သြဂုတ်-၉၊၂၀၂၅။ရဲခေါင် /Peoples Spring
မွန်ပြည်နယ်၊ ကျိုက်ထိုနှင့် ဘီးလင်းမြို့နယ်ကြား တွင် စစ်ကောင်စီ၏ ကားနှစ်စီးအား ပစ်ခတ်တိုက်ခိုက်ရာ စစ်ကောင်စီတပ်သား ရှစ်ဦးသေဆုံးကြောင်း နဂါးဖြူတပ်ရင်းရုံးသတင်းနှင့်ပြန်ကြားရေးက ထုတ်ပြန်သည်။
ယနေ့(သြဂုတ် ၉ ရက်) ရန်ကုန် – မော်လမြိုင် ကားလမ်းပိုင်းရှိ ကျိုက်ထိုနှင့် ဘီးလင်းမြို့နယ် ကြား မောင်းနင်းလာသည် စစ်ကောင်စီ၏ ခြောက်ဘီးကားနှစ်စီးအား ဝင်းပတုံကုန်းဆင်းဆီဆိုင်နှင့် သင်းချိုင်းကုန်ကြားတွင် တိုက်ခိုက်ခဲ့ခြင်းဟု ဆိုသည်။
“ဘီးလင်းကနေ တက်လာတဲ့ ရန်သူအင်အား၂၀ ပါတဲ့ ကားနှစ်စီးပါ။ရှေ့ကားက ရိက္ခာနောက်ကားက စခ ။စခ ၈ဦးသေပြီး ၂ဦးဒဏ်ရာရတယ်။ကားက လမ်းဘေးကို ထိုးရပ်သွားတယ်” ဟု နဂါးဖြူတပ်ရင်းရုံးသတင်းနှင့် ပြန်ကြားရေးတာဝန်ခံက လူထုနွေဦးသို့ ပြောသည်။
Public Service Announcement
စစ်ကောင်စီတပ်သားများသေဆုံးမှုနှင့်ပတ်သက်၍ လူထုနွေဦးအနေဖြင့် သီးခြားအတည်မပြုနိုင်သေးပေ။
ယနေ့ တိုက်ခိုက်မှုတွင် နဂါးဖြူတပ်ရင်းတပ်ခွဲ-၂ ၊ 7805 တပ်ခွဲ – ၄တို့ ပူးပေါင်းတိုက်ခိုက်ခဲ့ခြင်းဖြစ်ကာ အထိအခိုက်မရှိဆုတ်ခွာနိုင်ခဲ့သည်ဟု ထုတ်ပြန်ချက်၌ ဖော်ပြသည်။
ဘီးလင်းမြို့နယ်တွင်စစ်ကောင်စီ၏မဲပလီဗျူဟာစခန်းကုန်းကို တော်လှန် ရေးတပ်များက ယခုနှစ် ဖေဖော်ဝါရီတွင် တိုက်ခိုက်သိမ်းပိုက်ပြီးနောက် စစ်ကောင်စီက ဘီးလင်းမြို့နယ်တွင် စစ်ရေးအင်အားဖြည့်ထားသည်။
ထိုနောက်လေကြောင်းအပြင်တပ်မ(၄၄)စစ်ဌာနချုပ်နှင့်၎င်းလက်အောက် ခံတပ်ရင်း ၊အမြောက် တပ်များက ဘီလင်းမြို့နယ်အတွင် ဗုံးကြဲ၊ပစ်ခတ်မှုကြောင့် အရပ်သားသေဆုံးမှုများရှိ သည်။
ရုပ်သံ – နဂါးဖြူတပ်ရင်း
