Milli Şuranın sədri, professor Cəmil Həsənli
Heykəl məhbusu Bayram Məmmədovun qəfil ölümü sarsıdıcı xəbər oldu. Onunla öz məhkələrində tanış olmuşdum. İstər Ağır Cinayətlər və istərsə də Appeliyasia məhkəmələrində Bayram bəyin arxayın duruşu, atmacaları, sərrast çıxışı indiki kimi gözümün qarşısındadır. Çox şeyləri gülüşlə qarşılayırdı. Yaşamaq və həyat eşqi böyük idi. 2016-cı ilin May ayının 10-da Qiyas İbrahimlə birlikdə şəhərin Mərkəzində Heydər Əliyevin heykəlinin üzərinə “Qul bayramının mübarək” sözləri yazdıqlarına görə tutmuşdular onları. Amma törətdikləri tarixi hadisəni bir kənara qoyub onların evində külli miqdarda narkotik “tapıb” bu mübariz gəncləri həbs etmişdilər. O da yadımdadır ki, prokuror onlara səhv etmirəmsə 8 il iş istədiyi halda, hakim-“yazıçı” Ənvər Seyidov bu gənclərə 10 il iş oxumuşdu.
Hökumət syatları yazır ki, Bayram intihar edib. İntihar üçün səbəblər olmalıdır. O, Böyük Britaniyada təhsilə başlamaq istəyirdi. İstanbulda dil hazırlığı üzrə hazırlıq keçməsi də bununla bağlı idi. Bu ilin fevral ayında Bayram bəy Bakıya gəlmiş və qanunsuz həbsə görə Avropa Məhkəməsinin ona kəsdiyi kompensasyanı da almışdı. Yəni Britaniya təhsilinin maddi tərəflərini də həll etmişdi. O, Bakıya qayıtmalı idi və deyilənlərə görə hətta dönüş biletini də almışmış. Xatirəsinə sayğılar olsun.
İntihar üçün elə bir səbəb yox idi. Bayram mart ayında Türkiyəyə gələndə onu İstanbul Hava Limanında saxlamışdılar. Bir saata yaxın Bayram bəylə ayrıca otaqda söhbət olub. Kim edib bu söhbəti? Sərhəd xidmətimi, yaxud digər hansısa qurum? Bu sual açıq qalır.
İkinci tərəfdən, nəzərə almaq lazımdır ki, Bayramın müəmmalı “intiharından” az əvvəl Qiyas İbrahim də Türkiyədən deport olunmuşdu. Burada bir bağlılıq varmı. Bu sual da açıq qalır.
Sosial şəbəkələrdən alınan məlumata görə bir müddət əvvəl Belçikada da oxşar hadisə baş vermiş, Vüqar Rızalı adlı müxalif bir fəalın cənazəsi sudan tapılmışdı. Niyə məhz müxalif mövqeli gənclər bir birinin ardınca suda həyatlarını itirirlər? Bu da düşünmək üçün əsas verir. Həm də nəzərə almalıyıq ki, Qiyasla Bayramın heykəl əməliyyatına dəstək verən, onlara rəğbət bəsləyən Mehman Qələndərov istintaq altında döyülüb öldürülmüş və intihar kimi “sənədləşdirilmişdi”. İl yarımdır canı ilə əlləşən hüquq müdafiəçiisi Oqtay Gülalıyev Mehman bəyin “intihar” hadisəsinə tutarlı dəlillərlə aydınlıq gətirmiş, onun gizlin dəfn olunması “əməliyyatın” pozmuşdu. Bayram bəy artıq heykəl məsələsi ilə bağlı həyatın itirən ikinci ictimai fəaldır. Yəni 3 nəfərdən ikisi artıq “intihar” edib. Niyə məhs heykəl məhbusları? Mandat alveri qalmaqalına görə Azərbaycan hakimiyyəti üçün arzuolunmaz adama çevrilmiş Sevinc Babayevanın da müəmmalı ölümü bura əlavə edilsə, suallardan biri də artar. Şübhəsiz ki, Özbək müxalifətinin liderinin İstanbul küçələrində qanına qəltan edilməsi də yaddan çıxmayıb.
İstanbulun dəniz və boğaz sahilləri başdan başa kameralaşdırılıb. Rəsmi məlumatda Bayram bəyin dənizə çimmək adı ilə girdiyi və bir daha geri dönmədiyi göstərilib. Bayram bəydən başqa həmin vaxt dənizə girən olubmu? Dənizdə çimmək istəyən adam suya paltarla girmir. Gödəkçə ilə sərt karantin dövründə adam niyə suya girməlidir və günün günorta çağı bunu da heç kim görməməlidir? Bu da bir məsələdir.
Əgər biz nəzərə alsaq ki, Fransada Məhəmməd Mirzəlini bıçaqlayıb öldürmək istəyən qurupun da Türkiyəyə getməsi barədə az əvvəl məlumat yayılmışdı. Bu halda vəziyyət daha da mürəkkəbləşir. Bayram bəyin intihar etməsi barədə hökumət mediyasında tirajlanan məlumatlar da hansı maraqdan irəli gələ bilər? Axı, inandırıcı deyil, baş verən hadisə intihara oxşamır. Baxmayaraq ki, “intihar” adı ilə Azərbaycan hakimiyyəti xeyli əleydarın gizli ya açıq dəfn edib. Maltada jurnalist (Daphne Galizia) qətlinin də Azərbaycan izi beynəlxalq mətbuatda geniş işıqlandırılıb və SOCAR-ın işçisinin adı bu prosesdə keçir.
Bütün versiyalar obyektiv istintaq tələb edir. Amma olacaqmı? Yuxarda qeyd etdiyimiz cinayətlərin hansının istintaqı başa çatdırılıb, ağlabatan hüquqi izahı verilib? Əliyev rejimi ölkə xaricində müxalif mövqeli əleydarlarına, sosial media tənqidçilərinə münasibətdə dəfələrlə əməliyyat keçirib, bu barədə məlumatlar yayılıb. Əliyevin xüsusi xidmət orqanları tənqidçi jurnalist Əfqan Muxtarlını Tbilisinin küçələrindən oğurlayıb.
İki gün əvvəl mənim kompyuturuma da müdaxilə oldu. Cəbhəçi İlham Hüseynin oğurlanmış mesinceri vasitəsi mənim kompyuterimə Any Desk.com proqramın yükləməyə cəhd etdilər. Kompyuter telefona bağlıdır və orada olan bütün proqramlar telefonda da var. Bu proqram vasitəsi ilə “subyekti” bütün hərəkət troektoriyasın, hara getməsin, kimlə görüşməsin, kimlə yazışmasın, kiminlə danışmasın izləmək mümkündür. Milli Şuranın digər üzvlərinin bilgisayarlarına da belə müdaxilə cəhdləri olub.
Deməyim odur ki, Bayramın “intiharı” ilə bağlı müəmmalar çoxdur. Azərbaycanın kriminal rejiminin öz əleyhdarlarını qəzaya salmaqla, istintaq altında döyüb öldürməklə, suda və qazda boğmaqla, partlatmaqla, bıcaqlamaqla, başına torba keçirib oğurlamaqla bağlı zəngin təcrübəsi var. Bu təcrübənin özünün də tarixi “ənənəsi” var. Həmin ənənədən də kiçik bir sənəd bu posta əlavə edirəm: Düçünmək üçün