မြစ်ငယ်မီးရထားစက်ရုံ ဆေးရုံအုပ်ကြီး ဒေါက်တာတင်ချိုချိုကိုသည် ၎င်း၏ ဆေးခန်းအတွင်းယမန်နေ့(မေလ ၁၅ရက်)ညနေက သေနတ်ဖြင့်ပစ်သတ်ခံရကြောင်းဒေသခံများကပြောသည်။
မေ ၁၅ ရ ညနေ ၆နာရီ၃၀မိနစ်ခန့်ကအချိန်ခန့်က ၊ပလိပ်မြို့၊လျှပ်စစ်ရုံးရှေ့ရှိ ဒေါက်တာတင်ချိုချိုကို မှာ ၎င်း၏ကိုယ်ပိုင်ဆေးခန်းအတွင်း ရှိနေစဉ် အမည်မသိအမျိုးသားနှစ်ယောက်က ရောက်လာပြီး သေနတ်ဖြင့် ပစ်ခတ်ခဲ့ခြင်းဖြစ်သည်ဟု ပုလိပ်မြို့မှ ဒေသခံအချို့ကပြောသည်။
“သူကစစ်တပ်ကကောင်တွေနဲ့အသွားအလာရှိတယ်။ဆေးလာကုတဲ့သူတွေကိုလည်း စစ်တပ်ကမှန်ကြောင်း မသိမသာပြောတတ်တယ်။ စစ်တပ်အမာခံပါ။ အခု အသတ်ခံရတာ သူ့ပုဂ္ဂိုလ်ရေးပြဿနာလို့လည်း သတင်းတွေ ထွက်နေပါတယ်” ဟုဒေသခံအမျိုးသားတစ်ဦးကပြောသည်။
ဒေါက်တာတင်ချိုချိုကိုသည် အသက် ၅၄ နှစ်အရွယ်ရှိပြီဟု သိရသည်။
၎င်း အသတ်ခံရပြီး ၁၅မိနစ်ခန့်တွင်စစ်ကောင်စီတပ်သားများ ရောက်လာပြီး ဒေသခံများကို ကြိမ်းမောင်းသွားသည်ဟု ဒေသခံတစ်ဦးကပြောသည်။
ဒေါက်တာတင်ချိုချိုကို အသတ်ခံရခြင်းအတွက် ထိန့်လန့်တုန်လှုပ်မိကြောင်းနှင့် မလုံခြုံတော့ကြောင်း မန္တလေးမြို့မှ စစ်ကောင်စီဆေးရုံတွင်တာဝန်ထမ်းဆောင်နေသောဆရာဝန်တစ်ဦးက ၎င်း၏ လူမှုကွန်ရက်တွင် ရေးထားသည်။
