သြဂုတ်-၃၁၊၂၀၂၅။ဇေအောင်/People’s Spring
မကွေးတိုင်း၊ရေစကြိုမြို့နယ်၊ ရေလယ်ကျွန်းဒေသကို တိုက်ပွဲမရှိဘဲ စစ်တပ်က လေကြောင်းကနေ ဗုံးကြဲလို့အမျိုးသမီးကြီး ၃ ဦးသေဆုံးခဲ့ပါတယ်။
ဒီကနေ့ နေ့လယ် ၁ နာရီ ၁၅ မိနစ်ခန့်က ရေစကြို ရေလယ်ကျွန်းဒေသက ငတရော်ရွာကို တိုက်ပွဲဖြစ်ပွားတာမရှိဘဲ စစ်တပ်က လေကြောင်းကနေ ဗုံးကြဲခဲ့တာပါ။ဒေသခံပြည်သူ အမျိုးသမီး ၃ ဦးသေဆုံးကာ ထိခိုက်ဒဏ်ရာရသူတွေလည်းများပြားကြောင်း ရေစကြိုသတင်းအချက်အလက်ကော်မတီက ပြောပါတယ်။
စစ်ကောင်စီလေကြောင်းတိုက်ခိုက်မှုကြောင့် ထိခိုက်သေဆုံး ၊ဒဏ်ရာရသူများအားတွေ့ရစဥ်။ ဓာတ်ပုံ-Info Committee Yesagyo 
စစ်ကောင်စီလေကြောင်းတိုက်ခိုက်မှုကြောင့် ထိခိုက်သေဆုံး ၊ဒဏ်ရာရသူများအားတွေ့ရစဥ်။ ဓာတ်ပုံ-Info Committee Yesagyo 
စစ်ကောင်စီလေကြောင်းတိုက်ခိုက်မှုကြောင့် ထိခိုက်သေဆုံး ၊ဒဏ်ရာရသူများအားတွေ့ရစဥ်။ ဓာတ်ပုံ-Info Committee Yesagyo
“အကြမ်းဖက်စစ်ကောင်စီက ဂျက်ဖိုက်တာတစ်စီးနဲ့ လေကြောင်းတိုက်ခိုက်မှု ပြုလုပ်သွားတာပါ။ တိုက်ပွဲမရှိဘဲအကြောင်းမဲ့သက်သက်လာပြီးတိုက်ခိုက်သွားတာပါ”လို့ ရေစကြိုပကဖ တာဝန်ရှိသူက ပြောပါတယ်။
Public Service Announcement
အဲဒီကော်မတီရဲ့ထုတ်ပြန်တဲ့ဓာတ်ပုံမှတ်တမ်းတွေအရ သေဆုံးသူ ၃ ဦးဟာ အမျိုးသမီးတွေချည့်ဖြစ်ပြီး သက်ကြီးရွယ်အိုတွေပါ ပါဝင်တာကိုတွေ့ရပါတယ်။
ထိခိုက်ဒဏ်ရာ ရသူတွေထဲမှာလည်းဒဏ်ရာပြင်းထန်တာကြောင့် အသက်အန္တရာယ် စိုးစိုးရိမ်ရသူတွေရှိနေတယ်လို့ ဒေသခံတွေက ပြောပါတယ်။
စစ်ကောင်စီဟာပြည်သူတွေဦးတည်ပြီးလေကြောင်းကနေဗုံးကြဲသတ်ဖြတ်မှုတွေ ပိုလုပ်လာနေပြီးဩဂုတ် ၂၄ ရက်ညကလည်း မကွေးတိုင်း၊ နတ်မောက်မြို့နယ်၊ လဲဘူးကျေးရွာကို စစ်တပ်က လေကြောင်းကနေဗုံးကြဲတိုက်ခိုက်လို့ ကလေးငယ် ၂ ဦးအပါအဝင် ၅ ဦးသေဆုံးပြီး ၁၁ ဦးထက်မနည်းဒဏ်ရာ ရရှိခဲ့ပါသေးတယ်။
