ရှမ်းပြည်နယ်မြောက်ပိုင်းတိုက်ပွဲများအတွက် လမ်းကင်းလုံခြုံရေးယူနေသည့် စစ်ကောင်စီတပ်သားတစ်ဦး ထွက်ပြေးလာပြီး အလင်းဝင်လာကြောင်း ဖယ်ခုံ PDFတပ်ရင်း(၂)က ယနေ့ ထုတ်ပြန်သည်။
ယမန်နေ့(နိုဝင်ဘာ ၇ ရက်)နေ့လယ်က ဖယ်ခုံအခြေစိုက် ခမရ -၄၂၂ တပ်မှ တပ်သားတစ်ဦးသည် လက်နက်ခဲယမ်းအပြည့်အစုံဖြင့် အလင်းဝင်လာခဲ့ခြင်းဟု ဆိုသည်။
၎င်း၏ အဆိုအရ ကရင်နီပြည်ရှိ စစ်ကောင်စီ တပ်ရင်းများအား ရှမ်းပြည်နယ်မြောက်ပိုင်း စစ်မျက်နှာသို့ပို့ဆောင်ရေးအတွက် လမ်းကင်းလုံခြုံရေးဆောင်ရွက်နေစဥ် ထွက်ပြေးလာခြင်းဖြစ်သည်။
အလင်းဝင်လာသော စစ်ကောင်စီတပ်သားကို ဆုငွေပေးအပ်ကာ ကောင်းမွန်စွာစောင့်ရှောက်ထားကြောင်း ဖယ်ခုံ PDFက အသိပေးသည်။
စက်တင်ဘာကလည်း စစ်ကောင်စီတပ်သား သုံးဦး ဖယ်ခုံ PDF ထံ လက်နက်ခဲယမ်းအပြည့်စုံဖြင့်အလင်းဝင်လာခဲ့သည်။
Public Service Announcement
စစ်ဗိုလ်ချုပ်ကြီးတစ်စုအတွက် အသုံးချခံနေရခြင်းကို ရဲနှင့်စစ်သားများ သဘောပေါက်ရန်နှင့် အမြန်ဆုံး လာရောက်ပူးပေါင်းရန် ကရင်နီပြည်လူမျိုးပေါင်းစုံပြည်သူ့လွတ်မြောက်ရေးတပ်ဦး (ကလလတ- KNPLF)က သတိပေးထားသည်။
