လေကြောင်းတိုက်ခိုက်ခံထားရတဲ့ ကျောက်မဲမြို့အဝင် တိုးဂိတ်မှာ မီးလောင်ကျွမ်းနေတဲ့ ရုပ်အလောင်း လေးလောင်းကို တွေ့ရတယ်လို့ လူမှုကူညီရေးအသင်းထံကသိရပါတယ်။
တနင်္လာနေ့ ညနေပိုင်းက ကျောက်မဲမြို့ တိုးဂိတ်အနီးမှာ စစ်ကောင်စီတပ်နဲ့ တအာင်းတပ်(TNLA) တို့ကြား တိုက်ပွဲဖြစ်ပြီးနောက် လေကြောင်းတိုက်ခိုက်ခံရတာပါ။
![ကျောက်မဲမြို့တိုးဂိတ်မှာ မီးလောင်ကျွမ်းနေတဲ့ ရုပ် အလောင်းလေးလောင်းတွေ့](https://i0.wp.com/www.ludunwayoo.com/wp-content/uploads/2023/11/406205580_686196686912460_6474017948172835287_n.jpg?resize=880%2C659&ssl=1)
![ကျောက်မဲမြို့တိုးဂိတ်မှာ မီးလောင်ကျွမ်းနေတဲ့ ရုပ် အလောင်းလေးလောင်းတွေ့](https://i0.wp.com/www.ludunwayoo.com/wp-content/uploads/2023/11/406025182_686196653579130_3510564456107237428_n.jpg?resize=880%2C659&ssl=1)
မီးလောင်ပျက်စီးသွားတဲ့ တိုးဂိတ်အဆောက်အဦးထဲမှာ ပုံပျက်နေတဲ့ ရုပ်အလောင်းလေးလောင်းကို လူမှုကူညီရေးအသင်းက မနေ့က သွားရောက်သယ်ယူပြီး သင်္ဂြိုဟ်ပေးလိုက်တယ်လို့သိရပါတယ်။
” ရုပ်ပျက်ဆင်းပျက်ဖြစ်ပြီး မီးသွေးခဲတွေလိုဖြစ်နေတာ”လို့ ရုပ်အလောင်းသွားရောက်သယ်ဆောင်ရာမှာပါဝင်သူ ကူညီရေးအဖွဲ့သားတစ်ဦးက ပြောပြပါတယ်။
![ကျောက်မဲမြို့တိုးဂိတ်မှာ မီးလောင်ကျွမ်းနေတဲ့ ရုပ် အလောင်းလေးလောင်းတွေ့](https://i0.wp.com/www.ludunwayoo.com/wp-content/uploads/2023/11/406222193_686196633579132_7607604890796074202_n.jpg?resize=880%2C659&ssl=1)
ရုပ်အလောင်းလေးလောင်းအနက် တစ်ဦးသာ အမျိုးသားဖြစ်တယ်လို့ အတည်ပြုနိုင်ပြီးကျန်သူတွေကို မည်သူမည်ဝါဆိုတာ မခွဲခြားနိုင်တော့ဘူးလို့သိရပါတယ်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
Public Service Announcement
လေကြောင်းတိုက်ခိုက်မှုအတွင်း တိုးဂိတ်အနီးရပ်ထားတဲ့ ကုန်ကားနှစ်စီးလည်းပျက်စီးခဲ့ပါတယ်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)