ဟန်နွေ/People’s Spring
ရှမ်းပြည်နယ်မြောက်ပိုင်း၊ လားရှိုးမြို့ရှိ “၀”ပြည်သွေးစည်းညီညွတ်ရေးတပ်မတော် (UWSP/UWSA) ဆက်ဆံရေးရုံးအနီး ဗုံးကြဲတိုက်ခိုက်ခံရမှုကြောင့် အဆောက်အဦးထိခိုက်ပျက်စီးမှုရှိခဲ့သည်ဟု UWSA လားရှိုးဆက်ဆံရေးရုံးတာဝန်ခံ ဦးညီရန်းက အတည်ပြုသည်။
UWSA ဆက်ဆံရေးရုံးအနီး စစ်ကောင်စီ လေကြောင်းမှ ဗုံးကြဲတိုက်ခိုက်၍ ထိခိုက်ပျက်စီးခဲ့မှု အခြေအနေပြ ရုပ်သံလူမှုကွန်ရက်၌ ဖော်ပြမှုများတွေ့ရ၍ ဦးညီရန်းအားမေးမြန်းရာ ယခုကဲ့သို့ဖြေကြားခဲ့ခြင်းဖြစ်သည်။
![Public Service Announcement](https://i0.wp.com/www.ludunwayoo.com/wp-content/uploads/2024/04/Safer-practices_inside_psa_ads.jpg?resize=880%2C138&ssl=1)
Public Service Announcement
“ကိုက် ၅၀ အကွာလောက်။ပြီးခဲ့တဲ့ လေးငါးရက်လောက်က။ လူထိခိုက်မှုတော့ မရှိ။ ရုံးမှန် တံခါး မျက်နှာကျက်တချို့ပျက်စီး”ဟု ဦးညီရန်းက ပြောသည်။
ဗုံးကြဲတိုက်ခိုက်ခံရမှုအပြီး ထိခိုက်ပျက်စီးမှု အခြေအနေ အားရိုက်ကူးထားသည့် ရုပ်သံတွင် UWSA ဆက်ဆံရေးရုံးဘေးလမ်းမပေါ်နှင့်အနီးရှိ နေအိမ်အဆောက်အဦးများတွင် ဗုံးဒဏ်ကြောင့် ထိခိုက်ပျက်စီးမှုများအား တွေ့မြင်ရသည်။ ဗုံးဒဏ်ကြောင့် ကားလမ်းမသည် ချိုင့်ခွက်ဖြစ်သွားပြီးနေအိမ်များလည်း ပျက်စီးခဲ့သည်။
UWSA တပ်ဖွဲ့များသည် ဇူလိုင် ၂၇ရက်တွင် လားရှိုးမြို့ရှိ ဆက်ဆံရေးရုံး နှင့်ပိုင်ဆိုင်မှုများကိုကာကွယ်ရန်အတွက်ဟုဆိုကာ လားရှိုးမြို့တွင်းသို့ ဝင်ရောက်ခဲ့သည့် ဖြစ်စဉ်လည်းရှိခဲ့သည်။
ရုပ်သံ – Kwai
![](https://i1.wp.com/ludunwayoo.com/wp-content/uploads/2021/08/banner-logo1-50px.png)