ကလေးမြို့နယ်တွင်း တရာဥပဒေစိုးမိုးရေးအတွက်ဒေသခံပြည်သူများ၏ယုံကြည်အားကိုးမှုကိုရရှိထားပြီးမြို့ပေါ်ရပ်ကွက်များမှလွဲ၍ ကျေးရွာအားလုံးနီးပါးတွင် တရားဥပဒေစိုးမိုးရေးလုပ်ငန်းများ လုပ်ဆောင်နေပြီဖြစ်ကြောင်း ကလေးမြို့နယ်ပြည်သူ့ရဲတပ်ဖွဲ့ကပြောသည်။
“တရားဥပဒေစိုးမိုးရေးအတွက် လူထုက ကျွန်တော်တို့ကို ယုံကြည်အားကိုးကြတယ်။ အခုဆိုရင် တိုင်ထားတာ အမှု ၁၀၀လောက်ရှိပါပြီ။ ၇၀ လောက်ကတရားရုံးရောက်သွားပြီ။ထောင်မှာတောင်အကျဉ်းသားတော်တော်များများနေပြီ” ဟုကလေးမြို့နယ်ပြည်သူ့ရဲတပ်ဖွဲ့(တောင်ပိုင်း)တာဝန်ခံက People’s Spring သတင်းဌာနသို့ပြောသည်။
ကလေးမြို့နယ်အတွင်ကျေးရွာပေါင်း၁၅၈ရွာရှိသည့်အနက်ကျေးရွာပေါင်း ၁၄၀ ခန့်အားမြို့နယ်ပြည်သူ့ကာကွယ်ရေးအဖွဲ့ (ပကဖ)နှင့်အုပ်ချုပ်ရေးဖွဲ့ (ပအဖ)တို့ကထိန်းချုပ်ထားသည်ဟုကလေးမြို့နယ် ပြည်သူ့ရဲတပ်ဖွဲ့ကဆိုသည်။ထို့အပြင် မြို့ပေါ်ရပ်ကွက် ၂၀ အနက် ငါးရပ်ကွက်တွင် စိမ့်ဝင်စိုးမိုးထားသည်ဟုလည်းဆိုသည်။
![(ဖမ်းဆီးရမိသောမူးယစ်ဆေးဝါးများကိုဖျက်ဆီးနေသောကလေးမြို့နယ်ပြည်သူ့ရဲတပ်ဖွဲ့(တောင်ပိုင်း)မှရဲတပ်ဖွဲ့ဝင်အချို့ နှင့် မြို့နယ်တွင်းတရားဥပဒေစိုးမိုးရေးဆောင်ရွက်နေသောရဲတပ်ဖွဲ့ဝင်များ။ဓါတ်ပုံ-KTP)](https://i0.wp.com/www.ludunwayoo.com/wp-content/uploads/2023/02/332554609_733182318383048_8268019972074775933_n.jpg?resize=880%2C412&ssl=1)
ကလေးမြို့နယ်ပြည်သူ့ရဲတပ်ဖွဲ့(တောင်ပိုင်း)ကမြို့နယ်အတွင်းတရားဥပဒေစိုးမိုးရေးအတွက်ကိုင်တွယ်ထားသည့်အမှုများအနက်သုံးပုံနှစ်ပုံခန့်သည် မူးယစ်ဆေးဝါးအမှုဖြစ်နေပြီး ခိုးမှုများလည်း ပါဝင်သည်ဟုအထက်ပါပုဂ္ဂိုလ်ကပြောသည်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
စစ်ကောင်စီကိုအာဏာဖီဆန်ပြီး CDM လုပ်ခဲ့သည့် ရဲတပ်ဖွဲ့ဝင်များအား စုစည်းပြီး ပြည်သူ့ရဲတပ်ဖွဲ့ကို အမျိုးသားညီညွတ်ရေးအစိုးရက ၂၀၂၂ ခုနှစ် ဇွန်လ ၇ရက်နေ့တွင် ဖွဲ့စည်းခဲ့သည်။ တော်လှန်ရေးအားကောင်းသည့်ဒေသများ၌ စတင်ဖွဲ့စည်းခဲ့ပြီး တရားဥပဒေစိုးမိုးရေးလုပ်ငန်းများကို လုပ်ကိုင်နေခြင်းဖြစ်သည်။
စစ်ကောင်စီတပ်က အာဏာသိမ်းပြီးနောက် နိုင်ငံတစ်ဝန်း ကျူးလွန်နေသော စစ်ရာဇဝတ်မှုများ၊လူအခွင့်အရေး ချိုးဖောက်မှုများနှင့် တရားဥပဒေစိုးမိုးရေးအတွက် ဒုစရိုက်မှုများကို တားဆီးနှိမ်နင်းရန် ပြည်သူ့ ရဲတပ်ဖွဲ့ကို ဖွဲ့စည်းခဲ့ခြင်းဖြစ်သည်ဟုအမျိုးသားညီညွတ်ရေးအစိုးရကထုတ်ပြန်ထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)