Milli Şuranın sədri, professor Cəmil Həsənli
İndicə Qənimət Zahidin Turan tv-də Əliyev ailəsinin korrupsiya imperiyası haqqında “Yaxın oturun, amma şoka düşməyin! Əliyevin məxfi əməliyyatları! Putinin tapşırıqları!…” adlı proqrama baxdım. Dəhşətlidir, çox dəhşətli. Dəhşətli olduğu qədər də mükəmməldir. Əliyevlər yalnız ölkəni çapıb-talamırlar, həm də xalqdan oğurladıqlarını, taladıqlarını yuyub “təmizə” çıxarmaq üçün Rusiyada, onun işğal etdikləri tanınmayan ərazilərdə, İsraildə, Yaxın Şərqin müxtəlif ölkələrində, Balkanlarda, hətta uzaq Afrikada nəhəng ailə biznesi şəbəkəsi yaradırlar.
Ölkədə işsizlik baş alıb getdiyi bir halda İlham Əliyev ölkədən oğurladığı vəsaitləri bilirsiniz haralara qoyub? Yalnız Moskva və Rusiya paytaxtın ətraf ərazilərinə yox, həm də Rusiya işğalı altında olan Abxaziyaya. Əlbəttə, Putinin “məsləhəti” ilə. Proqramdan bəlli olur ki, Şərəb və ağac emali sənayesini inkişaf etdirmək üçün Əliyevlər nə az, nə çox Abxaziyaya 461 milyon 100 min 75 sent həcmində yatrım qoyublar. Dost Gürcüstanın işğal olunmuş ərazilərinə bu yatrımlar qoyulub.
Proqramdan o da aydın olur ki, Beynəlxalq Bank necə defolt edilib. Qeyd edilən ölkələrə hakim ailənin adından qoyulan yatrımların böyük hissəsi Beynəlxalq Bankın vəsaitləri olub və Əliyevlər bu bankı dədə malı kimi çökürdüb oradan mənimsədikləri vəsaitləri hesabını büdcəyə, yəni xalqın cibinə kəsiblər. Qənimət bəyin sonuncu sentinə qədər səsləndirdiyi oğurluq vəsaitləri hesabına bunlar Azərbaycanı xaraba, xalqı sərgərdan qoyub, digər ölkələrə “sərmayə” qoyublar, digər xalqlar üçün iş yeri açıblar.
İlham Əliyevin korrupsiyaya qarşı “mübarizəsi” öz “bəhrəsini” verir. İndi yalnız Beynəlxalq Bank deyil, bütün Azərbaycan defolt vəziyyətinə salınıb. Uşaq pulu verməyə can çəkirlər, amma özünüz proqrama baxın görün bu millətin çörək pulunu, uşaq pulunu, dolanışıq imkanlarını, gününü-güzaranını Əliyevlər necə oğurlayıb və haralarda yerləşdirib. Proqramın linki şərh bölümündədir.