နိုဝင်ဘာ – ၂၇ ၊၂၀၂၅ ၊ဆိုင်းမင်း/People’s Spring
ဧရာဝတီတိုင်းရှိ ဖျာပုံအကျဉ်းထောင်ကိုရောက်ရှိလာတဲ့ အချုပ်ကျ ၊ အကျဉ်းကျ သူတွေထံက စောင့်ရှောက်ကြေး ဆိုပြီး ထောင်အာဏာပိုင်တွေက ငွေကြေးကောက်ခံတာတွေ ဆိုးရွားလာတယ်လို့ မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက် (PPNM)က သတင်းထုတ်ပြန်ပါတယ်။
ဖျာပုံထောင်မှာ နိုင်ငံရေးအကျဉ်းသားတွေအပါအဝင် အခြားသောအမှုတွေနဲ့ ထောင်ကိုရောက်လာသူတွေထံက ငွေကြေး တောင်းခံတာ ပြီးခဲ့တဲ့ သြဂုတ်လကုန်ကစတင်ပြီး ဆိုးရွားလာတာလို့သိရပါတယ်။
“ အကြောင်းအမျိုးမျိုးပြတောင်းတာက အကျဉ်းထောင်စနစ်မှာ အရင်ကတည်းကရှိခဲ့တာပါ၊အခုကတော့ ဆိုးဆိုးဝါးဝါးဖြစ်လာတာပေါ့”မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက် (PPNM)ရဲ့ ဦးဆောင်ကော်မတီဝင် ကိုသိုက်ထွန်းဦးကပြောပါတယ်။
Public Service Announcement
“စောင့်ရှောက်ကြေး”ဆိုတဲ့ ခေါင်းစဉ်နဲ့ အကျဉ်းသာတန်းစီး(ထောင်အခေါ် အခန်းလူကြီးတွေ) ကတဆင့်ငွေညှစ်တာ ပါ။
ထောင်ကိုအသစ်ရောက်လာတဲ့ အချုပ်ကျ ၊အကျဉ်းကျ တစ်ဦးကို ကျပ်သုံးသိန်းကနေ ရှစ်သိန်းကျပ်အထိ တောင်းခံနေတာ လို့ PPNM က ဆိုပါတယ်။
ငွေကြေးမပေးတဲ့သူတွေဟာဆဲဆိုအော်ဟစ်သောင်းကျန်းခံရ တာ ၊ ကိုယ်ထိလက်ရောက်ရိုက်နှက်တာတွေကိုမကြာခဏကျုးလွန်ခံရပေမယ့် ထောင်ပိုင်က အရေးယူတာမရှိဘူးလို့ PPNM က အသိပေးထားပါတယ်။
