စစ်ကိုင်းတိုင်း၊ ရွှေဘိုမြို့နယ်ရှိ ဆင်အင်းကျေးရွာတွင် တပ်စွဲထားသော ပျုစောထီး လေးဦးမှ စပါးသယ်ယူရန် ကင်းပုန်းဝပ်နေစဉ် ပြည်သူကကာကွယ်ရေးတပ်မတော်(PDF) ပူးပေါင်းတပ်ဖွဲ့က တိုက်ခိုက်ခဲ့ရာ လေးဦးစလုံး သေဆုံးခဲ့ကြောင်း အမျိုးသားညီညွတ်ရေး အစိုးရ(NUG) ကာကွယ်ရေးဝန်ကြီးဌာန PDF စစ်ရုံးချုပ်က ထုတ်ပြန်သည်။
ယမန်နေ့(ဇွန်လ ၂၀ရက်) မွန်းလွဲပိုင်း၌ ဆင်အင်းရွာနှင့်မြင်းစီးကျေးရွာကြားတွင် ပြည်သူ့ကာကွယ်ရေးတပ်မတော်(PDF)၊ ရွှေဘိုခရိုင် တပ်ရင်း (၄)နှင့် ဆင်အင်းရွာ(ပကဖ)တို့ ပူးပေါင်းတိုက်ခိုက်ခဲ့ခြင်းဖြစ်ကြောင်း ဖော်ပြသည်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
အဆိုပါတိုက်ခိုက်မှုကြောင့် ရန်သူလေးဦးသေဆုံးခဲ့ပြီး ကာဘိုင် သုံးလက်၊ AK-47 တစ်လက်၊ ကျည် (၂၉၆) တောင့်၊ လက်ပစ်ဗုံး သုံးလုံး၊ ကျည်ဘောက် လေးခုနှင့် ချပ်ဝတ်တန်ဆာ လေးခုတို့ သိမ်းဆည်းရရှိခဲ့သည်ဟု ထုတ်ပြန်သည်။
![(ပျူများထံမှ သိမ်းဆည်းရမိသော လက်နက်ခဲယမ်းများအား တွေ့ရစဥ်။ ဓာတ်ပုံ - MOD-NUG)](https://i0.wp.com/www.ludunwayoo.com/wp-content/uploads/2023/06/355467689_602270625305067_9079388159223100268_n.jpg?resize=880%2C505&ssl=1)
ထို့အပြင် ပြည်သူ့ကာကွယ်ရေးတပ်မတော်သားများ အထိအခိုက်မရှိ ဆုတ်ခွာနိုင်ခဲ့ကြောင်း အသိပေးသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)