ရှမ်းပြည်နယ်မြောက်ပိုင်း ကျောက်မဲမြို့နယ်ရှိ စစ်ကောင်စီတပ် စခန်းတစ်ခုကိုယမန်နေ့ (ဒီဇင်ဘာ ၇ရက်)က တိုက်ခိုက်သိမ်းပိုက်စဉ် စစ်ကောင်စီတပ်နှင့်ရဲ ငါးဦး အရှင်ဖမ်းမိပြီး လက်နက်ကြီးအပါအဝင် စစ်သုံးဆောင်ပစ္စည်းများသိမ်းဆည်းနိုင်ခဲ့ကြောင်း တအာင်းပြည်သူ့လွတ်မြောက်ရေးတပ်မတော်(TNLA)က သတင်းထုတ်ပြန်သည်။
![(လယ်ကြီးတပ်စခန်း၌ ဖမ်းဆီးမိသော စစ်သုံ့ပန်းများနှင့် သိမ်းဆည်းရရှိသော လက်နက်ခဲယမ်းများ။ ဓာတ်ပုံ - The Ta'ang Post)](https://i0.wp.com/www.ludunwayoo.com/wp-content/uploads/2023/12/408735016_691051396426989_3956326041856411188_n.jpg?resize=880%2C660&ssl=1)
ကျောက်မဲမြို့နယ်ရှိ စစ်ကောင်စီ၏ လယ်ကြီးတပ်စခန်းကို ဒီဇင်ဘာ ၇ရက် နေ့လယ် ၁၁နာရီခွဲခန့်တွင် TNLAနှင့်မိုးကုတ်ဗျူဟာ PDF ပူးပေါင်းတပ်ဖွဲ့တို့က တိုက်ခိုက်သိမ်းပိုက်ခဲ့ခြင်းဖြစ်သည်။
စစ်ကောင်စီတပ်ဖွဲ့ဝင်နှစ်ဦးနှင့် ရဲ သုံးဦးကို သုံ့ပန်းအဖြစ်ဖမ်းမိခဲ့သည်ဟု ထုတ်ပြန်ထားသည်။
ထို့အပြင် (၆၀)နှင့်(၈၀) မမ လက်နက်ကြီးအပါအဝင်၊ လက်နက် ၁၀လက်နှင့် စစ်သုံးဆောင်ပစ္စည်းများ ရှင်းလင်းသိမ်းဆည်းခဲ့ကြောင်းလည်း အသိပေးထားသည်။
![(လယ်ကြီးတပ်စခန်း၌ ဖမ်းဆီးမိသော စစ်သုံ့ပန်းများနှင့် သိမ်းဆည်းရရှိသော လက်နက်ခဲယမ်းများ။ ဓာတ်ပုံ - The Ta'ang Post)](https://i0.wp.com/www.ludunwayoo.com/wp-content/uploads/2023/12/409185495_691051459760316_1664270528290854243_n.jpg?resize=473%2C1080&ssl=1)
![(လယ်ကြီးတပ်စခန်း၌ ဖမ်းဆီးမိသော စစ်သုံ့ပန်းများနှင့် သိမ်းဆည်းရရှိသော လက်နက်ခဲယမ်းများ။ ဓာတ်ပုံ - The Ta'ang Post)](https://i0.wp.com/www.ludunwayoo.com/wp-content/uploads/2023/12/408669248_691051523093643_4765870203158997175_n.jpg?resize=606%2C1080&ssl=1)
![(လယ်ကြီးတပ်စခန်း၌ ဖမ်းဆီးမိသော စစ်သုံ့ပန်းများနှင့် သိမ်းဆည်းရရှိသော လက်နက်ခဲယမ်းများ။ ဓာတ်ပုံ - The Ta'ang Post)](https://i0.wp.com/www.ludunwayoo.com/wp-content/uploads/2023/12/408061679_691051706426958_7410555419208007732_n.jpg?resize=810%2C1080&ssl=1)
ကျောက်မဲမြို့နယ်ရှိ အထက်ပါစခန်းသိမ်းတိုက်ပွဲအပြင် မန်တုံမြို့နယ်မှ စစ်ကောင်စီ၏ ခိုမုန်း (မန်နား)တပ်စခန်းကို ယမန်နေ့ ညနေ ၄နာရီခွဲတွင် ဝင်ရောက်ရှင်းလင်း သိမ်းပိုက်နိုင်ခဲ့သည်ဟု TNLA က ထုတ်ပြန်ထားသည်
![Public Service Announcement](https://i0.wp.com/www.ludunwayoo.com/wp-content/uploads/2024/01/PSA_Inside_Story_Nutrition-First-1000-Days-scaled.jpg?resize=880%2C215&ssl=1)
Public Service Announcement
၁၀၂၇ စစ်ဆင်ရေး စတင်ခဲ့သည့် အောက်တိုဘာ ၂၇ ရက်မှ ယနေ့(ဒီဇင်ဘာလ ၈ ရက်)အထိ တအာင်းပြည်နယ်အတွင်း စစ်ကောင်စီ တပ်စခန်း ၅၃ခုကို ရှင်းလင်းသိမ်းပိုက်ရပြီးဖြစ်ကြောင်း TNLAက အသိပေးထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)