ရန်ကုန်-မန္တလေးကားလမ်းဟောင်းမိုင်တိုင်(၁၀၁)ရှိစစ်ကောင်စီတပ်စွဲထားသော KTV ကို PDFများကဝင်ရောက်စီး နင်းတိုက်ခိုက်ရာလေးဦးထက်မနည်းသေဆုံးကာ ကားတစ်စီးသိမ်း ဆည်းနိုင်ခဲ့ကြောင်း ကျောက်တံခါးမြို့နယ်ပြည်သူ့ ကာကွယ်ရေးတပ်ဖွဲ့မှ တာဝန်ရှိသူကပြောသည်။
ယမန်နေ့ညပိုင်းက ပြည်သူ့ကာကွယ်ရေး ပူးပေါင်း တပ်ဖွဲ့က စစ်ကောင်စီအခြေစိုက်နေရာ KTV ကို ဝင်ရောက်ရှင်းလင်းခဲ့ခြင်းဟု သိရသည်။
“ရဲခွေး ၂ကောင်သေ ၊အင်ဖော်မာ ၂ကောင်သေ၊ ရဲခွေး ၂ကောင် ဒဏ်ရာရ။ အိမ်စီးကားတစ်စီးလဲ သိမ်းဆည်းရရှိခဲ့ပါတယ်”ဟု ကျောက်တံခါး PDF တပ်ဖွဲ့တာဝန်ရှိသူကပြောသည်။
ယခုစစ်ဆင်ရေးအပါအဝင် ကျောက်တံခါးမြို့နယ်တွင် စစ်ကောင်စီက ဖွဲ့စည်းထားသော ပျူ၊ ရဲ နှင့် စစ်သား ၂၅၀ ၌ ၆၀ကျော်ကိုရှင်းလင်းပြီး ဖြစ် ကြောင်းလည်း ကျောက်တံခါးမြို့နယ်ပြည်သူ့ ကာကွယ်ရေးတပ်ဖွဲ့ကထုတ်ပြန်သည်။
ထိူအပြင် ဇူလိုင် ၁၈ ရက်ညပိုင်းက ကျောက်တံခါးမြို့နယ်ရန်ကုန်-မန္တလေးကားလမ်းမိုင်တိုင်အမှတ် ၁၀၁/၇ အနီးရှိအလျား ၄၅ ပေရှိ တံတားနှင့် ရန်ကုန်-မန္တလေးမီး ရထားလမ်း၊ ကြေးနန်းမိုင်တိုင် ၁၀၉/၁၀ နှင့် ၁၀၉/၁၁ ကြားရှိ တံတား ဖောက်ခွဲခံခဲ့ရသည်။
အဆိုပါနေရာသို့သွာရောက်စစ်ဆေးစဥ် ထိတွေ့မှု၌ စစ်ကောင်စီတပ်သားနှစ်ဦးသေဆုံးကြောင်း စစ်ကောင်စီဝါဒဖြန့် တယ်လီဂရမ်အကောင့်များ၌ ဖော်ပြထားသည်။
ဇူလိုင်လဆန်းပိုင်းကလည်း ညောင်လေးပင်ခရိုင်၊ ကျောက် တံခါးမြို့နယ် စစ်တောင်းမြစ်အနောက်ဖက်ခြမ်းသို့ ကညွတ်ကွင်းအခြေစိုက် ခမရ ၄၃၉၊ ပိန်းဇလုတ်အခြေစိုက်ခမရ ၂၆၄၊ဖြူးမြို့အခြေစိုက် ခမရ ၃၀၇ ၊ ပဲနွယ်ကုန်းအခြေစိုက် ခမရ ၃၀၈ တပ်ရင်းများက စစ် ကြောင်းထိုးလာ၍ တိုက်ပွဲများဖြစ်ပွားခဲ့သည်။
