တနင်္သာရီတိုင်း ကျွန်းစုမြို့နယ်တွင် စစ်ကောင်စီတပ်သားအချို့နှင့် ပျူစောထီးများမောင်းနှင်လာသည့် စက်လှေတစ်စီးကို ပစ်ခတ်တိုက်ခိုက်ခဲ့ကြောင်း ကျွန်းစုမြို့နယ် ပြည်သူ့ကာကွယ်ရေးအဖွဲ့ – ပကဖ မှ တာဝန်ရှိသူတစ်ဦးက ပြောသည်။
ယမန်နေ့(ဇူလိုင် ၂၀)နေ့လယ် ၂ နာရီခန့်က ကျွန်းစုမြို့နယ် ဘဒ္ဒနဲကျေးရွာအုပ်စု တဆားဂလက်ဝအနီးတွင် စစ်ကောင်စီရေတပ်သားများနှင့် ပျူစောထီးများမောင်းနှင်လာသည့် စက်လှေတစ်စီးကို ကျွန်းစု-ပကဖ တပ်ဖွဲ့မှ ကြိုတင်စောင့်ဆိုင်း တိုက်ခိုက်ခဲ့ခြင်း ဖြစ်သည်။
တိုက်ခိုက်မှုကြောင့် စစ်ကောင်စီတပ်ဘက်မှ ပြန်လည်ပစ်ခတ်ချိန်မရလိုက်ဘဲ အဝေးရောက်မှသာ လက်နှက်ငယ်ဖြင့် တစ်ချက်နှစ်ချက်ခန့် ပြန်လည်ပစ်ခတ်ပြီး ပြန်လည်ဆုတ်ခွာသွားကြောင်း ကျွန်း စု-ပကဖ မှ တာဝန်ရှိသူတစ်ဦးက ပြောသည်။
“သူတို့ဖက် ထိခိုက်သေဆုံးက အတိကျမကြားရသေးဘူး။ သူတို့က သတင်းဖုံးထားတာမျိုးရှိတယ် မတ်လက ပွဲတုန်းကတောင် တော်တော် ကြိုးစား သတင်းလိုက်ခဲ့ရတယ်”ဟု စစ်ကောင်စီတပ်ဘက်မှ ထိခိုက်မှုအခြေအနေအား ၎င်းတာဝ်ရှိသူက ဆက်ပြောသည်။
ကျွန်းစုမြို့နယ်အတွင်း၌ စစ်ကောင်စီတပ်များ စစ်ကြောင်းထိုးရာတွင် ယခုနောက်ပိုင်း ရေကြောင်းအသုံးပြုမှုပိုများလာပြီး တော်လှန်ရေးတပ်ဖွဲ့များအား သတင်းထောက်လှမ်းခြင်း၊ ကျေးရွာများသို့ ရေလမ်းခရီးမှသွားရောက်၍ စစ်ကြောင်းထိုးခြင်းများ ရှိနေသည်။
အထက်ပါ စစ်ကောင်စီရေတပ်သားများ စက်လှေအားပစ်ခတ်တိုက်ခိုက်မှုတွင် ကျွန်းစု-ပကဖ မှ တော် လှန်ရေးရဲဘော်များဟအထိအခိုက်မရှိ ပြန်လည်ဆုတ်ခွာနိုင်ခဲ့ကြောင်း ယင်းတပ်ဖွဲ့က အသိပေးထားသည်။
