▪︎KNDFတပ်ဖွဲ့ဝင် ၂ ဦးမိုင်းနင်းမိ၍ဒဏ်ရာအပြင်းအထန်ရ
ကရင်နီ(ကယား)ပြည်နယ်၊ ဒီးမော့ဆိုမြို့နယ် အနောက်ခြမ်းရှိ ဆင်မတောင် တွင်တပ်စွဲထားသော စစ်ကောင်စီ တပ်သားသုံးဦးကို စနိုက်ပါဖြင့် ပစ်ခတ်တိုက်ခိုက်ရာ ၄ ဦးသေဆုံးကြောင်း ကရင်နီအမျိုးသားများကာကွယ်ရေးတပ် KNDF တပ်ရင်း ၅ က ယနေ့ ထုတ်ပြန်သည်။
KNDF တပ်ရင်း ၁၊၅၊၆ နှင့် ၇ မှ စနိုက်ပါ အဖွဲ့များက ပူးပေါင်း၍ ဆင်မတောင် တွင် တပ်စွဲထားသော စစ်ကောင်စီတပ်ဖွဲ့ကို မတ်လ ၁၁ ရက်နေ့က သွားရောက် တိုက်ခိုက်ခဲ့ခြင်းဟု ဖော်ပြထားသည်။တိုက်ခိုက်မှုတွင် စစ်ကောင်စီတပ်သား လေး ဦးသေဆုံးကြောင်း KNDF တပ်ရင်း ၅ က အတည်ပြုသည်။
စစ်ကောင်စီတပ်သေဆုံးထိခိုက်မှုအခြေအနေကို People’s Spring ကသီးခြားအတည်မပြုနိုင်ပါ ။
“ ဆင်မတောင်မှာက မနှစ်ကတည်းက စစ်ကောင်စီက အင်အား ၄၀ ကျော် ၅၀ လောက်နဲ့ တပ်စွဲထားတဲ့ နေရာ ဖြစ်တယ်” ဟု ကရင်နီစစ်ရေးသတင်းရင်းမြစ် က လူထုနွေဦးသို့ ပြောသည်။
စနိုက်ပါဖြင့် ပစ်ခတ်သည့်တိုက်ပွဲတွင် KNDF တပ်ရင်း ၇ မှ တပ်၀င်(၂)ဦးမှာ မိုင်းနင်းမိ၍ ပြင်းထန်းစွာ ဒဏ်ရာရရှိခဲ့ကြောင်းလည်းသိရသည်။
စစ်ကြောင်းများစွာဖြင့် ကရင်နီဒေသအစုံသို့ ထိုးစစ် ဆင်လာသော စစ်ကောင်စီတပ်ကို ကရင်နီပူးပေါင်း တပ်များက ခုခံ တိုက်ခိုက်နေသကဲ့သို့ တစ်ဖက်တွင်လည်း ဒေသတွင်း အခြေစိုက်ထားသည့် စစ်ကောင်စီ စခန်းများကို ကရင်နီတပ်ဖွဲ့များက တိုက်ခိုက်သိမ်းပိုက်လျက်ရှိသည်။
မတ်လ ၁၆ ရက်က ကရင်နီပြည် သံလွင်အရှေ့ခြမ်းရှိ စစ်ကောင်စီ၏ခလရ (၁၃၅) ရှေ့တန်းတပ်စခန်းတစ်ခုအား ကရင်နီတပ်မတော် KA၏ ကွန်မန်ဒိုတပ်ဖွဲ့မှ ဝင်ရောက်သိမ်း ဆည်းနိုင်ခဲ့သည်။
