▪︎စစ်အုပ်စုအထိအခိုက်များဖြင့်ဆုတ်ခွာသွားပြီးလက်နက်ခဲယမ်းများကိုPDF သိမ်းဆည်းရရှိ
ဆားလင်းကြီးမြို့နယ်နှင့် ယင်းမာပင်မြို့နယ်ကြားရှိကျောက်မျကိတောင်ပေါ်တွင် ယာယီတပ်စွဲထားသော စစ်ကောင်စီတပ်စခန်းငယ်တစ်ခုကို မြို့နယ်လေးမြို့နယ်မှ PDF တပ်ပေါင်းစုက ယမန်နေ့ညနေပိုင်းက တိုက်ခိုက်သိမ်းပိုက်နိုင်ခဲ့ကြောင်း ပါဝင်တိုက်ခိုက်ခဲ့သောပြည်သူ့ကာကွယ်ရေးတပ်ဖွဲ့များကပြောသည်။
PDF များကစခန်းကိုတိုက်ခိုက်စဥ် စစ်ကောင်စီတပ်မှာ ထိခိုက်ကျဆုံးမှုများဖြင့် ဆုတ်ခွာသွားသဖြင့် လက်နက်ခဲယမ်းများသိမ်းဆည်းရမိခဲ့ကြောင်း မြောက်ယမားပြည်သူ့ကာကွယ်ရေးတပ်ဖွဲ့က သတင်းထုတ်ပြန်သည်။ယမန်နေ့ (ဖေဖော်ဝါရီလ ၁၉) ညနေပိုင်းက ဆားလင်းကြီးမြို့နယ်နှင့် ယင်းမာပင်မြို့နယ်ကြားရှိ ကျောက်မျက်တောင်ပေါ်တွင် ယာယီတပ်စွဲထားသည့် စစ်ကောင်စီတပ်အား ဒေသခံကာကွယ်ရေးတပ်ပေါင်းစုက ဝင်ရောက်တိုက်ခိုက်ခဲ့ခြင်းဖြစ်သည်။
![(ကျောက်မျက်တောင်ယာယီစခန်းငယ်စခန်းသိမ်းတိုက်ပွဲတွင် စစ်အုပ်စုထံမှ သိမ်းဆည်းရမိသော စစ်အသုံးအဆောင်များ။ ။ဓါတ်ပုံ-GZ-21 Yinmarbin PDF)](https://i0.wp.com/www.ludunwayoo.com/wp-content/uploads/2023/02/331976090_690446322877394_4053213294507798080_n.jpg?resize=720%2C960&ssl=1)
![(ကျောက်မျက်တောင်ယာယီစခန်းငယ်စခန်းသိမ်းတိုက်ပွဲတွင် စစ်အုပ်စုထံမှ သိမ်းဆည်းရမိသော စစ်အသုံးအဆောင်များ။ ။ဓါတ်ပုံ-GZ-21 Yinmarbin PDF)](https://i0.wp.com/www.ludunwayoo.com/wp-content/uploads/2023/02/332368656_868485284241111_8361692900363928119_n.jpg?resize=720%2C540&ssl=1)
![(ကျောက်မျက်တောင်ယာယီစခန်းငယ်စခန်းသိမ်းတိုက်ပွဲတွင် စစ်အုပ်စုထံမှ သိမ်းဆည်းရမိသော စစ်အသုံးအဆောင်များ။ ။ဓါတ်ပုံ-GZ-21 Yinmarbin PDF)](https://i0.wp.com/www.ludunwayoo.com/wp-content/uploads/2023/02/332500791_5769122869802846_2489764428881380067_n.jpg?resize=720%2C960&ssl=1)
![(ကျောက်မျက်တောင်ယာယီစခန်းငယ်စခန်းသိမ်းတိုက်ပွဲတွင် စစ်အုပ်စုထံမှ သိမ်းဆည်းရမိသော စစ်အသုံးအဆောင်များ။ ။ဓါတ်ပုံ-GZ-21 Yinmarbin PDF)](https://i0.wp.com/www.ludunwayoo.com/wp-content/uploads/2023/02/332271752_729736712144914_5047757764061465727_n.jpg?resize=720%2C960&ssl=1)
“ညနေ ၅ခွဲ ၆နာရီ လောက် ကနေဖြစ်တယ်။အချိန်က ၁နာရီခွဲ ကြာမြင့်တယ်။ စကစတွေ ကတော့ အကျအဆုံးများပြီး ဆုတ်ခွာ ထွက်ပြေးသွားပါတယ်။ ကိုယ့်ဘက်ကတော့ အထိအခိုက်အကျအဆုံးမရှိဘဲ စကစ ပိုင် ပစ္စည်းအများအပြားသိမ်းဆည်းပြီး အေးချမ်းစွာ အောင်အောင်မြင်မြင်ဆုတ်ခွာနိုင်ခဲ့ပါတယ်ဗျ။လေးမြို့နယ်တပ်ပေါင်းစု ဖွဲ့စည်းပြီး စခန်းသိမ်းခဲ့တာပါ။”ဟု GZ-21 Yinmarbin အဖွဲ့၏ ပြန်ကြားရေးတာဝန်ခံ ဗိုလ်စစ်မုန်းက People’s Spring သတင်းဌာနသို့ပြောသည်။
