▪︎စစ်တပ်ကရဟတ်ယာဥ်ဖြင့် ၆ ကြိမ်လာပစ်၍ စခန်းမသိမ်းနိုင်ခဲ့ခြင်းဖြစ်ကြောင်းPDF များပြော
မကွေးတိုင်း၊ ပေါက်မြို့နယ်၊ ကုက္ကိုလ်စုရွာရှိ စစ်ကောင်စီတပ်စခန်းကိုဒေသခံပြည်သူ့ကာကွယ်ရေးတပ်များက ယနေ့ မနက် အစောပိုင်းတွင် ဝင်ရောက်တိုက်ခိုက်ခဲ့ကြောင်းဒေသခံများကပြောသည်။
စစ်ကောင်စီဘက်မှ အနည်းဆုံး တစ်ဦးသေဆုံးခဲ့ကြောင်း ဒေသခံများကပြောသည်။
စစ်ကောင်စီက စစ်အုပ်ချုပ်ရေးကြေညာထားသည့် ပေါက်မြို့နယ်ရှိ အဆိုပါစစ်ကောင်စီစခန်းသည့် စစ်ကောင်စီတပ်နှင့်ပျူစောထီးများအထိုင်ချထားခြင်းဖြစ်သည်။ ထိုစခန်းကို ဒေသခံကာကွယ်ရေးတပ်များက ယနေ့ မနက် ၅ နာရီခန့်က ဝင်ရောက်တိုက်ခိုက်ခဲ့ခြင်းဖြစ်သည်။ အဆိုပါရွာစစ်စခန်းတွင်စစ်ကောင်စီတပ်သား ၂၅ ဦးကျော်နှင့် ပျူများအခြေချနေထိုင်ကြောင်း PDF များကပြောသည်။
![(တိုက်ပွဲမှ ပြန်လာသောPDFများနှင့် PDF များကိုကြိုဆိုနေကြသောဒေသခံပြည်သူများ။ ဓါတ်ပုံ-People's Spring)](https://i0.wp.com/www.ludunwayoo.com/wp-content/uploads/2023/02/332710768_710046217485957_8043226156659947386_n.jpg?resize=880%2C587&ssl=1)
![(တိုက်ပွဲမှ ပြန်လာသောPDFများနှင့် PDF များကိုကြိုဆိုနေကြသောဒေသခံပြည်သူများ။ ဓါတ်ပုံ-People's Spring)](https://i0.wp.com/www.ludunwayoo.com/wp-content/uploads/2023/02/332123687_5814659681904839_7685050899976484749_n.jpg?resize=880%2C660&ssl=1)
![(တိုက်ပွဲမှ ပြန်လာသောPDFများနှင့် PDF များကိုကြိုဆိုနေကြသောဒေသခံပြည်သူများ။ ဓါတ်ပုံ-People's Spring)](https://i0.wp.com/www.ludunwayoo.com/wp-content/uploads/2023/02/332162909_6000977216663989_1547375377204413654_n.jpg?resize=880%2C587&ssl=1)
![(တိုက်ပွဲမှ ပြန်လာသောPDFများနှင့် PDF များကိုကြိုဆိုနေကြသောဒေသခံပြည်သူများ။ ဓါတ်ပုံ-People's Spring)](https://i0.wp.com/www.ludunwayoo.com/wp-content/uploads/2023/02/332142277_745783083864440_5684120456305365614_n.jpg?resize=880%2C587&ssl=1)
ပေါက်မြို့နယ်အပါအဝင် ပခုက္ကူခရိုင်အတွင်းရှိ ပြည်သူ့ကာကွယ်ရေး မဟာမိတ်တပ်ပေါင်းစုများက ဝင်ရောက်တိုက်ခိုက်ခဲ့ပြီး စခန်းသိမ်းခံနီးတွင် စစ်ကောင်စီတပ်ဘက် ရဟတ်ယာဉ်တစ်စီးဖြင့် ခြောက်ကြိမ်တိုင်တိုင်လာရောက်ပစ်ခတ်ခဲ့သောကြောင့် ဒေသခံကာကွယ်ရေးတပ်များက ပြန်လည်ဆုတ်ခွာခဲ့ရသည်ဟုပါဝင်တိုက်ခိုက်ခဲ့သောPDFတစ်ဦးကပြောသည်။
“စခန်းသိမ်းခံနီးမှာ စစ်ကောင်စီတပ်ဘက်ကလေကြောင်း ပစ်ကူလာလို့ ပြန်ဆုတ်လာရတယ်။ တိုက်ပွဲက မနက် ၅နာရီကနေ ၉နာရီအထိကြာတယ်”ဟု တိုက်ပွဲတွင်ပါဝင်ခဲ့သည့် အနောက်ပိုင်းတိုင်း၊တပ်ရင်း (၇၀၃)မှ PDFတစ်ဦးကပြောသည်။
![(တိုက်ပွဲမှ ပြန်လာသောPDFများနှင့် PDF များကိုကြိုဆိုနေကြသောဒေသခံပြည်သူများ။ ဓါတ်ပုံ-People's Spring)](https://i0.wp.com/www.ludunwayoo.com/wp-content/uploads/2023/02/332138089_855882142171355_4967547406289044049_n.jpg?resize=880%2C660&ssl=1)
![(တိုက်ပွဲမှ ပြန်လာသောPDFများနှင့် PDF များကိုကြိုဆိုနေကြသောဒေသခံပြည်သူများ။ ဓါတ်ပုံ-People's Spring)](https://i0.wp.com/www.ludunwayoo.com/wp-content/uploads/2023/02/332160655_592080225762808_9072532413642817317_n.jpg?resize=880%2C587&ssl=1)
ထိုတိုက်ပွဲတွင် စစ်ကောင်စီတပ်ဘက်က အနည်းဆုံးတစ်ဦးသေဆုံးခဲ့ပြီး ဒေသခံကာကွယ်ရေးတပ်များဘက်မှ အထိအခိုက်အကျအဆုံးမရှိခဲ့ကြောင်းလည်းPDFများကပြောသည်။
ကုက္ကိုလ်စုကျေးရွာသည် စစ်ကောင်စီတပ်နှင့်ပျူစောထီးများ စခန်းချပြီး အနီးနားကျေးရွာများကို အနိုင်ကျင့်နှိပ်စက်နေခြင်းကြောင့် ဒေသခံကာကွယ်ရေးတပ်များက သွားရောက်တိုက်ခိုက်ခဲ့ခြင်းဖြစ်သည်ဟု ဒေသခံတစ်ဦးကလည်းပြောသည်။ ရွာသည် ပခုက္ကူမြို့နှင့်ပေါက်မြို့ကို ဆက်သွယ်ထားသည့် မုံရွာ-ပုသိမ်လမ်းမကြီးပေါ်တွင်ရှိပြီး ပေါက်မြို့အတွက် အရေးပါသော ဆက်သွယ်ရေးလမ်းကြောင်းပေါ်တွင်ရှိသည်။
ဖေဖော်ဝါရီလတွင် စစ်ကိုင်း၊မကွေး၊မန္တလေး ရှိစစ်ကောင်စီတပ်စခန်းများကို PDF များကဆက်တိုက်တိုက်ခိုက်နေသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)