ဖြစ်၍ ကိုဗစ်ကာလနှင့် စစ်အုပ်စုအာဏာသိမ်းမှု​ ​နောက်ဆက်တွဲ နိုင်ငံရေးအကြပ်အတည်းများကြုံ​နေ​သော ကာလတွင်နိုင်ငံခြားကုမ္ပဏီလုပ်ငန်းများအတွက်အခက်အခဲများဖြစ်ပေါ်စေနိုင်​ကြောင်း စီးပွားရေးလုပ်ငန်းရှင်များကဆိုသည်။

“အခုက အစုရှယ်ယာရှင်ကော၊ ဒါရိုက်တာကော ခန့်အပ်မှုကို နှစ်လုံးခွင့်မပြုဘူးဆိုတော့ နိုင်ငံခြားကုမ္ပဏီတွေ အခက်အခဲဖြစ်စေမှာ သေချာပါတယ်”ဟု ရန်ကုန်အခြေစိုက်စီးပွားရေးလုပ်ငန်းရှင်တစ်ဦးကပြောသည်။

မြန်မာနိုင်ငံတွင် စီးပွားရေးလုပ်ကိုင်ရအခက်အခဲဆုံးနိုင်ငံစာရင်းဝင်သွားနိုင်သည်ဟုလည်း ၎င်းကဆက်​ပြောသည်။

စစ်အုပ်စုအာဏာသိမ်းမှု​ကြောင့် ပြည်ပရင်းနှီးမှုများစွာထွက်ခွာသွားသလို ၊ကုန်သွယ်​ရေးလည်းကျဆင်း​နေပြီး စီးပွား​ရေးကျဆင်းမှုဆိုးရွာကာ မတည်ငြိမ်မှုများ​ကြောင့် ၂၀၂၂-၂၀၂၃ တွင်မြန်မာ့စီးပွား​ရေးအ​​ခြေအ​နေကို ကမ္ဘာဘဏ်ကပင် မခန့်မှန်းတက်​ဟုထုတ်ပြန်ခဲ့သည်။