ကရင်နီပြည်နယ်၊ ရှားတောမြို့နယ်ရှိ စစ်ကောင်စီတပ်စခန်းနှင့် ပွိုင့်ကုန်း ကိုသိမ်းပိုက်ရရှိခဲ့ပြီး စစ်ကူလာသည့်စစ်ကောင်စီတပ်ကိုပါ တိုက်ခိုက်ရာ ဗိုလ်ကြီးနှစ်ဦးအပါအဝင် ခြောက်ဦးသေကာ လက် နက် ၊ခဲယမ်းများ သိမ်းဆည်းရမိကြောင်း ကရင်နီတပ်မတော် KA တပ်ရင်း (၂) က ထုတ်ပြန်လိုက်သည်။
ရိက္ခာလမ်းကြောင်းဖြတ်တောက်ကာ မကြာခဏ တိုက်ခိုက်ခဲ့၍ သံလွင်မြစ်အရှေ့ခြမ်းရှိ နယ်စပ်တပ်စခန်း ကျားပါးစပ်လေးနှင့် ပွိုင့် ၂၉၅၇ တို့ကိုစစ်ကောင်စီတပ်က ပြန်လည်ဆုတ်ခွာသွားခဲ့သည်။ထို့နောက် ကရင်နီတပ်မတော်က ထိုစခန်းနှင့် ပွိုင့်ကုန်းကို ဇွန် ၂၅ ရက်က နယ်မြေရှင်းလင်းရာ ၆၀ မမ ဗုံးသီး ၄၅ လုံး၊ RPG 7 ဗုံးသီး ၂၄ လုံး၊MG ငါးကြင်းမြီး ကျည် ၄,၃၆၉ တောင့်၊ MA ကျည် အတောင့် ၃၄၀၊လက်ပစ်ဗုံး ၄ လုံး နှင့် ၁၄ မိုင်း ၁၀ လုံးကိုသိမ်းဆည်းရရှိခဲ့ကြောင်း သိရသည်။
ထို့အပြင်စစ်ကြောင်းတစ်ကြောင်းဖြင့်ရှမ်းပြည်နယ်မှ တဆင့်လာသည့် ခလရ ၅၁၀ စစ်ကြောင်းကို ဒေါမယ်ကျိုရွာဟောင်း၌ ဇွန်လ ၂၉ ရက်က ကရင်နီတပ်မ တော်ကကြာဖြတ်တိုက်ခိုက်ခဲ့သည်။
တစ်နာရီကြာမြင့်သည့် ထိုတိုက်ပွဲ၌ စစ်ကောင်စီဘက်မှ ဗိုလ်ကြီး အဆင့်ရှိသူ နှစ်ဦးအပါအဝင် ခြောက်ဦး သေဆုံးခဲ့ပြီးလက်နက်မျိုးစုံ ၁၀ လက်ကျော်နှင့် ခဲယမ်းများ ၊ဗုံးသီးများ ၊မိုင်းများ ရရှိခဲ့သည်။သိမ်းဆည်းရရှိသောလက်နက်ခဲယမ်းများမှာ 60 mm ၁ လက်နှင့် ကျည် ၁၄ လုံး၊ RPG 7 ကျည် ၇ လုံး၊ 79 ဗုံးသီး၆၅ လုံး၊ MG(ငါးကြင်းမြီး)၁ လက်၊ ပြောင်း ၂ ခုနှင့် ကျည် ၇၂၆ တောင့်၊MA5(9 mm) ၁ လက်၊ MA4 (79) တွဲ ၁ လက်၊ MA3 ၄ လက်၊ MA2 ၁ လက်၊ MA1 ၂ လက်၊ MA ဘောက် ၂၆ ခုနှင့် ကျည် ၃,၇၂၀ တောင့်၊ စွပ်ဗုံး ၂၁ လုံး၊ လက်ပစ်ဗုံး ၈ လုံးနှင့် နင်းမိုင်း ၈ လုံးတို့ဖြစ်သည်။
တိုက်ပွဲတွင်သေဆုံးခဲ့သောစစ်သားရုပ်အလောင်းများကိုပါထုတ်ပြန်ထားပြီး People’s Spring တယ်လီဂရန်ချန်နယ်တွင်ဖော်ပြထားပါသည်။
သို့သော် ၁၂၀ မမ အပါအဝင် လေယာဉ်ဖြင့် ပေါင် ၅၀၀ ဗုံးကျဲချခဲ့မှု၌ တပ်ရင်း ၂ တပ်ခွဲ ၁ မှ ရဲဘော်တစ်ဦးကျဆုံးခဲ့ရကြောင်းလည်း KA က အသိပေးခဲ့သည်။
