ကိုးကန့်ဒေသ၏ မြောက်ပိုင်းနှင့် အလယ်ပိုင်းရှိ စစ်ကောင်စီတပ်စခန်း(၃)ခုကို ယမန်နေ့က သိမ်းပိုက်နိုင်ခဲ့ကြောင်း ကိုးကန့်တပ်မတော်(MNDAA)က ယနေ့ သတင်းထုတ်ပြန်သည်။
နိုဝင်ဘာ ၂၀ရက်နံနက်ပိုင်းတွင် တုန်းရှမ်းဒေသ ၊ တာကျူချင့်အနောက်တောင်ကုန်း ကြွယ်ပါးစခန်းကို ထိုးစစ်ဆင်တိုက်ခိုက် သိမ်းပိုက်ပြီးနောက် ညနေပိုင်းတွင် MNDAA သည် ကိုးကန့်ဒေသ၏ မြောက်ပိုင်းနှင့် အလယ်ပိုင်းရှိ စစ်ကောင်စီ၏တပ်စခန်း(၃)ခုကို တိုက်ခိုက်သိမ်းပိုက်ခဲ့ခြင်ဖြစ်သည်ဟု အသိပေးသည်။
![(နိုဝင်ဘာ ၂၀ရက်က ကိုးကန့်ဒေသရှိ ရှောက်တင့်ပါးစခန်းအား သိမ်းပိုက်ပြီးနောက် တွေ့ရစဥ်။ ဓာတ်ပုံ - The Kokkang)](https://i0.wp.com/www.ludunwayoo.com/wp-content/uploads/2023/11/404896541_682139487318180_7281666877800185163_n.jpg?resize=880%2C468&ssl=1)
![(နိုဝင်ဘာ ၂၀ရက်က ကိုးကန့်ဒေသရှိ ရှောက်တင့်ပါးစခန်းအား သိမ်းပိုက်ပြီးနောက် တွေ့ရစဥ်။ ဓာတ်ပုံ - The Kokkang)](https://i0.wp.com/www.ludunwayoo.com/wp-content/uploads/2023/11/404546065_682139517318177_7452095355013176441_n.jpg?resize=880%2C537&ssl=1)
ထို့ကြောင့် ၁၀၂၇ စစ်ဆင်ရေးကာလအတွင်း စစ်ကောင်စီတပ်စခန်း ၁၆၁ခုကို သိမ်းပိုက်ရရှိခဲ့သည်ဟု MNDAAက ထုတ်ပြန်သည်။ အဆိုပါ တပ်စခန်း အရေအတွက်သည် MNDAAနှင့် ရက္ခိုင့်တပ်တော်(AA) တို့သိမ်းပိုက်ထားနိုင်သည့် တပ်စခန်းအရေအတွက်ဖြစ်သည်။ တအာင်းတပ်မတော်(TNLA)က လည်း စစ်ဆင်ရေး ၂၅ရက်မြောက်နေ့ နိုဝင်ဘာ ၂၀ရက်အထိ စစ်ကောင်စီတပ်စခန်း ၄၆ ခုထက်မနည်းသိမ်းပိုက်ထားပြီးဖြစ်ကြောင်း အသိပေးထားသည်။
![(နိုဝင်ဘာ ၂၀ရက်က ကိုးကန့်ဒေသရှိ ရှောက်တင့်ပါးစခန်းအား သိမ်းပိုက်ပြီးနောက် တွေ့ရစဥ်။ ဓာတ်ပုံ - The Kokkang)](https://i0.wp.com/www.ludunwayoo.com/wp-content/uploads/2023/11/404565432_682139500651512_982449465846299961_n.jpg?resize=880%2C591&ssl=1)
ထို့ကြောင့် ၁၀၂၇ စစ်ဆင်ရေးတွင် ညီနောင်မဟာမိတ် ၃ဖွဲ့ သိမ်းပိုက်ခဲ့သည့် စစ်ကောင်စီတပ်စခန်း ၂၀၇ခုထိ ရှိလာပြီဖြစ်သည်။
ကိုးကန့်ဒေသ ယမန်နေ့တိုက်ပွဲများအတွင်း စစ်ကောင်စီတပ်ထံမှ စက်သေနတ် အပါအဝင် လက်နက်ခဲယမ်းများ သိမ်းဆည်းရရှိထားကြောင်း MNDAA ကဓာတ်ပုံမှတ်တမ်းနှင့်အတူထုတ်ပြန်သည်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
Public Service Announcement
![](https://i1.wp.com/ludunwayoo.com/wp-content/uploads/2021/08/banner-logo1-50px.png)