“ကြာအင်းဆိပ်ကြီးမှာ CDM တွေ တောင့်ခံခဲ့တာ ၂နှစ်ကျော်ပါပြီ။ တော်လှန်ရေးလည်း အောင်ပွဲနီးနေပါပြီ။ ကူညီမှုတွေကို အရေးကြီးတဲ့နေရာမှာ ကူညီကြပါ။ ကျနော်တို့ ကျင့်သားရနေပါပြီ” – မြို့နယ်(ပအဖ) တာဝန်ရှိသူ
ကရင်ပြည်နယ် ကြာအင်းဆိပ်ကြီး မြို့နယ်ရှိ CDM ရဲတပ်ဖွဲ့ဝင်ပြည်သူ့သားကောင်းများအား ထောက်ပံ့ငွေပေးအပ်ပွဲကို ယနေ့(ဇွန်လ ၁၈ရက်) တွင် လွတ်မြောက်နယ်မြေတစ်နေရာ၌ ပြုလုပ်ခဲ့ကြောင်း မြို့နယ်ပြည်သူ့အုပ်ချုပ်ရေးအဖွဲ့ (ပအဖ)က သတင်းထုတ်ပြန်သည်။
အဆိုပါ ထောက်ပံ့ငွေပေးအပ်ပွဲကို ကြာအင်းဆိပ်ကြီးမြို့ လွတ်မြောက်နယ်မြေရှိ မီးအိမ်ရှင်ဆေးခန်း၌ ပြုလုပ်ခဲ့ကြောင်း ဖော်ပြသည်။
![(ကြာအင်းဆိပ်ကြီး မြို့နယ်ရှိ CDM ရဲတပ်ဖွဲ့ဝင်များအား ထောက်ပံ့ငွေပေးအပ်နေစဉ်။ ဓာတ်ပုံ - ကြာအင်းဆိပ်ကြီး(ပအဖ))](https://i0.wp.com/www.ludunwayoo.com/wp-content/uploads/2023/06/354455593_600878448777618_3099318717603126008_n.jpg?resize=880%2C904&ssl=1)
ပြည်သူ့ရင်ခွင်၏ ထောက်ပံ့မှုကို တစ်ကြိမ်မှ မရရှိသေးသော ရဲ CDM ခုနစ်ဦးအား ပြည်သူ့ရင်ခွင်ထောက်ပံ့မှုဖြင့် ကြာအင်းဆိပ်ကြီးမြို့နယ် ပြည်သူ့အုပ်ချုပ်ရေးအဖွဲ့က တစ်ဦးလျင် ဘတ်ငွေ ၁,၀၀၀ (ကျပ် ၈၅,၀၀၀)စီပေးအပ်ခဲ့ကြောင်း ထုတ်ပြန်သည်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
ကြာအင်းဆိပ်ကြီးဒေသရှိ CDM များအတွက် လိုအပ်ချက်ကို ကြာအင်းဆိပ်ကြီးမြို့နယ် ပအဖ အဖွဲ့များက ကျားကန်ပြီး လုပ်ပေးနေကြောင်း၊ အခြေခံလိုအပ်ချက်များ အားနည်းခြင်း မပြည့်စုံခြင်းရှိသော်လည်း စုစည်းဖြေရှင်းနေကြောင်း ကြာအင်းဆိပ်ကြီး(ပအဖ) တာဝန်ရှိသူတစ်ဦးက ပြောသည်။
![(ကြာအင်းဆိပ်ကြီး မြို့နယ်ရှိ CDM ရဲတပ်ဖွဲ့ဝင်များအား ထောက်ပံ့ငွေပေးအပ်နေစဉ်။ ဓာတ်ပုံ - ကြာအင်းဆိပ်ကြီး(ပအဖ))](https://i0.wp.com/www.ludunwayoo.com/wp-content/uploads/2023/06/354563966_600878422110954_5168527582843725807_n.jpg?resize=880%2C840&ssl=1)
“ကြာအင်းဆိပ်ကြီးမှာ စီဒီအမ်တွေတောင့်ခံခဲ့တာ ၂နှစ်ကျော်ပါပြီ။ တော်လှန်ရေးလည်း အောင်ပွဲနီးနေပါပြီ။ ကူညီမှုတွေကို အရေးကြီးတဲ့နေရာမှာ ကူညီကြပါ။ ကျနော်တို့ ကျင့်သားရနေပါပြီ”ဟု ကြာအင်းဆိပ်ကြီး မြို့နယ်(ပအဖ) တာဝန်ရှိသူက ပြောသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)