اتعلم ببلاش

بقلم: سارة زكريا فى ديسمبر 9, 2018

من فترة طويلة وأنا بحاول عتمد بشكل كبير في تعليم وتطوير نفسي على الإنترنت، لكن أحياناً مبيكونش عننا المهارات البحثية اللي تخلينا نقدر ندور صح ونلاقي اللي عايزين نتعلمه، زائد المحتوى التعليمي العربي غير متوفر بنفس قدر المحتوى الانجليزي ومعظمنا بيكون محتاج يتعلم بالغه العربية.

فا بالتالي بنختار الطريق الأسهل وهو أننا نروح مكان معروف ونحجز كورس غالي جداً عشان نبقا عملنا الي علينا وقدمنا في أحسن مكان ممكن نتعلم فيه الحاجة اللي عايزين نتعملها

لكن الموضوع تحول في بعض الأماكن التعليمية لاستغلال شنيع، كمثال، شفت كورس تصوير للمبتدئين مكون من 4 محاضرات فقط تكلفة الاشتاك فيه 2500 جنيه للفرد.

ايه الي ممكن يتعلمه مبتدأ في 4 محاضرات فقط يساو 2500 ج؟!

ليه التكلفة عالية مقابل خدمة بسيطة ووقت قليل واكيد كمية معلومات قليلة او علي الأقل لا تستحق ال 2500 ج

في حين انك ممكن تتعلم نفس الي هتتعلمه في كورس دا واكتر ببلاش

لذلك حاولت على قد ما اقدر اجمع أكبر قدر ممكن من المواقع المتاح فيها كورسات مجانية سواء المحتوى بتاعها كان عربي او انجليزي

اولاً الغني عن التعريف اليوتيوب www.youtube.com

اما تبحث علي اليوتيوب استخدم كل المفردات والكلمات الي ممكن تكون خاصة بالحاجة الي عايز تتعلمها علي سبيل المثال لو عايز تتعلم فوتوشوب فجرب تكتب في خانه البحث مثلاً

كورس فوتوشوب

وجرب تاي تكتب photoshop course

Adobe photoshop course .. الخ

وقارن بين كل الي هيظهرلك وشوف الأنسب ليك

ولو بتدور على حاجة معينة فببساطة ممكن تكتب الحاجة الي عايز تعرفها وفي الاخر تكتب كلمة Tutorial

او تكتب في الأول How to "كذا" (الحاجة الي بدور عليها(

اما بالنسبة للمواقع المتخصصة في الكورسات الكاملة :

أولاً المواقع العربي:

https://www.rwaq.org/

https://www.edraak.org/

متاح عربي وانجليزي

http://www.stjegypt.com/