İqtisadçı Samir Əliyev feysbuk səhifəsində maraqlı statistik göstəricilər paylaşıb. Bu, 2016-cı ildə Azərbaycanın qeyr-neft sektoru üzrə ixrac göstəricilərindən bəzi seçmələrdir. Bu göstəricilər qeyri-neft sektorunun inkişafı haqda Azərbaycan hakimiyyətinin illərdir səsləndirdiyi gurultulu bəyanatları darmadağın etməklə yanaşı, dövlət adına utanc kimi də görünə bilər.
Beləliklə, 2016-cı ildə qeyri-neft sektoru üzrə xaricə sata bildiklərimiz:
Diri at – 5 ədəd
Camış – 6 ədəd
Qabığı təmizlənmiş badam – 20 kq
Qabığı təmizlənmiş qoz – 80 kq
Təzə və ya qurudulmuş əncir – 20 kq
Təzə və ya qurudulmuş limonlar – 20 kq
Qurudulmuş qara gavalı – 40 kq
Nərə balıqlarının kürüsü – 30 kq
Aviasiyada işlənən təzə pnevmatik rezin şinlər – 59 ədəd
Təbii dəridən sakvoyajlar, çamadan, qadın yol çantaları – 7 ədəd
Ağacdan paltar asılqanları – 2 ədəd
Qadınlar üçün kimyəvi sapdan palto, yarımpalto, plaşlar – 5 ədəd
Kişilər üçün yun iplikdən trikotaj pencək və blayzerlər – 6 ədəd
Kişilər üçün kimyəvi saplardan trikotaj köynəklər – 1 ədəd
Qadınlar üçün trikotaj şalvar,önlüklü və qayışlı kombinezonlar, şortlar – 1 ədəd
Trikotaj əlcəklər – 30 cüt
Kişilər üçün toxunma kostyumlar – 3 ədəd
Qadınlar üçün çimərlik kostyumları – 2 ədəd
Sukeçirməyən altlıqlı, rezin və ya plastmass üstlü ayaqqabılar – 10 cüt
Oxunub: 474