မန္တလေးပြည်သူ့ကာကွယ်ရေးတပ်မတော်(PDF) ရဲဘော်များအား အခြေခံ နိုင်ငံရေးအသိပညာသင်တန်းများပေးအပ်ခဲ့ရာ တပ်ရင်းအလိုက် (၃) ရက်စီ သင်ကြားပို့ချခဲ့ကြောင်း မန္တလေး PDF စစ်ဦးစီးအဖွဲ့က ယနေ့ ထုတ်ပြန်အသိပေးသည်။
ထို့ပြင် မန္တလေး PDF အရာရှိများကို အုပ်ချုပ်စီမံမှု၊ ခေါင်းဆောင်မှုနှင့် နိုင်ငံရေးအသိပညာများ တိုးမြင့်စေရေးအတွက် (၄၅)ရက်တာ အုပ်ချုပ်စီမံမှုနှင့် နိုင်ငံရေးစွမ်းရည်မြှင့် သင်တန်းများ သင်ကြားပို့ချခဲ့ရာ ယခု အခါတွင် အောင်မြင်စွာ ပြီးမြောက်ခဲ့ပြီ ဖြစ်ကြောင်း ဖော်ပြသည်။
မန္တလေး PDF၏ သပြေညိုစစ်ဆင်ရေးကာလ အပြီးတွင် “နိုင်ငံရေး အတွေးအခေါ်လက်နက် တပ်ဆင်ခြင်း လုပ်ငန်းစဉ်”အဖြစ် ယခုကဲ့သို့ သင်တန်းများ ပေးခဲ့ခြင်းဖြစ်သည်ဟုဆိုသည်။
ပြည်သူ့ခုခံတော်လှန်စစ်တွင် ပါဝင်တော်လှန်နေကြသည့် စစ်သည်တော်များကို “နိုင်ငံရေး အသိပညာနှင့် ကျင့်ဝတ်”တည်းဟူသော ချွန်းဖြင့် အုပ်မိုး၍ လှုပ်ရှား တိုက်ပွဲဝင်နိုင်စေရေး လုပ်ငန်းသည် အင်မတန် အရေးတကြီး လိုအပ်သည့် လုပ်ငန်းစဉ်ကြီး တစ်ရပ် ဖြစ်ကြောင်း အခိုင်အမာ ယုံကြည်သည်ဟု ဖော်ပြထားသည်။
ထို့ကြောင့် မန္တလေး PDF ရဲဘော်များကို စည်းကမ်း ကောင်းမွန်၍ ကျင့်ဝတ်လိုက်နာသော စစ်သည်တော်ကောင်းများ ဖြစ်စေရန်အတွက် အခြေခံစစ်ပညာသင်တန်း ပို့ချသင်ကြားစဉ်ကတည်းကပင် စနစ်တကျ လေ့ကျင့်၍ သင်ကြားပို့ချပေးခဲ့သည်ဟု အသိပေးထားသည်။
က်လက်၍လည်း ပြည်သူ့ကာကွယ်ရေတပ်မတော်(မန္တလေး)အနေဖြင့် နိုင်ငံရေးအသိပညာ ပြည့်ဝ၍ကျင့်ဝတ်ကောင်းမွန်သော စစ်သည်တော်များပါဝင်သည့် တပ်မတော်တစ်ရပ်အဖြစ် ပြည်သူများကို အလုပ်အကျွေးပြု ကာကွယ်စောင့်ရှောက်နိုင်ရန် စဉ်ဆက်မပြတ် ကြိုးပမ်း ဆောင်ရွက်သွားမည် ဖြစ်ပါကြောင်း အသိပေးထုတ်ပြန်သည်။
