close
Connect with us

Hi, what are you looking for?

သတင်း

ဗန်းမော် – မိုးမောက်ကြား (၇)မိုင်အောင်မြေရွာ၌ KIAနှင့် စစ်ကောင်စီတပ် တိုက်ပွဲဆက်ဖြစ်

ကချင်ပြည်နယ် ဗန်းမော်နှင့် မိုးမောက်မြို့နယ်ကြား ၇မိုင် အောင်မြေကျေးရွာ၌ တိုက်ပွဲများနေ့စဉ်ဖြစ်ပွားလျက်ရှိနေကြောင်း ကချင်သတင်းရင်းမြစ်တစ်ဦးက ပြောသည်။

(ရှေ့တန်းမှ ပြန်လာသော ကချင်လွတ်လပ်ရေးတပ်မတော် (KIA)မှ စစ်သားများအား လိုင်ဇာလမ်းပေါ်တွင် တွေ့ရစဉ်။ ဓာတ်ပုံ - Getty Images၊ ပုံအဟောင်းအသုံးပြုထားပါသည်)
(ရှေ့တန်းမှ ပြန်လာသော ကချင်လွတ်လပ်ရေးတပ်မတော် (KIA)မှ စစ်သားများအား လိုင်ဇာလမ်းပေါ်တွင် တွေ့ရစဉ်။ ဓာတ်ပုံ - Getty Images၊ ပုံအဟောင်းအသုံးပြုထားပါသည်)

ဟန်နွေ/People’s Spring

ဩဂုတ် ၁၉ရက်က မိုးမောက်မြို့နှင့် အဆိုပါမြို့အခြေစိုက် ခမရ(၄၃၇)တပ်ရင်းကို ကချင်လွတ်လပ်ရေးတပ်မတော်(KIA)က သိမ်းပိုက်ခဲ့သည်။ ထို့နောက် စစ်ကောင်စီက မိုးမောက်မြို့ပြန်လည်ရရှိရေးနှင့် ဗန်းမော်မြို့ လုံခြုံရေးအတွက် တင့်ကားနှင့် ခြေလျင်ပူးပေါင်း စစ်ဆင်မှု၊ လေကြောင်း၊ လက်နက်ကြီးပစ်ကူပေး တိုက်ခိုက်မှုများ ပြုလုပ်ကာ ထိုးစစ်ဆင်နေ၍ တိုက်ပွဲဆက်တိုက်ဖြစ်ပွားနေသည်။ ယခုရက်ပိုင်းတွင်လည်း တိုက်ပွဲနေ့စဉ်ရှိနေသည်ဟု ကချင်သတင်းရင်းမြစ်က ပြောသည်။

“ဗန်းမော်နဲ့ မိုးမောက်ကြား ၇မိုင် အောင်မြေကျေးရွာမှာ နေ့စဉ် တိုက်ပွဲဖြစ်ပွားနေပါတယ်။ နှစ်ဖက် ထိခိုက်သေဆုံးမှုများနေတယ်လို့ ဒေသခံ တစ်ဦးက ပြောဆိုထားပါတယ်။ ဒါက ကျနော့်ဆီ ရောက်လာတဲ့ သတင်းပါ။ “ဟု ၎င်းက ပြောသည်။

ထို့အပြင် စစ်ကောင်စီအနေဖြင့် အောင်မြေကျေးရွာမှ ရှေ့ဆက်တိုးနိုင်ခြင်းမရှိဘဲ နှစ်ဖက်ဆက်လက် တိုက်ခိုက်နေဆဲဖြစ်သည်ဟု ဆိုသည်။

Public Service Announcement

Public Service Announcement

“ဘယ်ဘက်မှ မနိုင်သေးဘူး။ ဗန်းမော်ဘက်ကနေ စစ်ကူ နေ့စဉ် ထပ်ပို့တယ်။ စကစရဲ့ ဒရုန်းကြောင့် KIAဘက်လည်း ထိခိုက်သေဆံးမှုရှိတယ်”ဟု သတင်းရင်းမြစ်က ပြောသည်။

မိုးမောက် -ဗန်းမော်ကြားစစ်ရေး အခြေအနေနှင့်ပတ်သက်ပြီး KIA သတင်းပြန်ကြားရေးတာဝန်ခံ ဗိုလ်မှူးကြီးနော်ဘူထံ ဆက်သွယ်မေးမြန်းထားဆဲဖြစ်သည်။

KIAသည် ပြီးခဲ့သည့် နိုဝင်ဘာလအတွင်းကလည်း ကချင်- စစ်ကိုင်းနယ်စပ်ရှိ စစ်ကောင်စီနှင့် SNA ရှမ်းနီပူးပေါင်းတပ်စခန်းများကို တိုက်ခိုက်သိမ်းပိုက်ခဲ့သည်။

ဆက်စပ်သတင်းများ

သတင်း

မတ္တရာမြို့ နဲ့ ၃ မိုင်ခန့် အကွာ က ရွာတွေမှာ မနေ့ ဒီဇင်ဘာ ၂ ရက် နေ့ခင်းပိုင်းကစတင်ပြီး တော်လှန်ရေးတပ်တွေနဲ့ ထိတွေ့ တိုက်ပွဲ ဖြစ်တာလို့ သိရပါတယ်။

သတင်း

ချင်းညီနောင်အဖွဲ့ဝင် မင်းတပ်မြို့နယ် ချင်းဒေသကာကွယ်ရေးတပ်(CDF)ကလည်း မင်းတပ်မြို့သိမ်းတိုက်ပွဲ အောင်မြင်အောင် ဆင်နွှဲမည်ဟု အသိပေးထုတ်ပြန်ထားသည်။

သတင်း

၂၀၂၄ ဇန်နဝါရီမှ နိုဝင်ဘာ ၁၀ရက်အထိ နိုင်ငံတဝှမ်းလုံး စစ်ကောင်စီဘက်က ဆုတ်ခွာသွားသည့် တပ်စခန်းများအခြေအနေကို အသိပေး ဖော်ပြခဲ့ခြင်းဖြစ်သည်။

သတင်း

ရယ်ဗဇုန်စခန်းသိမ်းတိုက်ပွဲတွင် ခလရ (၂၂၂) တပ်ရင်းမှူး ဒုတိယ ဗိုလ်မှူးကြီး သော်ဇင်လတ်အပါအဝင် စစ်တပ်အရာရှိ ၂ဦး၊ ရဲအရာရှိ ၁ဦး စုစုပေါင်း ၁၁ဦး သေဆုံးကာ ၁၉ဦးကို အရှင်ဖမ်းမိခဲ့ခြင်းဖြစ်သည်။

Facebook