Türkiyə və Rusiya arasında Qarabağda atəşkəsə nəzarət haqqında müqavilə imzalanıb. Bu barədə noyabrın 11-də Türkiyə prezidenti Recep Tayyip Erdoğan bildirib.
Onun sözlərinə görə, Türkiyə atəşkəs rejiminə nəzarət və təftiş məqsədilə Rusiya sülhməramlıları ilə birlikdə regionda olacaq.
“Səhər Rusiya ilə atəşkəsə nəzarət və onun təftişi üzrə birgə sülh mərkəzi haqqında müqaviləni imzaladıq”, deyə Erdoğan bildirib.
Xatırladaq ki, dünən Erdoğan bu məsələni prezident Putinlə müzakirə edib, bu gün səhər isə Türkiyə və Rusiyanın müdafiə nazirləri məsələni tamamilə razılaşdırıblar.
Contact.az
