မြန်မာအမျိုးသားဒီမိုကရက်တစ်မဟာမိတ်တပ်မတော် (MNDAA)က လားရှိုးမြို့ပြည်သူလူထုသို့ ဦးတည်၍ အချက် ၇ ချက်ပါသောထုတ်ပြန်ကြေညာချက် ကိုထုတ်ပြန်လိုက်သည်။
MNDAA တပ်ဖွဲ့ဝင်များအနေဖြင့် ပုဂ္ဂလိကပိုင် ပစ္စည်းဥစ္စာများကို မကျူးလွန်ရ ချိုးဖောက်ပါက ပြင်းထန်စွာအရေးယူမည် ၊ အရပ်သားနေအိမ်များကို စစ်ရေးအဆောက်အဦးအဖြစ် အသုံးပြုနေထိုင်ခြင်းမပြုရန် ၊ စစ်ရေးဆိုင်ရာလှုပ်ရှားမှု မဟုတ်ဘဲ အရပ်သားနေအိမ်သို့မဝင် ရန် ၊ အရပ်သားကားများကို အတင်းအဓမ္မအသုံးပြုခြင်းမလုပ်ရန် ၊အရပ်သားများထံမှ ငွေကြေးသိူ့မဟုတ် ပစ္စည်းကောက်ခံခြင်းပို့ခိုင်းခြင်းမပြုရန်၊ စစ်ျရးအုပ်ချုပ်မှုကာလအတွင်း မည်သူထံကမျှ အခွန်မကောက်ရန် ၊လူ့အခွင့်အရေးချိုးဖောက်ပါကပြင်းထန်စွာ အရေးယူမည်ဟု ဖော်ပြထားသည်။
ထိုအပြင် ဒုက္ခသည်များကိုကူညီရန် ၊ဒဏ်ရာရသူများကိုကယ်တင်ရန် ၊တိုက်ပွဲကြောင့် ဒုက္ခရောက်ရသူများကိုလည်းကောင်းမွန်စွာပြုစုစောင့်ရှောက်ရန်လည်း ဖော်ပြထားသည်။ထုတ်ပြန်ချက်ရက်စွဲကို ဇူလိုင် ၂၇ ရက်တပ်ထားပြီး ယနေ့(ဇူလိုင် ၂၈)တွင်တရားဝင်ထုတ်ပြန်လာခြင်းဖြစ်သည်။
![Public Service Announcement](https://i0.wp.com/www.ludunwayoo.com/wp-content/uploads/2024/04/Safer-practices_inside_psa_ads.jpg?resize=880%2C138&ssl=1)
Public Service Announcement
စစ်သုံ့ပန်းများ ၊လက်နက်ချသူ ၊အလင်းဝင်သူများကိုလည်းကောင်းမွန်စွာဆက်ဆံရန် မည်သည့်အကြောင်းနှင့်မျှ ခွဲခြားဆက်ဆံခြင်း၊နှိပ်စက်လြင်းမပြုရဟု ညွန်ကြားထားသည်။
စစ်ကောင်စီ၏ ဌာနဆိုင်ရာဝန်ထမ်းများကိုလည်း မူလ တာဝန်ရာထူးဖြင့်ထမ်းဆောင်စေမည်ဟုဖော်ပြသည်။သို့သော် ပြည်သူများကမူ စစ်ကောင်စီဝန်ထမ်းများကို တာဝန်ဆက်လက်ထမ်းဆောင်စေခြင်းမပြုဘဲ စစ်အုပ်စုကို အကြမ်းမဖက်အာဏာဖီဆန်မှုပြုလုပ်နေသော CDM ဝန်ထမ်းများကို ဦးစာပေးတာဝန်ထမ်းဆောင်စေလိုကြောင်းပြောကြသည်။
![](https://i0.wp.com/www.ludunwayoo.com/wp-content/uploads/2024/07/453183202_824018179796976_687786751301346821_n.jpg?resize=834%2C1080&ssl=1)
![](https://i0.wp.com/www.ludunwayoo.com/wp-content/uploads/2024/07/453221144_824018203130307_7484276853578966324_n.jpg?resize=834%2C1080&ssl=1)
![](https://i0.wp.com/www.ludunwayoo.com/wp-content/uploads/2024/07/453151023_824018229796971_5568627415641481668_n.jpg?resize=834%2C1080&ssl=1)
![](https://i0.wp.com/www.ludunwayoo.com/wp-content/uploads/2024/07/453167997_824018286463632_1958327250200228725_n.jpg?resize=834%2C1080&ssl=1)
လားရှိုးမြို့နေ ပြည်သူများ၏ အသက်အိုးအိမ်စ်းစိမ်များကာကွယ်ရန် ၊ပြည်သူများ၏ နေထိုင်ရေးနှင့် ကုန်ထုတ်လုပ်မှုများ မူလအတိုင်းရောက်ရှိစေရန် ၊ လူ့ဘောင်အဖွဲ့အစည်းတာ်ငြိမ်အေးချမ်းစေရန် MNDAA နှင့် အထူးဒေသ (၁) အုပ်ချုပ်ရေးကော်မတီတို့က ယခုကြေညာချက်ကို ထုတ်ပြန်ခြင်းဖြစ်ကြောင်းဖော်ပြထားသည်။
ပြည်သူလူထုလွတ်လပ်ခွင့်ကိုချိုးဖောက်ခြင်း ၊ ဖမ်းဆီးချုပ်နှောင် ခြင်း နှင့် ရိုက်နှက်စစ်ကြောခြင်းတို့ကို လုံးဝ ကန့်ကွက်သည်ဟုလည်းပါရှိသည်။မြို့ရှိ တိုင်းရင်းသားများ တန်းတူညီမျှအခွင့် အရေးရှိမည်ဖြစ်ပြီး ခွင့်ခြားဆက်ဆံမှု မပြုရဟုဆိုသည်။
ဘာသာရေး နှင့် ဘာသာရေး အဆောက်အုံများကို ဖျက်ဆီးခြင်း ခွဲခြားခြင်းမပြုရဘဲ အထူးဒေသ (၁)ဥပဒေ နှင့်အညီ ကောင်းမွန်စွာထိန်းသိမ်းစောင့်ရှောက်ရန်လည်းဖော်ပြထားသည်။
စစ်ကောင်စီအကာအကွယ် ပေးမှုကြောင့် ဆိုက်ဘာမှုခင်း၊ အွန်လိုင်းလိမ်လည်မှု (ကျဖျင်)လုပ်ငန်းများလားရှိုးမြို့တွင်အကြီးအကျယ်လုပ်ဆောင်နေခြင်းကို တိုက်ဖျက်ပြီး ၊ကျဖျင်လုပ်ကိုင်သောတရုတ်နိုင်ငံသားများဖမ်းဆီးရရှိပါက တရုတ်သို့လွှဲပြောင်းပေးမည်ဟုအသိပေးထားသည်။
စစ်ကောင်စီလက်ထက်တွင် မူးယစ်ဆေးဝါးရောင်းဝါးသုံးစွဲမှုအပေါ် ကြပ်မတ်မှုအားနည်းခဲ့သောကြောင့်လားရှိုးမြို့တွင် မူးယစ်ဆေးဝါးအလွန်ပေါများနေပြီး ၊ဒေသခံများကလည်းမုန်းတီး၍ မူးယစ်တိုက်ဖျက်ရေးကို ဆောင်ရွက်မည်ဟုလည်းဆိုသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)