မန္တလေးတိုင်း သပိတ်ကျင်းမြို့နယ်၊ ကြာညှပ်တိုက်နယ်ဂိတ်မှ ထွက်လာသော စစ်ကောင်စီတပ်သားများလိုက်ပါလာသည့်ယာဥ်နှစ်စီးအား ပဒေသာမိုင်းများဖြင့် တိုက်ခိုက်ခဲ့ကြောင်း သပိတ်ကျင်း(ပကဖ)၊ ပြည်သူ့ကာကွယ်ရေးအဖွဲ့-ကြာညှပ်မှ တာဝန်ရှိသူတစ်ဦးက ပြောသည်။
ယနေ့(သြဂုတ် ၁၃)နံနက် ၁၀ နာရီခွဲခန့်က ကြာညှပ်စစ်ဆေးရေးဂိတ်မှ (၆)ဘီးယာဉ် တစ်စီး၊ (၁၂)ဘီးယာဉ်တစ်စီးဖြင့် အင်အား(၅၀)ဝန်းကျင်ဖြင့် လာသော စစ်ကောင်စီတပ်သားများကို ရွှေစကားကျေးရွာအနီးတွင် ပဒေသာမိုင်း(၅)လုံးဖြင့် ဖောက်ခွဲတိုက်ခိုက်ခဲ့ခြင်း ဖြစ်သည်။
“မိုင်းဆွဲအပြီး စကစများမှ ရဲဘော်များကို လိုက်လံပစ်ခက်မှုတွေရှိပေမယ့် အထိအခိုက်မရှိ ဆုတ်ခွာနိုင်ခဲ့ပါတယ်”ဟု ပြည်သူ့ကာကွယ်ရေးအဖွဲ့-ကြာညှပ်မှ တာဝန်ရှိသူတစ်ဦးက People’s Springသို့ ပြောသည်။
အထက်ပါ မိုင်းဆွဲတိုက်ခိုက်မှုအတွင်း စစ်ကောင်စီတပ်မှ လေးဦးထက်မနည်းသေဆုံးကာ ထိခိုက်ဒဏ်ရာရသူများလည်းရှိကြောင်း၊ မိုင်းဆွဲခံရပြီးနောက် ပြန်လည်ပစ်ခတ်မှုများရှိသော်လည်း တော် လှန်ရေးရဲဘော်များ ထိခိုက်မှုမရှိကြောင်း ၎င်းက ဆက်ပြောသည်။
တိုက်ခိုက်ခံခဲ့ရသော စစ်ကောင်စီတပ်သည် သေ ဆုံးနှင့် ထိခိုက်ဒဏ်ရာရသူများကို ရွှေစကာရွာနာရေးကားနှင့် ကြာညှပ်ရွာမှနာရေးကားများအသုံးပြု၍ စစ်ဆေးရုံသို့သယ်ဆောင်သွားကြောင်း ပြည်သူ့ကာ ကွယ်ရေးအဖွဲ့-ကြာညှပ်ထံမှ သိရသည်။
သြဂုတ် ၅ ရက်ကလည်း သပိတ်ကျင်းနယ် မတောင်ဘက်မှလာသော စစ်ကောင်စီတပ်ယာဥ်တန်းကို သပိတ်ကျင်း(ပကဖ)၊ ပြည်သူ့ကာကွယ်ရေးအဖွဲ့-ကြာညှပ်မှ ရွှေစကာရွာအနီး၌ပင် မိုင်းဆွဲတိုက်ခိုက်ခဲ့သေးသည်။
