မိထက်/People’s Spring
ရှမ်းပြည်နယ်မြောက်ပိုင်း သိန္နီမြို့မဈေးအတွင်း လူစည်ကားနေချိန် ယနေ့(ဇူလိုင် ၁၈) ညနေ ၅နာရီခန့်တွင် စစ်ကောင်စီက လေကြောင်းမှ ဗုံးကြဲတိုက်ခိုက်ရာ အရပ်သားထိခိုက်သေဆုံးမှုများပြားကြောင်း သတင်းရရှိသည်။
” မြို့မစျေးကို Y12 လေယာဉ်နဲ့ ကြဲသွားတာ။အရေးပေါ်ကာလမို့လို့ ဒေသခံတွေက ဈေးဝယ်ထွက်နေတဲ့အချိန် ပစ်ချသွားတာ။ ၂၀ ဦးလောက် သေတယ်လို့ သိရပါတယ်။ သေဆုံးသူတွေကောဒဏ်ရာသူတွေကိုပါ ဆေးရုံကိုခေါ်သွားကြတယ်” ဟု ဒေသခံတစ်ဦးက ပြောသည်။
![Public Service Announcement](https://i0.wp.com/www.ludunwayoo.com/wp-content/uploads/2024/04/Safer-practices_inside_psa_ads.jpg?resize=880%2C138&ssl=1)
Public Service Announcement
![](https://i0.wp.com/www.ludunwayoo.com/wp-content/uploads/2024/07/451802829_818442250354569_956290635031979963_n.jpg?resize=880%2C454&ssl=1)
စစ်ကောင်စီလေကြောင်းတိုက်ခိုက်မှုအတွင်း သေဆုံးသူအရေအတွက်နှင့် အသေးစိတ် အခြေအနေကိုမူ မသိရှိရသေးပေ။
လေကြောင်းမှ တိုက်ခိုက်ခံရသည့် မြို့မစျေးမှာ အပျက်အစီးအလွန်များသည်ကို ထွက်ပေါ်လာသည့် ဓာတ်ပုံမှတ်တမ်းများတွင် တွေ့ရသည်။
” သေဆုံးသူတွေထဲမှာ လူငယ်တွေ၊ မိသားစုကို ရှာဖွေအလုပ်အကျွေးပြုနေတဲ့ မိခင်၊ ဖခင်၊ သားသမီးကောင်းရတနာတွေ ပါဝင်ပါတယ်။ အင်မတန်မှ ဝမ်းနည်းထိခိုက်နာကျည်းရပါတယ်ဗျာ”ဟု ဒေသခံတစ်ဦးက လူမှုကွန်ရက်တွင် ရေးသားထားသည်။
![](https://i0.wp.com/www.ludunwayoo.com/wp-content/uploads/2024/07/451859238_818442227021238_1566995598457193364_n.jpg?resize=880%2C454&ssl=1)
စစ်ကောင်စီသည် ဇူလိုင် ၁၁ရက် ညပိုင်းကလည်း သိန္နီမြို့အထက်တန်းကျောင်းကို လေကြောင်းတိုက်ခိုက်ရာ ကျောင်းဆောင်ပြိုကျပျက်စီးသွားခဲ့သည်။
သိန္နီမြို့သည် ပြည်ထောင်စုလမ်းမအတိုင်း လားရှိုးမြို့နှင့် တဆက်တည်းရှိပြီး ၁၀၂၇ စစ်ဆင်ရေးပထမပိုင်းတွင် စစ်ကောင်စီစခန်းများကို ကိုးကန့်တပ်မတော်(MNDAA)က တိုက်ခိုက် သိမ်းပိုက်ပြီး ထိန်းချုပ်ထားသည့်မြို့ဖြစ်သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)