Milli Şuranın sədri, professor Cəmil Həsənli
Ölkəmizdə rəqəmsal, idarə olunan virus mühiti var. İstənilən vaxt onu çoxaldıb, istənilən vaxt azalda bilirlər. Dünən virisa yoluxma sayı 164 nəfərə enib, sabah və ya o biri gün 110-120-yə də enə bilər. Həta iyunun 4-də Formula 1 oyunları başlanana qədər yoluxma sayı 100-də aşağı da düşə bilər. Çünki idman sağlamlığın “rəhnidir”.
Təxminən bir ay əvvəl mənzərə fərqli idi. Aprel ayının ortalarında 2500, aprelin 25-də isə 2200 ətrafında virusa yoluxanlar vardı. Nədənsə yazın gəlişi virusa yoluxanların sayının da kəskin artımı ilə müşayiət olunurdu. Görünür Formula oyunlarının bir az da müalicəvi əhmiyyəti var. Belə görünür ki, bir neçə gün sonra Bakının mərkəzində şütüyən YAPalaq maşınlar virusu paytaxtımızdan tamam qovub çıxaracaqlar.
Sabahdan başlayan açılım millətə görə edilən açılım deyil, xalq görə yumşalma deyil, Formulaya görə edilən açılım və yumuşalmadır. Axı bu Əliyevlərin tapındığı elə “müqəddəs” oyundur ki, gərək malımız da gedə, canımız da. Bu elə bir idman növüdür ki, burada Azərbaycanın hər hansı qatqısı, rolu, iştirakı və göstərcisi yoxdur. Bizim üzərimizə düşən bu oyunların xərcin çəkməkdir, fakturasın ödəməkdir. Vaxtıyla Novruzəli xana gətirdiyi toyuqlara özü ilə dən də gətirdiyi kimi, bunlar da formulaçıların tək özlərinin deyil, onların YAPalaq maşınlarının da bütün xərclərini çəkirlər.
Yəqin ki, biz Formula 1-dən sonra Azərbaycanda rəqəmsal Covidə yoluxanların sayının artmasının artmasının şahidi olacağıq. “İdarə olunan” pandemiya İlham Əliyev üçün göydən düşmə olub. Çünki bu idarə olunan rəqəm manipulyasiyasından o, özünün ailə hakimiyyətini qorumaq, əlehdarlara qarşı represiyalar həyata keçirmək, xalqın konstitusyon hüquqlarını məhdudlaşdırmaq, etiraz etmək haqqını əlindən almaq vasitəsi kimi istifadə edir. Pandemiya şəraitində İlham Əliyev özünüqorumanın (oxu hakimiyyətini) əlavə “hüquqi” imkanlarını əldə edib və Covid – 19 onun üçün gösdəndüşmə olub.
Amma necə olur ki, yoluxma sayı azaldığı, qadağalar yumşaldığı şəraitdə Musiqi festivalı, Formula 1, nə bilim Yay Avropa Oyunları, dini mərasimlər keçirilə bilər, amma etiraz aksiyası, toy mərasimləri olmaz. Hökumət və ya Operativ qərarga bunu nəylə izah edir? Axı, yoluxma rəqəmləri çox sürətlə aşağı düşür, deyirəm bəlkə bir az yavaşıyaq!