မွန်ပြည်နယ်၊ ကျိုက်ရောမြို့နယ် ချောင်းနှစ်ခွရွာကို စစ်ကူလိုက်လာတဲ့ စစ်ကောင်စီတပ်နဲ့ နယ်ခြားစောင့်တပ်(BGF) ပူးပေါင်း စစ်ကြောင်းကို KNU ပူးပေါင်းတပ်က တနင်္လာနေ့မှာ ကြားဖြတ်တိုက်ခိုက်ခဲ့တယ်လို့သိရပါတယ်။
ကြားဖြတ်တိုက်ခိုက်မှုအတွင်း ချောင်းနှစ်ခွဲ ရဲစခန်းဆီ စစ်ကူထာတဲ့ စစ်ကောင်စီတပ်ရဲ့ ဗိုလ်တစ်ဦး ၊ BGF ဗိုလ်မှူး တို့အပါအဝင် ၁၁ ဦး ကျပြီး လေးဦး လက်နက်ချလာတယ်လို့ တိုက်ခိုက်မှုပါတဲ့ နဂါနီးစစ်ကြောင်းက ဖော်ပြပါတယ်။
တိုက်ပွဲဟာ နေ့လယ် ၁၂ နာရီကနေ ညနေ ၄ နာရီအချိန်ထိကြာမြင့်ခဲ့ပြီး စစ်ကောင်စီတပ်ဘက်က ပြန်ဆုတ်သွားတယ်လို့ သိရပါတယ်။
လက်နက်ချလာတဲ့ စစ်ကောင်စီတပ်ဖွဲ့ဝင် လေးဦးကို ကောင်းကောင်းမွန်မွန်ထိန်းသိမ်းထားတယ်လို့လည်း နဂါးနီစစ်ကြောင်းကဆိုပါတယ်။
ကရင်ပြည်နယ်နဲ့ မွန် ပြည်နယ်အစပ် ချောင်နှစ်ခွတံတားဂိတ်နဲ့ ချောင်းနှစ်ရွာ ရဲစခန်းတွေကို တော်လှန်ရေးအင်အားစုတွေက နိုဝင်ဘာလ ၁၀ ရက်ကစတင်တိုက်ခိုက်ခဲ့တာပါ။
Public Service Announcement
အဲဒီတိုက်ပွဲအတွင်း စစ်ကောင်စီဘက်က စစ်ကူစစ်ကြောင်းတွေ လွှတ်ပေးမယ့် KNU နဲ့ PDF ပူးပေါင်းတပ်တွေရဲ့ ကြားဖြတ်တိုက်ခိုက်မှုကို မကြာခဏခံနေရတာပဲဖြစ်ပါတယ်။
