AXCP sədri Əli Kərimli feysbuk səhifəsində xalqa növbəti dəfə video-müraciət edib. Müraciətin canlı yayımı texniki müdaxilə səbəbindən mümkün olmayıb – yayım yarıda kəsilib. AXCP lideri müraciətin videoyazısını səhifəyə sonradan yükləməli olub. Bu və müraciətində toxunduğu məsələlər barədə Ə.Kərimli yazıb:
Təəssüf ki, bu dəfə də canlı yayıma imkan vermədilər. Çıxışımın videosunu səhifəyə yükləyirəm. Siz də inadına daha çox paylaşın, qoy həqiqətləri daha çox adam bilsin! Ölkəmiz nəyə görə bu acgöz korrupsionerlərdən xilas ola bilmir? Ölkədə dəyişikliyin ləngiməsinin səbəbi nədir? Kim daha çox məsuliyyət daşıyır – müxalifət liderlərimi, xalqmı, yoxsa başqa biriləri? Ölkənin bunlardan xilası mümkündürmü? Bunun üçün bizə nə lazımdır? Nə etməliyik? Mənim cavabımla maraqlananlar videoya sona qədər baxsınlar.
Oxunub: 2064