ကရင်ပြည်နယ် ကြာအင်းဆိပ်ကြီးမြို့နယ်တွင် စစ်ကောင်စီ ရိက္ခာပို့ ယာဉ်တန်းကို ကရင်အမျိုးသားလွတ်မြောက်ရေးတပ်မတော်(KNLA)ဦးဆောင်သည့် ပူးပေါင်းတပ်ဖွဲ့ကကြားဖြတ်တိုက်ခိုက်ခဲ့ကြောင်း Saw Dragon Drone Forceက ယနေ့ ထုတ်ပြန်သည်။
မေလ ၉ရက်နေ့၊ ညနေ ပိုင်းက ကြာအင်းဆိပ်ကြီးမြို့နယ်၊ ရက်ဖော်ရွာ – တညင်ရွာကြားတွင် ရိက္ခာပို့လာသော စကခ ၁၉လက်အောက်ခံတပ်နှင့် BGF ပူးပေါင်းတပ် အား တိုက်ခိုက်ခဲ့ခြင်းဖြစ်သည်ဟုဆိုသည်။
အင်အား ၈၀ကျော်ပါသည့် စစ်ကောင်စီ ပူးပေါင်းတပ်ကို KNLA တပ်ရင်း(၁၆) ပူးပေါင်းတပ်က ကြားဖြတ်တိုက်ခိုက်ခဲ့ရာ ရန်သူ့ စစ်ကား တစ်စီး ဗုံးသီး ၂လုံး ထိမှန် မီးလောင် ပျက်စီးခဲ့ပြီး ယာဉ်ပေါ်ပါ ယာဉ်ပေါ်ပါ ၆ဦး သေဆုံးခဲ့ကြောင်း ထုတ်ပြန်သည်။
အဆိုပါ စစ်ဆင်ရေးတစ်ခုလုံးတွင် ရန်သူ့ကား ၂စီး ပျက်စီးကာ ရန်သူ ၈ဦး သေဆုံးပြီး ၅ဦး အရှင်ဖမ်းမိကြောင်း ဖော်ပြထားသည်။ စစ်ကောင်စီတပ်သေဆုံးထိခိုက်မှု အခြေအနေကို People’s Spring ကသီးခြားအတည်မပြုနိုင်သေးပါ။
စစ်ရေးအခြေအနေနှင့်ပတ်သက်ပြီး မေးမြန်းရန် Saw Dragon Drone Force အဖွဲ့နှင့် ကြာအင်းဆိပ်ကြီးရှိ တော်လှန်ရေး ရဲဘော်အချို့ထံဆက်သွယ်ရာ အဆက်အသွယ်မရသေးပေ။
