Əlayif Həsənov
Vəkillər Kollegiyası həmkarlarımız xanım İradə Cavadovanın və xanım Şəhla Hümbətovanın vəkillik statusunu qəbul edib.
Təbriklər.
Amma maraqlıdır ki, bu addım “humanizm”lə izah edilib.
Əslində Anar Bağırov bir daha təsdiq edib ki, qanunlar, məhkəmələr boş şeydir, vəkilliklə bağlı hər şey A. Bağırovun monopoliyasındadır-istəsə bərpa edər, istəsə azad edər. Əvvəllər oxşar addımı Sahib Məmmədovla bağlı atmışdı, məhkəmələr bərpa barədə Sahib Məmmədovun iddiasını rədd etsə də A.Bağırov məhkəmə qərarlarına məhəl qoymadan Sahib Məmmədovu vəkilliyə qəbul etdi.
Ümimiyyətlə vəkilliklə bağlı qəribə vəziyyət yaranıb.
Avtoritar və totolitar rejimlərin əksəriyyətində-xüsusən postsovet ölkələrində vəkillərin fəaliyyətinin məhdudlaşdırılmasına cəhdlər olur, bu da həmin rejimlərin mahiyyətindən irəli gəlir. Amma bu rejimlərdə vəkillərin qısnanmasında Vəkil qurumunun rəhbərliyi birbaşa iştirak etmir, mümkün qədər vəkillərin müdafiəsinə qalxır. Məs Belorusda vəkillərin təqibini əsasən Ədliyyə Nazirliyi həyata keçirir, səlahiyyətindən istifadə edərək “asi” vəkillərin lisenziyasını ləğv edir. Rusiyada istintaq və prokurorluq orqanları bir qayda olaraq fəaliyyətini məhdudlaşdırmaq istədiyi vəkil barədə saxta “istintaq sirrini yayma” ittihamı ilə cinayət işi başlayır, amma demək olar ki, hər zaman vəkil qurumlarının etirazı ilə qarşılaşır, yəni vəkil qurumu vəkilin müdafiəsindən çəkinmir.
Azərbaycanda tam əksinə Vəkillər Kollegiyasının Rəyasət heyəti vəkillərin təqibində avanqard rol oynayır, məhkəmələrə əsassız iddialar göndərir, məhkəmə qərarlarının arxasında gizlənir, vəkilin kənarlaşdırılması barədə rtəcili göstəriş olduqda təcili özü qərar verir. Burada yeni rəhbər Anar Bağırovun “yaradıcılığı” da rol oynayır, həmin rolu daha dolğun başa düşmək üçün “o bednom qusare zamolvite slova” filmindəki Merzlyayaev obrazına diqqət yetirmək lazımdır. Merzliyayaev “mənə tap.ırıq verin” deməyi sevərdi, aldığı tapşırığı “xüsusi tapşırıq” etməyi özü bacarardı