Azərbaycan mədəniyyətinə ağır itki üz verib.
Azərbaycanın xalq artisti Fuad Poladov uzun sürən ağır xəstəlikdən sonra vəfat edib. O, mayın 4-dən 5-nə keçən gecə, saat 1 radələrində dünyasını dəyişib. Xalq artisti uzun müddət idi xərçəng xəstəliyindən əziyyət çəkirdi.
Xalq artisti ilə vida mərasimi Babək prospektində, yaşadığı binanın həyətində keçirilib. Mərasimdə mərhumun dostları, kino və teatr xadimləri, ictimaiyyət nümayəndələri və sadə vətəndaşlar iştirak edib.
Mərhum vəsiyyətinə uyğun olaraq “Qurd qapısı” qəbiristanlığında dəfn olunub.
Azadliq.info
