သတိုး/People’s Spring
လုံခြုံရေးတင်းကြပ်နေသည့် အာဇာနည်နေ့တွင် ရန်ကုန်မြို့တစ်နေရာ၌ “ဦးအောင်ဆန်းရေ အာဏာရှင်တစုကြောင့် လူထုမျက်ရည်ကျနေရပြီ” စာတန်းချိတ်ဆွဲ၍ အာဏာရှင်ဆန့်ကျင်ရေးလှုပ်ရှားမှုပြုလုပ်ခဲ့ကြောင်း စမ်းချောင်းပင်မသပိတ်စစ်ကြောင်းက အသိပေးထားသည်။
“တိုင်းပြည်နှင့်ပြည်သူလူထုကိုသာရှေ့တန်းတင်ပြီး ဆောင်ရွက်တတ်သော တပ်မတော်၏တည်ထောင်သူ ဦးအောင်ဆန်းလိုဗိုလ်ချုပ်မျိုးကို လွမ်းဆွတ်တမ်းတသောရည်ရွယ်ချက်ဖြင့် ယခုလှုပ်ရှားမှုအား ကျွန်ုပ်တို့ စမ်းချောင်းပင်မသပိတ်စစ်ကြောင်း(SC Strike) မှပြုလုပ်ခဲ့ခြင်းဖြစ်ပါသည်။” ဟု စမ်းချောင်းပင်မသပိတ်စစ်ကြောင်းက သတင်းထုတ်ပြန်ထားသည်။
![Public Service Announcement](https://i0.wp.com/www.ludunwayoo.com/wp-content/uploads/2024/04/Safer-practices_inside_psa_ads.jpg?resize=880%2C138&ssl=1)
Public Service Announcement
![](https://i0.wp.com/www.ludunwayoo.com/wp-content/uploads/2024/07/451685589_818706556994805_256345914190498834_n.jpg?resize=880%2C660&ssl=1)
ရန်ကုန်မြို့ရှိ ခုံးကျော်တံတားတစ်ခုတွင် အထက်ပါစာတန်းကို ချိတ်ဆွဲခဲ့ခြင်းဖြစ်ပြီး အဖွဲ့သားအားလုံးဘေးကင်းကြောင်း ယင်းအဖွဲ့ ဥက္ကဌကိုပီတာကြီးက ပြောသည်။
အာဇာနည်နေ့အတွက် စစ်ကောင်စီက ဇူလိုင်လဆန်းကစတင်၍ ရန်ကုန်မြို့၌ လုံခြုံရေးအင်အားတိုးမြှင့်ထားခြင်းဖြစ်သည်။
အာဇာနည်များကျဆုံးချိန်၌ ပြည်သူများအနေဖြင့် ဟွန်းတီးခြင်း ၊ ဥဩဆွဲခြင်း ၊ သတိဆွဲအလေးပြုခြင်း ၊ ချီတတ်ဂါရဝပြုခြင်းတို့ပြုလုပ်ကြရန် တော်လှန်ရေးအင်အားစုများက တိုက်တွန်းထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)