တိုက်ပွဲမှာ တစ်နာရီခွဲကြာ ပြင်းထန်ခဲ့ပြီး စခန်းကိုသိမ်းပိုက်ရရှိချိန်တွင် ရန်သူလက်နက်အချို့၊ နင်းမိုင်းများ၊ လက်ပစ်ဗုံးများ၊ သိမ်းဆည်းရမိခဲ့ကြောင်း၊ ရန်သူစစ်ကောင်စီတပ်မှာ ထိခိုက်ကျဆုံးမှုများဖြင့် ဆုတ်ခွာသွားကြောင်း မြောက်ယမားပြည်သူ့ကာကွယ်ရေးတပ်ဖွဲ့က အသိပေးသည်။
![(ကျောက်မျက်တောင်ယာယီစခန်းငယ်စခန်းသိမ်းတိုက်ပွဲတွင် စစ်အုပ်စုထံမှ သိမ်းဆည်းရမိသော စစ်အသုံးအဆောင်များ။ ။ဓါတ်ပုံ-GZ-21 Yinmarbin PDF)](https://i0.wp.com/www.ludunwayoo.com/wp-content/uploads/2023/02/332309081_741681274299293_6547547764812104320_n.jpg?resize=720%2C960&ssl=1)
ထိုစခန်းမှ ဒရုန်းဖျက်စက်၊ရှေ့ထွက်မိုင်း၊လက်ပစ်ဗုံး၊ယူနီဖောင်းများ၊နင်းမိုင်းများ၊ဒုတပ်ကြပ် အင်္ကျီတစ်ထည်တို့ သိမ်းဆည်းနိုင်ခဲ့ကြောင်း ပါဝင်တိုက်ခိုက်ခဲ့သည့် GZ-21 Yinmarbin PDF အဖွဲ့၏ ပြန်ကြားရေးတာဝန်ခံ ဗိုလ်စစ်မုန်းကပြောသည်။
စစ်ကောင်စီတပ်ဖွဲ့ဝင်များသည်ကျောက်မျက်တောင်ပေါ်တွင် ယာယီတပ်စွဲထားသည်မှာ ရက်အနည်းငယ်ကြာရှိပြီဖြစ်ကြောင်း၊ ၎င်းအနီးရှိ လူနေအိမ်များကိုလည်း မကြာခဏ မီးရှို့နေသည့်စစ်ကောင်စီတပ်ဖြစ်ကြောင်း မြောက်ယမားပြည်သူ့ကာကွယ်ရေးတပ်ဖွဲ့က ဆိုသည်။
![(ကျောက်မျက်တောင်ယာယီစခန်းငယ်စခန်းသိမ်းတိုက်ပွဲတွင် စစ်အုပ်စုထံမှ သိမ်းဆည်းရမိသော စစ်အသုံးအဆောင်များ။ ။ဓါတ်ပုံ-GZ-21 Yinmarbin PDF)](https://i0.wp.com/www.ludunwayoo.com/wp-content/uploads/2023/02/332264096_6080726845280687_390812613295785182_n.jpg?resize=720%2C960&ssl=1)
![(ကျောက်မျက်တောင်ယာယီစခန်းငယ်စခန်းသိမ်းတိုက်ပွဲတွင် စစ်အုပ်စုထံမှ သိမ်းဆည်းရမိသော စစ်အသုံးအဆောင်များ။ ။ဓါတ်ပုံ-GZ-21 Yinmarbin PDF)](https://i0.wp.com/www.ludunwayoo.com/wp-content/uploads/2023/02/332459182_586991239664743_8570513495677041571_n.jpg?resize=720%2C960&ssl=1)
ဒေသခံစုပေါင်းကာကွယ်ရေးတပ်ပေါင်းစုဘက်က အထိအခိုက်မရှိဘဲ စခန်းငယ်ကိုအောင်မြင်စွာသိမ်းပိုက်နိုင်ခဲ့ကြောင်း ၎င်းကပြောသည်။
PDF များက ကျောက်မျက်တောင်ပေါ်မှစစ်ကောင်စီစခန်းကိုတိုက်ခိုက်နေစဥ် မြစ်တစ်ဖက်ကမ်းရှိ မုံရွာမြို့မှပါ သေနတိပစ်ခတ်သံများကြားနေရကြောင်း ဒေသခံများကပြောသည်။
ဖေဖော်ဝါရီလ ၉ ရက်နေ့ကလည်း မုံရွာမြို့နယ်ရှိ ကျောက်ကြီးတောင်နှင့် ဗောဓိတစ်ထောင်တောင်ပေါ်ရှိ စစ်ကောင်စီတပ်အထိုင်စခန်းနှစ်ခုကို တပြိုင်နက်ဝင်ရောက်တိုက်ခိုက်ရာ စစ်ကောင်စီတပ်သား ၇ ဦးသေဆုံးကာ အများအပြား ထိခိုက်ဒဏ်ရာရရှိသွားကြောင်း မုံရွာခရိုင်အမှတ်(၁) တပ်ရင်း၊ မုံရွာမြို့နယ်ပြည်သူ့ကာကွယ်ရေးအဖွဲ့-ပကဖက သတင်းထုတ်ပြန်ထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)