İranın seçkilərə nəzarət edən qurum bəzi tanınmış namizədləri diskvalifikasiya etdikdən sonra ölkədə iyunun 18-də keçiriləcək prezident seçkilərində iştirak etmək üçün ədliyyə sisteminin rəhbəri İbrahim Rəisi də daxil olmaqla, yeddi namizədin adını təsdiqləyib.
Seçilməsinə Qəyyumlar Şurası tərəfindən icazə verilən Rəisi namizədlər arasında ən çox tanınanlardandır və Ali ruhani lider Ayətulla Əli Xameneyinin yaxın müttəfiqidir.
Dövlət televiziyası digər namizədlər arasında keçmiş nüvə müzakirəçisi Səid Cəlili, İnqilab Keşikçilərinin keçmiş komandiri Möhsün Rezayi, keçmiş millət vəkili Əli Rza Zəkani, millət vəkili Əmir Hüseyni Qazizadə, keçmiş əyalət valisi Möhsün Mehralızadə və İran Mərkəzi Bankının hazırkı başçısı Əbdülnasir Hemmatinin də olduğunu bildirib.
Şura prezident Həsən Ruhaninin müttəfiqi, mühafizəkarlardan olan keçmiş parlament sədri Əli Laricaninin namizədliyini irəli sürməsini qadağan edib.
Eyni zamanda şura praqmatist birinci vitse-prezident Eşhaq Cahangir və keçmiş prezident Mahmud Əhmədinejadı da diskvalifikasiya edib.
Son illər sərt imicini daha mərkəzçi bir namizədə çevirməyə çalışan Əhmədinejad hökuməti səhv idarəetməsinə görə tənqid edib.
2017-ci ildə ölkənin ali ruhanı lideri Ayətulla Əli Xameneyinin
Holokostu inkar edən Əhmədinejadın prezidentliyə namizədliyinə qadağa qoymasına baxmayaraq, o, o vaxt da qeydiyyatdan keçmişdi. Konstitusiyaya nəzarət edən Nəzarət Şurası nəticədə onu diskvalifikasiya etmişdi.
Amerikanın səsi